Matiyo 5:15 - Maktub gə́ To gə Kəmee

¹⁵ Néndogó kara d’ɔs pər keneŋ mba dəb ŋgo dɔ’g el nɛ d’ula kagee’g tar d’aree ndogó ne mee kəi’g jol-jol mba kar dəwje lai d’oo ne loo.

Matiyo 5:15 ပူးပေါင်းရင်းမြစ်များ

Teḛ-Raga 25:37

D’a ra pərndɔje siri mba kunda dee dəa’g tar gao-gao mba kar dee ndogó nea̰’g.

Jakari 4:2

Yeḛ dəjim pana: See ɗi ɓa m’oo wa. Ma m’ilá keneŋ pana: M’aa loo m’oo ndá aa oo, kag pərndɔ gə́ ra gə larlɔr ya lai gə́ kuée to dɔ’g ar pərndɔje siri to keneŋ ləm, kulaje gə́ ka̰ kunda pər ta’d gə́ aw un ubu gə́ wɔji dɔ pərndɔje lé as siri to dɔ kagee gə́ tar ləm tɔ.

Bula lə Israɛlje 8:2

Ula Aaro̰ ta togə́bè pana: Loo gə́ i a kunda pərndɔje dɔ kagee’g lé ndá pərndɔje gə́ siri lé d’a ndogó loo gə́ no̰ kag pərndɔje’g lé.

Mark 4:21

Yen ɓa Jeju ula dee tɔɓəi pana: See néndogó to né dəw dəb ŋgo dɔ’g əsé ula gin tira’g wa. See to né gə mba kunda dɔ kagee’g tar el wa.

Lugu 11:33

Dəw kára kara a kɔs pər néndogó’g gə mba kwa kula duu-loo’g el ləm, əsé a dəb dəa gə né el ləm tɔ, nɛ a kunda dɔ kag-kundá’g tar ɗaŋg mba kar deḛ gə́ d’a gə kandə mee kəi’g lé d’a koo ne loo njai-njai ya.

Lugu 11:36

Ɓó lé darɔi bura to dan lookàr’g ar yérkér rɔi gə́ raŋg kára kara nai loondul’g el ndá darɔi bura a ndogó jol-jol asəna gə néndogó gə́ ndɔḭ wər-wər ar rɔi sa ne rəw lé tɔ.

Lugu 8:16

Dəw gə́ rara gə́ ɔs pər néndogó’g ndá a kḭ dəb dəa gə jo əsé a kula gin tira’g el, nɛ yeḛ a kula kagee’g tar mba kar deḛ gə́ d’andə mee kəi’g lé d’oo ne loo njai-njai ya.

Njé gə́ Pilibə 2:15

Togə́bè ɓa seḭ a sije gə ta kára kara dɔ sí’g el ləm, meḛ sí a kila ɓal el ləm tɔ. Yee ɓa seḭ a toje ŋgan-Alaje gə́ njémeekarabasurje mbuna ginkoji dəwje gə́ to njékaw kori-korije gə njéndɔji pɔdɔdɔje ləm, seḭ a ndoḭje dan dee’g asəna gə pərŋgel gə́ ndogó loondul’g ləma,

Ǝbrəje 9:2

Deḛ la kəi-kubu mee ndògo’g. Mee ŋgon kəi gə́ dɔtar gə́ deḛ ɓaree loo gə́ to gə kəmee lé kag pərndɔ to keneŋ ləm, tabul to keneŋ ləma, pil muru gə́ to gə kəmee to keneŋ ləm tɔ.

Loo gə́ killa rea kəm Ja̰’g 2:5

Bèe ndá maji kari ar məəi olé dɔ loo gə́ i ḭ keneŋ oso lé ɓa ɔs badm tel dɔ nérai gə́ kédé lé, ɓó lé bèe el ndá m’a ree kiŋgai kɔr ne kag pərndɔ ləi gə́ gogo. Ɓó lé i a kəw el ndá m’a ra bèe ya.