Matiyo 5:14 - Maktub gə́ To gə Kəmee

¹⁴ Seḭ toje néndogó gə́ dɔ naŋg nee. Ɓee-boo gə́ to dɔ mbal’g lé see loo-kiya-rəa to ra wa.

Matiyo 5:14 ပူးပေါင်းရင်းမြစ်များ

Gosota-Kəmkàrje 4:18

Kila-rəwkaw lə njémeekarabasurje To asəna gə lookàr gə́ ndogó ɔr jol-jol, Ndogó ləa lé aw gə́ kédé-kédé Saar kàr aar daŋdɔ.

Ejekel 5:5

Mbaidɔmbaije gə́ Njesigənea̰ pa togə́bè pana: Yee ɓa to né gə́ a teḛ dɔ Jerusalem gə́ neḛ nja n’aree to mbuna ginkoji dəwje gə raŋg’g gə ɓeeje gə́ gugu dəa lé.

Tagə́maji gə́ Ja̰ ndang 12:36

Loo gə́ seḭ naije dan lookàr’g lé ɓəi ndá ɔmje meḛ sí dɔ lookàr’g lé togə́bè ɓa seḭ a toje ne ŋgan lookàrje lé ya. Loo gə́ Jeju pata néje neelé mba̰ ndá yeḛ ɔd sa rəa rɔ dee’g rəw aw.

Tagə́maji gə́ Ja̰ ndang 5:35

Ja̰ lé to gə́ néndogó gə́ o̰ ndogó bən ndá si gə́ seḭ sije waga kəm pər’d ləa gə́ ndogó lé lel sí ya.

Tagə́maji gə́ Ja̰ ndang 8:12

Jeju un ta gə́ raŋg ula dee pana: Ma m’to lookàr lə njé gə́ naŋg nee. Yeḛ gə́ un rəw goom’g ndá a njaa loondul’g el nɛ yeḛ a nai dan lookàr’g gə́ ka̰ si ne gə kəmə lé.

Tagə́maji gə́ Ja̰ ndang 9:5

Loo gə́ ma m’nai dɔ naŋg nee ɓəi lé ma m’to lookàr lə dəwje gə́ dɔ naŋg nee ya.

2 Njé gə́ Kɔrḭtə 6:14

Yije rɔ sí kər-kər gə́ rɔ njépole-magəje’g el. See meekarabasur a kɔr kura gə nékalta wa. See lookàr a kwa boa gə loondul ra wa.

Njé gə́ Pilibə 2:15

Togə́bè ɓa seḭ a sije gə ta kára kara dɔ sí’g el ləm, meḛ sí a kila ɓal el ləm tɔ. Yee ɓa seḭ a toje ŋgan-Alaje gə́ njémeekarabasurje mbuna ginkoji dəwje gə́ to njékaw kori-korije gə njéndɔji pɔdɔdɔje ləm, seḭ a ndoḭje dan dee’g asəna gə pərŋgel gə́ ndogó loondul’g ləma,

1 Njé gə́ Tesalonikə 5:5

Seḭ lai toje ŋgan lookàrje ləm, gə ŋgan dan kàrje ləm tɔ. Dṵda a ɓar ri sí el ləm, loo gə́ ndul njudu-njudu lé kara a tibi mbɔr sí el ləm tɔ.

Loo gə́ killa rea kəm Ja̰’g 1:20

Ta lə kéréméje gə́ siri gə́ ma m’oo jikɔl neḛ’g gə ta lə kag pər-ndɔje gə́ siri gə́ ra gə larlɔr lé to gə ndəree ɓəi. Kéréméje gə́ siri lé to kuraje lə Ala gə́ wɔji dɔ Eglisəje gə́ siri ləm, kag pər-ndɔje gə́ siri lé to Eglisəje gə́ siri ləm tɔ.

Loo gə́ killa rea kəm Ja̰’g 2:5

Bèe ndá maji kari ar məəi olé dɔ loo gə́ i ḭ keneŋ oso lé ɓa ɔs badm tel dɔ nérai gə́ kédé lé, ɓó lé bèe el ndá m’a ree kiŋgai kɔr ne kag pərndɔ ləi gə́ gogo. Ɓó lé i a kəw el ndá m’a ra bèe ya.