Matiyo 5:42 - Maktub gə́ To gə Kəmee

⁴² Yeḛ gə́ kwɔii né ndá aree ɓó ɔgee el. Yeḛ gə́ ndigi tonai lar əsé ndimai né ləi kara tel giri ila aree el tɔ.

Matiyo 5:42 ပူးပေါင်းရင်းမြစ်များ

Pakɔsje 37:21

Njemeeyèr lé tona dee né ndá Tel ar dee gogo el, Nɛ njemeemaji lé ar né gə́ kar pə-pə.

Gosota-Kəmkàrje 19:17

Yeḛ gə́ oo kəmtondoo lə njendoo lé To asəna gə yeḛ gə́ ar Njesigənea̰ tona né Ndá yeḛ nja a kuga ɓaŋgee gə goo néreaje.

Gosota-Kəmkàrje 21:26

Yeḛ ndiŋga néje gə́ ndiŋga ya gə ndɔ saar kàr uree naŋg jigi, Nɛ njemeekarabasur lé ar né gə́ kar ɓó ɔg el.

Njekillamber 11:6

Gə ndɔ rad lé dubu nédubu ləi ləm, ar jii wa rəa kàrkemetag el ləm tɔ. Mbata i gər né gə́ a gə teḛkɔr lé el, yee gə́ yo əsé yee gə́ nee, əsé ɓó lé deḛ joo bɔr maji d’asəna kara i gər el tɔ.

Loo gə́ killa rea kəm Daniel’g 4:27

ndá mbai lé un ta pa pana: Babilɔn gə́ boo gə́ to neelé see to ma nja gə́ m’unda gelee mba karee to ɓee-si mbai gə goo boo-siŋgamoŋ ləm-ma ləm, gə goo boo-ronduba lə dɔmoŋ ləm-ma ləm tɔ el wa.

Matiyo 5:41

Ɓó lé dəw buguri gə mba kari aw səa kuruloo kára ndá i a kaw səa kuruloo joo.

Lugu 11:41

Néje gə́ to ŋgaw meḛ sí’g ɓa waje arje njénékəmtondooje ɓa néje lai a to néje gə́ àr mbata lə sí ɓəi tɔ.

Njé gə́ Rɔmə 12:20

Taree pa ya tɔɓəi pana: Ɓó lé ɓoo tɔl njeba̰ ləi ndá aree nésɔ sɔ ləm, Lé kunda tɔlee kara aree mán ai ləm tɔ, Mbata loo gə́ i ra togə́bè lé to asəna gə kɔr pər gə́ i uba ɔm dəa’g tɔ.

Ǝbrəje 13:16

Maji kar sí lal ra meemaji gə mar síje el ləm, lal kwa sə dee noji el ləm tɔ, mbata nékinjaməs lə sí gə́ togə́bè ɓa taa kəm Ala ya.

Ǝbrəje 6:10

Mbata Ala lé to njera né gə́ lal najee el, mée a kwəi dɔ kula ra sí gə́ seḭ raje areeje lé el ləm, gə dɔ ɓar gə́ seḭ arje ria ɓar ne wəl-wəl el ləma, gə dɔ nojimeenda gə́ seḭ waje gə deḛ gə́ to gə kəmee bur-bur kédé lé saar ɓasinè el ləm tɔ.

Maktub gə́ Jak ula ne ar ngan-Allaje 1:27

Tədkag Ala gə́ to kankəm né gə́ taa kəm Ala Ɓɔsíje lé yee ɓa nee: Aw la gə ŋganalje gə njékəisiŋgaje dan némeeko̰’g lə dee ləm, ar majel gə́ dɔ naŋg nee tibi mbɔri el ləm tɔ.