Matiyo 5:24 - Maktub gə́ To gə Kəmee

²⁴ ndá maji kari ya̰ nékar-Ala ləi no̰ loo-nékinjaməs’g ɔd aw iŋga ŋgokɔḭ ɓó gə ɔmje səa na̰’d yəg ɓa tel ree un nékar-Ala ləi lé ar Ala ɓəi.

Matiyo 5:24 ပူးပေါင်းရင်းမြစ်များ

Maktub gə́ wɔji dɔ Jɔb 42:8

Maji kar sí twaje bɔ maŋgje siri ləm, gə bàl badje siri ləm tɔ, awje ne rɔ kura’g ləm Jɔb gə́ nékinjaməs gə́ ka̰ roo gə mbata lə sí-seḭ ya. Ndá kura ləm Jɔb a ra tamaji mbata lə sí mbata mbɔl dɔ Jɔb lé ɓa m’a ra ne sə sí gə goo némbə lə sí lé el. Mbata seḭ paje ta ləm gə goo rəbee to gə́ kura ləm Jɔb pa lé el.

Gosota-Kəmkàrje 25:9

Ɔr ta ləi gə́ i aw ne gə mari gə ta mba taa ne dɔi, Nɛ maji kari riba dɔ ta lə mari gə́ to loo-kiya’g el,

Matiyo 23:23

Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata kamnaḭje lə sí gə́ ri dee lə mantə gə anet gə kumin lé seḭ kaije loo-dɔg ɓa seḭ unje təa kára arje Ala lé nɛ kankəm ta godndu gə́ wɔji dɔ meekarabasur gə meekɔrjol gə meenda londoŋ gə́ d’ur dɔ taje lai lé seḭ ubaje ya̰je. Néje neelé to néje gə́ kəm ra ya nɛ a kubaje néje gə́ raŋg neelé kya̰je el tɔ.

Matiyo 5:23

Bèe ndá loo gə́ i ree gə nékar-Ala ləi no̰ loo-nékinjaməs’g ɓa i la̰ji ta teḛ ne dɔ né gə́ ŋgokɔḭ aw ne səi gə ta

Mark 9:50

Kad lé to né gə́ maji ya, nɛ ɓó lé kad gə́ rii tel rii el ndá see ɗi ɓa seḭ a raje ne mba karee rii gogo ɓəi wa. Maji kar darɔ sí-seḭ nja to gə́ kad ɓó gə́ ɔmje ne meḛ sí na̰’d sad.

1 Njé gə́ Kɔrḭtə 11:28

Bèe ndá maji kar dəwje kára-kára lai tən meḛ dee kédé ɓa d’a ko̰ muru ləm, gə d’a kai né mee ŋgo-kai-né’g ɓəi ləm tɔ,

1 Timote 2:8

Yee ɓa, ma m’ndigi kar dəwje ra tamaji gə loo lai, ɓó gə d’odo ne ji dee gə́ àr ŋgad-ŋgad par gə́ dara, lal oŋg ləm, gə lal kɔl ləm tɔ.

Maktub gə́ Jak ula ne ar ngan-Allaje 5:16

Tegje gin kaiya lə sí gə́ raga arje na̰ ləm, raje tamaji mbata lə na̰ ləm tɔ mba kar kəm sí tuga ne sib. Tamaji gə́ rara gə́ njemeekarabasur ra gə́ ɓar mḭ ndá to tamaji gə́ mḭ ya.