Matiyo 5:12 - Maktub gə́ To gə Kəmee

¹² Ndaje meḛ sí kaḭ-kaḭ ləm, alje rɔ sí ləm tɔ mbata seḭ a kiŋgaje némeekila lə sí gə́ to dara ɓəi. Mbata njéteggintaje lé d’ula kəm dee ndòo bèe ya ɓa seḭ oreeje goo dee ɓəi.

Matiyo 5:12 ပူးပေါင်းရင်းမြစ်များ

Gḭ-Néje 15:1

Loo gə́ ta néje neelé dəs mba̰ ndá né gə́ mḭdi ɓa Njesigənea̰ teḛ ne dɔ Abram’g un ta ulá ne pana: Abram, ɓəl el. Ma m’to dər-rɔ ləi ndá nédɔji ləi a kal dɔ loo.

1 Mbaije 18:13

See d’ula mbai ləm né gə́ ma m’ra loo gə́ Jejabel tɔl ne njéteggintaje lə Njesigənea̰ lé el wa. Ma m’iya njéteggintaje lə Njesigənea̰ as tɔl (100) m’kai dee rɔ-mi rɔ-mi mee bolè mbal’g ləm, ma m’ar dee muru gə mán-kai ləm tɔ.

1 Mbaije 18:4

mbata loo gə́ Jejabel tuji njéteggintaje lə Njesigənea̰ ndá Abdias wa njéteggintaje as tɔl (100) iya dee rɔ-mi rɔ-mi mee bolè mbal’g, tɔɓəi yeḛ ar dee muru ləm, gə mán-kai ləm tɔ.

1 Mbaije 19:2

Ndá Jejabel ula njekaḭkula kára rɔ Eli’g gə mba karee ulá pana: Ɓó lé bèlè kàr gə́ togə́bè ya m’ar kəmə ləi godo to gə́ i ar ka̰-dee deḛ godo ne bèe el ndá maji kar magəje ra səm nédɔkudu gə́ al dɔ ka̰ dee-deḛ ya!

1 Mbaije 21:20

Akab dəji Eli pana: I gə́ to njeba̰ ləm lé ɓogənè iŋgam ŋga ta! Ndá yeḛ tel ilá keneŋ pana: Ma m’iŋgai ya mba̰ mbata i un rɔi ndogo gə mba ra ne né gə́ majel kəm Njesigənea̰’g.

1 Mbaije 22:8

Mbai gə́ Israɛl ila Josapat’g pana: Dəw kára gə́ kəm kaw rəa’g dəjee ta lə Njesigənea̰ si keneŋ ya, nɛ ma m’ə̰jee bəḭ-bəḭ mbata yeḛ tegginta né gə́ maji kára kara gə́ wɔji dɔm el nɛ ta né gə́ majel ya ɓa yeḛ tegginee dɔm’g dɔm’g. Yeḛ to Mise, ŋgolə Jimla ya. Ndá Josapat pana: Maji kar mbai pata gə́ togə́bè el!

2 Mbaije 1:9

Yeḛ ula ɓé-njérɔje gə njérɔje ləa gə́ rɔ-mi lé rɔ Eli’g loo gə́ yeḛ si dɔ sém mbal’g lé. Ɓé-njérɔje neelé al aw rɔ Eli’g si dɔ sém mbal’g lé ndá yeḛ ulá pana: I dəw lə Ala, gə́ risi ur naŋg gə goo ndukun lə mbai lé.

2 Sôrta Gḭka Israɛlje 16:10

Mee Asa ḭ səa pu dɔ njekoota-mee-Ala’g ndá yeḛ wá ilá daŋgai’g mbata mée ea̰ dəa’g. Tɔɓəi mee ndəaje gən ya Asa ula kəm dəwje gə́ na̰je ndòo yaa̰ tɔ.

2 Sôrta Gḭka Israɛlje 36:16

Nɛ deḛ d’ula sul dɔ njékaḭkulaje’g lə Ala d’ə̰ji dee ne bəḭ-bəḭ ləm, d’unda njéteggintaje lé gə́ nékogo ləm tɔ saar d’ar oŋg lə Njesigənea̰ ḭ ne səa dɔ koso-dəwje’g ləa ar loo kwa ŋgaŋgee godo tɔ.

Nehemi 9:26

Lé bèe kara d’ḭ d’ɔsi rəw Deḛ d’ila godndui goo dee’g gogo ləm, Deḛ tɔl njéteggintaje ləi Gə́ ndəji dee kɔr mba kar dee tel ree rɔi’g lé ləm tɔ. Tɔɓəi deḛ ra néje gə́ yèr d’ila ne boo-rɔkulje dɔi’g.

Pakɔsje 19:11

To né gə́ to ŋgonkəm ur dɔ larlɔr ləm, ur dɔ larlɔr gə́ àr ŋgad-ŋgad ləm tɔ. To né gə́ rii gə́ ur dɔ ka̰ ubu tə̰ji gə́ ruba mee mbanee’g.

Pakɔsje 58:11

Njemeekarabasur a si dan rɔlel’g Loo gə́ yeḛ oo dal ba̰, Yeḛ a togo gɔlee dan məs njémeeyèrje’g ya.

Gosota-Kəmkàrje 11:18

Njemeeyèr lé iŋga nédɔjia gə́ ŋgɔm, Nɛ yeḛ gə́ dubu néra gə́ gə dɔ najee ndá Yeḛ iŋga nékoga dɔ jia gə́ gəd.

