Matiyo 5:26 - Maktub gə́ To gə Kəmee

²⁶ Ma m’ulai təsərə, lée neelé i a nai keneŋ saar njena a kuga gira ɓaŋgee ŋgər-ŋgər karee godo.

Matiyo 5:26 ပူးပေါင်းရင်းမြစ်များ

Matiyo 10:29

See deḛ ndogo tḭtḭje joo kəm sisi el wa. Ɓó lé bɔ síje lé mée ndigi el ndá tḭtḭ kára kara a koso naŋg el.

Matiyo 18:34

Mee ɓéeje ḭ səa jugugu, aree wá ulá ji njégaŋ-rəwtaje’g ar dee d’ilá daŋgai’g saar mba karee uga ɓaŋg gə́ to dəa’g lé ŋgər-ŋgər ya tɔ.

Matiyo 25:41

Gée gə́ gogo yeḛ a kula deḛ gə́ d’isi dɔ jigelee’g pana: Ɔdje tam’g gə́ gogo, seḭ gə́ ndɔl wa dɔ sí lé, ɔdje gə́ dan pər gə́ si o̰ bilim-bilim’g gə no̰ gə́ d’wa dɔ gɔlee d’wɔji ne dɔ njekurai gə kuraje ləa lé.

Matiyo 25:46

Deḛje neelé d’a kɔd kaw loo gə́ bo̰ néra dee a kɔs ta dee’g keneŋ gə no̰ nɛ njémeekarabasurje lé d’a kɔd kaw si loo-sikəmba’g lə dee gə no̰ tɔ.

Mark 12:42

Njekəisḭga gə́ njendoo kára bèe ree tɔ ndá yeḛ ɔm ŋgan lar gə́ njigi-njigi bèe keneŋ joo tɔ.

Lugu 12:58

Loo gə́ i aw gə njeba̰ ləi no̰ njeko̰ɓee’g ndá ɔs rɔi ɓad gə mba kar sí-seḭ gə njetar ləi lé ɔmje na̰’d rəbə yəg ɓa nà banelə yeḛ a ndɔri kaw səi no̰ njegaŋ-rəwta’g ləm, kar njegaŋ-rəwta lé taai ulai ji njekaa dɔ daŋgai’g ləma, karee-yeḛ nja ilai daŋgai’g ndəd ya ləm tɔ.

Lugu 12:59

Ma m’ulai təsərə, lée gə́ neelé i a nai keneŋ saar njena a kuga gira ɓaŋgee ŋgər-ŋgər tɔ.

Lugu 16:26

Tɔɓəi boo-wəl gə́ uru yaa̰ to dan sí’g dana, togə́bè ɓa loo kḭ rɔ síjeḛ’g kaw rɔ sí-seḭ’g godo ləm, loo kḭ rɔ sí-seḭ’g ree rɔ síjeḛ’g kara godo ləm tɔ.

2 Njé gə́ Tesalonikə 1:9

Bo̰ néra dee a kɔs ta dee’g loo gə́ d’a tuji keneŋ gə no̰ ləm, d’a si ŋgərəŋ ɓó d’a si no̰ Mbaidɔmbaije’g dəb el ləma, siŋgamoŋ ləa a nduba dɔ dee’g el ləm tɔ.

Maktub gə́ Jak ula ne ar ngan-Allaje 2:13

Yeḛ gə́ meekɔrjol ləa godo ndá loo-gaŋg-rəwta lé meekɔrjol ləa a godo keneŋ tɔ. Nɛ meekɔrjol lé rəwta-gaŋg a kudu ne tɔ.