Matiyo 5:3 - Maktub gə́ To gə Kəmee

³ Deḛ gə́ d’ula dɔ dee lé rɔ dee lel dee, Mbata ɓeeko̰ gə́ dara to ka̰ dee-deḛ ya.

Matiyo 5:3 ပူးပေါင်းရင်းမြစ်များ

2 Sôrta Gḭka Israɛlje 33:12

Loo gə́ yeḛ si dan némeeko̰’g ndá yeḛ ra ndòo rɔ Njesigənea̰ Ala’g ləa, tɔɓəi yeḛ oso kul riba dɔ rəa pərəg no̰ Ala’g lé lə bɔbeeje-je.

2 Sôrta Gḭka Israɛlje 33:19

Tamaji ra ləa gə tel gə́ Ala tel ilá keneŋ, gə kaiyaje ləa gə kaltaje ləa, gə dɔ looje gə́ ndəw gə́ yeḛ unda dee ar magəje gə néndajije gə́ tɔl dee kédé ɓa yeḛ oso ne kul ɓəi lé ndaŋg taree mee maktub’g lə Hojai.

2 Sôrta Gḭka Israɛlje 33:23

Yeḛ oso kul no̰ Njesigənea̰’g to gə́ bɔbeeje Manasə oso bèe el mbata Amo̰ lé ar ta wa ne dəa gə́ kédé-kédé.

2 Sôrta Gḭka Israɛlje 34:27

Mbata ɓəŋgəri ti dus ləm, mbata i wa ndòo no̰ Ala’g lé dɔ ta gə́ pa dɔ loo gə́ nee’g gə dɔ dəwje gə́ d’isi keneŋ ləm, mbata i oso kul no̰m’g ləma, mbata i til kubuje ləi rɔi’g no̰m’g ləm tɔ ndá ma kara m’oo ndui ya tɔ. Njesigənea̰ ɓa pa bèe.

2 Sôrta Gḭka Israɛlje 7:14

ɓó lé koso-dəwje ləm gə́ d’unda rim dɔ dee’g lé, d’oso kul ra ne tamaji tam’g ləm, gə d’uba goo rəw-kaw deeje gə́ majel d’ya̰ ləm tɔ ndá m’a koo ta lə dee mee dara’g ləm, m’a kar məəm oso lemsé dɔ kaiyaje’g lə dee ləma, m’a kar ɓee-si dee tel to maji péd-péd ləm tɔ.

Maktub gə́ wɔji dɔ Jɔb 42:6

Gelee gə́ nee ɓa ma m’gaŋgta dɔ rɔm’g m’wa ne ndòo rɔm Dan babur’g ləm, gə dan bu pər’g ləm tɔ.

Pakɔsje 1:1

Dəw gə́ taa ta sula lə njémeeyèrje njaa keneŋ el ləm, Gə ɔs gɔlee naŋg gèŋ rəw’g lə njékaiyaje el ləma, Gə si na̰’d gə njékimlooje el ləm tɔ ndá Yeḛ si gə rɔlel ya.

Pakɔsje 112:1

Pidije Njesigənea̰. Dəw gə́ ɓəl Njesigənea̰ Ra torndia gə meendakaḭ ndá si gə rɔlel.

Pakɔsje 128:1

Pakɔs kḭ kaw tuga ne loo ɗao-ɗao gə́ tar. Rɔlel nai gə dəwje gə́ ɓəl Njesigənea̰ Deḛ gə́ njaa gə goo kila-rəwje ləa lé.

Pakɔsje 146:5

Rɔlel nai gə yeḛ gə́ Ala lə Jakob to gə́ njela səa ya ləm, Yeḛ gə́ unda mée yel dɔ Njesigənea̰ Ala’g ləa lé ləm tɔ.

Pakɔsje 2:12

Maji kar sí ilaje koji dɔ ŋgon’g Nà banelə a ra oŋg Kar sí uduje ne bo̰ rəw-kaw sí’g. Mbata oŋg ləa nduba kalaŋ ya. Deḛ gə́ d’ɔm meḛ dee dəa’g lé D’isi gə rɔlel ya.

Pakɔsje 34:18

Loo gə́ njémeekarabasurje no̰ wəl ndá Njesigənea̰ oo ndu dee ya, Yeḛ ɔr dee ne dan néurtije’g lə deḛ lai.

Pakɔsje 41:1

Pa lə Dabid gə́ ar bao-pa mba karee ɔs sə dee lé

Pakɔsje 51:17

Mbaidɔmbaije, maji kari wa tam teḛ Ndá tam a kila mber ta pidiije.

Pakɔsje 84:12

Mbata Njesigənea̰, Ala to kàr ləm, gə dər-rɔ ləm tɔ, Meenoji gə rɔnduba lé Njesigənea̰ ɓa ar dee, Deḛ gə́ njaa gə goo rəw gə́ danasur lé Yeḛ ɔg dee némaji kára kara bèe el.

Gosota-Kəmkàrje 16:19

Koso kul na̰’d gə njékula dɔ deeje lé Maji unda kai gə njébeeleje nébanrɔ.

Gosota-Kəmkàrje 29:23

Beelé lə dəw lé aree oso kul, Nɛ yeḛ gə́ ula dəa aw yururu ndá iŋga rɔnduba.

Gosota-Kəmkàrje 8:32

Bèe ɓa ɓasinè lé ŋganəmje, Ooje ta ləm, Deḛ gə́ d’aa dɔ rəw-kabmje lé Rɔlel nai sə dee ya!

Esai 30:18

Gelee gə́ nee ɓa Njesigənea̰ ndiŋga rəa Gə mba ra sə sí meemaji Ndá yeḛ a kḭ gə mba koo kəmtondoo lə sí, Mbata Njesigənea̰ to Ala gə́ njemeekarabasur, Rɔlel a nai gə deḛ gə́ d’unda meḛ dee yel gə́ dəa’g!

Esai 57:15

Mbata Njekurdɔloo ləm Njesikəmba gə no̰ ləma, Yeḛ gə́ Ria to gə kəmee ləm tɔ lé Pa togə́bè pana: Ma m’isi sém looje gə́ ndəw’g ləm, Gə loo gə́ to gə kəmee’g ləm tɔ, Nɛ m’isi na̰’d gə dəw gə́ kəmee to ndòo ləm, Gə yeḛ gə́ ula dəa ləm tɔ, Gə mba gɔl meḛ dee gə́ d’ula dɔ dee ləm, Gə deḛ gə́ kəm dee to ndòo ləm tɔ.

Esai 61:1

Ndil Mbaidɔmbaije gə́ Njesigənea̰ dəb dɔm’g, Mbata Njesigənea̰ wa dɔm gə ubu Mba kam m’ila mber tagə́maji m’ar njénékəmndooje, Yeḛ ulam mba kam m’aji deḛ gə́ ɓəŋgərə dee ti dus ləm, Gə mba kam m’ila mber ta kɔr ɓər dɔ deḛ gə́ d’wa dee ɓər ləma, Gə ta kɔm deḛ gə́ d’udu dee duu-loo’g lé tar ləm tɔ ,

Esai 66:2

Néje lai neelé jim-ma nja ɓa ra dee ləm, Mbɔl dɔm-ma ɓa d’isi ne kəmba ləm tɔ. Aa ooje, dəw gə́ m’orè kəm ndəŋ dəa’g ɓa nee: Dəw gə́ si dan némeeko̰’g Esé yeḛ gə́ unda bala ləm, Yeḛ gə́ ɓəl ta ləm ləm tɔ.

Misee 6:8

I dəw lé d’ulai né gə́ maji gə́ wɔji dɔi Gə né gə́ Njesigənea̰ ndigi kiŋga rɔi’g to: To mba kari ra né gə́ to gə dɔ najee ləm, Gə unda meekɔrjol dan kəmi’g ləma, Gə njaa gə Ala ləi gə ŋgonkoji ləm tɔ.

Matiyo 11:25

Ndəa neelé Jeju un ta pa pana: Bɔm, ma m’pidii, i gə́ to Mbai dɔ dara ləm, gə Mbai dɔ naŋg nee ləm tɔ mbata néje neelé i iya ne njékəmkàrje gə njégosonégərje kág nɛ i tegginee ar deḛ gə́ nai gə́ ŋganje ba ɓa d’oo.

Matiyo 11:6

Rɔlel a nai gə yeḛ gə́ oom gə́ dəw gə́ njekun gɔlee karee oso el lé.

Matiyo 13:16

Nɛ seḭ lé rɔ sí lel sí mbata seḭ ooje gə kəm sí mba̰ ləm, rɔ sí lel sí mbata seḭ ooje taree gə mbi sí mba̰ ləm tɔ.

Matiyo 19:14

Jeju ula dee pana: Ya̰je ŋganje neelé ar deeje ree rɔm’g ɓó ɔg deeje rəw el, mbata ɓeeko̰ gə́ dara lé to mbata lə deḛ gə́ to d’asəna sə dee bèe ya tɔ.

Matiyo 24:46

Kura neelé gə́ mbai ləa teḛ dəa’g iŋgá dɔ néra gə́ togə́bè’g ndá a si dan rɔlel’g ya.

Matiyo 25:34

Yen ŋga, mbai a ree kula deḛ gə́ d’isi dɔ jikɔlee’g lé pana: Seḭ gə́ Bɔm tɔr ndia dɔ sí’g lé ree taaje ɓee o̰je, to ɓeeko̰ gə́ d’wa dɔ gɔlee d’wɔji ne dɔ sí ndɔ gə́ d’un kudu tum ne gin naŋg neelé ya.

Matiyo 3:2

Maji kar sí waje ndòo rɔ sí dɔ kaiya’g lə sí mbata ɓeeko̰ gə́ dara lé nai dəb ba ŋga.

Matiyo 8:11

Bèe ɓa ma m’ula sí təsərə, njé gə́ na̰je bula d’a kḭ bər ləm, gə dɔ-gó ləm tɔ ndá d’a si na̰’d ta ka-nésɔ’g ɓeeko̰ gə́ dara na̰’d gə Abrakam, gə Isaak, gə Jakob tɔ.

Mark 10:14

Loo gə́ Jeju oo togə́bè ndá yeḛ oso gə oŋg biriŋ, tɔɓəi ula dee pana: Ya̰je rəw arje ŋganje ree rɔm’g ɓó tuba deeje el, mbata ɓeeko̰ lə Ala lé to mba deḛ gə́ to tana sə dee bèe ya.

Lugu 11:28

Nɛ Jeju tel ilá keneŋ pana: Deḛ gə́ d’oo ta lə Ala gə́ d’aa dəa kər-kər lé ɓa rɔlel lə dee a kal dɔ yeḛ gə́ nee ɓəi.

Lugu 18:14

Ma m’ula sí təsərə, njetaa lar-gədɓee neelé aw gə́ kəi ləa ndá ta godo dəa’g, nɛ yeḛ gə́ raŋg lé ta nai dəa’g ɓəi. Mbata nana ɓa gə́ unda dəa gə́ tar ndá d’a karee ula dəa ya, nɛ nana ɓa gə́ ula dəa ndá d’a karee unda dəa gə́ tar tɔ.

Lugu 22:29

gelee gə́ nee ɓa ma m’wa ne ɓeeko̰ lé m’unda m’ar sí, to gə́ Bɔm wa unda am-ma lé bèe tɔ,

Lugu 22:30

mba kar sí sije ta nésɔ’g sɔje gə ta nékai’g aije mee ɓeeko̰’g ləm ləm, gə mba kar sí sije dɔ kalimbaije’g gə mba gaŋgje rəwta lə ginka Israɛlje gə́ dɔg-gir-dee-joo lé ləm tɔ.

Lugu 4:18

Ndil Mbaidɔmbaije dəb dɔm’g Mbata yeḛ nja wa dɔm gə ubu Mba karm m’ila mber tagə́maji lé m’ar njéndooje ya. Yeḛ ulam gə mba karm m’ila mber ta kɔr ɓər dɔ deḛ gə́ d’wa dee ɓər ləm, Mba karm m’ula njékəmtɔje ta kəm deḛ gə́ a gə kinja kar dee d’oo ne loo ləm, Mba kar deḛ gə́ d’udu dee kəi lé d’a kila rɔ dee ləma,

Tagə́maji gə́ Ja̰ ndang 20:29

Jeju ulá pana: I lé ɔm məəi dɔm’g ɓasinè mbata koo gə́ i oom ŋga. Deḛ gə́ d’oom el ɓa d’ɔm meḛ dee dɔm’g lé rɔ dee a lel dee ya.

Tel tura Godndu 8:2

Arje meḛ sí olé dɔ rəwje lai gə́ Njesigənea̰ Ala ar sí njaaje keneŋ as ləb rɔ-sɔ dɔdilaloo’g, gə mba kar sí osoje ne kul ləm, gə mba kaḭ ne meḛ sí koo ne taje gə́ to meḛ sí’g, see seḭ a kaaje dɔ tornduje neḛ əsé a kaaje dɔ dee el wa.

Maktub gə́ Jak ula ne ar ngan-Allaje 1:10

Ŋgoko̰ sí gə́ to gə́ bao lé maji karee-yeḛ nja nda mée kaḭ dɔ koso kul’g ləa, mbata yeḛ a dəs pèd asəna gə pudu muje bèe.

Maktub gə́ Jak ula ne ar ngan-Allaje 1:12

Dəw gə́ wa mée mbidi ti dɔ nékər gə́ a gə neán ndá rəa a lelee, mbata loo gə́ yeḛ dum dɔ nékər mba̰ ndá yeḛ a kiŋga dɔgugu gə́ ka̰ kəmə gə́ Mbaidɔmbaije un ndia mba kar deḛ gə́ d’undá dan kəm dee’g lé.

Maktub gə́ Jak ula ne ar ngan-Allaje 2:5

Ooje ta nee maji, ŋgakɔmje gə́ m’unda sí dan kəm’g: See Ala ɔr kəm deḛ gə́ to gə́ njéndooje kəm dəwje gə́ naŋg nee mba kar dee to bao-meekunje ləm, mba kar ɓeeko̰ gə́ yeḛ un ndia mba kar deḛ gə́ d’undá dan kəm dee’g lé d’a to njeaje ya ləm tɔ lé el wa.

Loo gə́ killa rea kəm Ja̰’g 19:9

Kura gə́ dara lé ulam pana: Ndaŋ maktub ula dee ne pana: Deḛ gə́ d’a ɓar dee loo naḭ taa na̰’g lə Ŋgonbad lé rɔ dee a lel dee. Yeḛ ulam tɔɓəi pana: Ta neelé to gə́ kankəmta lə Ala ya.

Loo gə́ killa rea kəm Ja̰’g 22:14

Rɔlel nai gə deḛ gə́ togo kubu lə dee mba kiŋga rəw sɔ kandə kag kəmə lé ləm, əsé mba kiŋga rəw kandə ne mee ɓee’g neelé ləm tɔ.

Loo gə́ killa rea kəm Ja̰’g 3:17

Mbata i ə̰ji ta məəi’g pana: I to gə́ bao ləm, i ar nébaoje taa rɔi pəl-pəl ləma, i aw ndòo né kára kara el ləm tɔ. Nɛ némeeko̰ rai ləm, kəmi to ndòo ləm, i si dan ndòo’g ləm, i to gə́ njekəmtɔ ləma, i aw gə kudi dum ləm tɔ nɛ i gər bèe el.