Esai 3:10

Maji kar sí ulaje pajena: Njéra nédanaje lé d’a si dan maji’g Mbata d’a kal rɔ dee dɔ kandə néraje’g lə dee.

Jeremi 2:30

Ma m’kunda ŋgan síje kara M’kunda dee pi, Deḛ d’oo ta gɔl ləm gə́ m’gɔl dee lé gə́ né el, Seḭ gaŋgje njéteggintaje lə sí gə kiambas Asəna gə toboḭ gə́ njetuji né bèe.

Jeremi 26:8

Loo gə́ Jeremi pata gə́ Njesigənea̰ ulá gə mba karee pa ar koso-dəwje lai ila naŋg ɗəgərə ndá njékinjanéməsje gə njéteggintaje gə koso-dəwje lai d’ubá d’wá pana: I a kwəi ya!

Jeremi 37:14

Jeremi ilá keneŋ pana: Bèe el! Ma m’isi m’aw mba kiŋga Kaldeje el, Nɛ Jireija ɔs ta ləa rəw. Yeḛ wa Jeremi aw səa no̰ ŋgan-mbaije’g.

Matiyo 16:27

Mbata Ŋgon-dəw lé a ree gə kuraje ləa gə́ dara na̰’d gə rɔnduba gə́ bɔbeeje a kula dəa’g. Ndəa neelé yeḛ a kuga nana kara gə goo kula rəa-rəa ya.

Matiyo 6:16

Loo gə́ seḭ ɔgje meḛ sí ɓoo lé ndá arje kəm sí mas mbidi-mbidi dɔ’g to gə́ ka̰ njéhulaije lé bèe el. Deḛ nja d’ula kəm dee na̰’d sir-sir gə mba kar dəwje d’oo dee to gə́ d’ɔg meḛ dee ɓoo. Ma nja m’ula sí woḭ, ɓai née ya d’iŋga kən mba̰.

Lugu 13:34

Jerusalem, Jerusalem, i gə́ tila njéteggintaje gə́ d’ula dee rɔi’g gə kɔri-ər tɔl dee lé see gɔl ka̰da ɓa ma m’ndiŋga rɔm gə mba mbo̰ ŋgani gelm’g to gə́ ko̰ kṵja mbo̰ ne ŋganee gel bagee’d bèe nɛ seḭ ndigije el nee wa.

Lugu 6:23

Mee ndəa’g neelé ndaje meḛ sí kaḭ, alje ne rɔ sí mbata seḭ a kiŋgaje némeekila lə sí gə́ boo dara ɓəi, mbata ka deeje kara d’ula kəm njéteggintaje ndòo togə́bè ya tɔ.

Lugu 6:35

Nɛ seḭ lé undaje njéba̰je lə sí dan kəm sí’g ləm, waje sə dee noji ləma, ar deeje wɔr sí né ɓa undaje bala təa el ləm tɔ. Togə́bè ɓa nékiŋgaje lə sí a kal dɔ loo ɓəi ləm, seḭ a toje ŋgan Njekurdɔloo’g ləm tɔ mbata yeḛ ra meemaji gə njéra nédɔkuduje ləm, gə njémeeyèrje ləm tɔ.

Néra Njékaḭkulaje 16:25

Loo gə́ dan loo bab ndá Pool gə Silas d’isi ra tamaji ləm, d’ɔs pa d’ula ne rɔnduba dɔ Ala’g ləm tɔ tɔɓəi daŋgai mar deeje d’oo ndu dee tɔ.

Néra Njékaḭkulaje 5:41

Njékaḭkulaje lé d’ḭ loo-gaŋg-rəwta’g lə Jibje sa rɔ dee rəw. Deḛ ra rɔlel mbata d’oo rɔ dee askəm kar dee d’ila ndɔl dɔ dee’g gə ri Jeju lé ya.

Njé gə́ Rɔmə 5:3

Tɔɓəi j’isi gə meendakaḭ dan némeeko̰’g mbata jeḛ n’gər gao némeeko̰ lé tel meekila ləm,

1 Njé gə́ Kɔrḭtə 3:8

Yeḛ gə́ njedubu né əsé yeḛ gə́ njesaa mán dɔ’g kara d’asəna joo bɔr, nana kara a kiŋga dɔ jia gə́ wɔji dɔ kula rəa-rəa.

2 Njé gə́ Kɔrḭtə 4:17

Némeeko̰ gə́ ra sí waga gə́ jeḛ j’oo gə́ né gə́ əḭ el lé a to kó rɔnduba gə́ d’a kula dɔ sí’g saar-saar gə no̰, gə́ lal kwɔji ləm, gə lal kunda ŋgaŋgee ləm tɔ.

Njé gə́ Pilibə 1:29

Kaji neelé ḭ rɔ Ala’g ya, yeḛ nja ɓa wa sə sí noji gə mba kar sí ɔmje meḛ sí dɔ Kristi’g ɓa goo kára ba el, nɛ mba kar sí ulaje rɔ sí ndòo gə mbata ləa tɔ.

Njé gə́ Pilibə 2:17

Ɓó lé məsm a kaḭ kula naŋg ndá m’a koo gə́ nékinjaməs gə nékarnoji gə́ m’ar sí mba gɔl ne meekun lə sí, yee ɓa ma m’ra ne rɔlel m’al ne rɔm sə sí na̰’d.

Njé gə́ Kolosə 1:24

Ɓasinè m’al rɔm wɔji dɔ nékəmndoo gə́ ram mbata lə sí. Néurti gə́ ra Kristi lé dɔgea̰ gə́ nai ɓa m’taa m’ɔm dɔm’g mbata lə Eglisə gə́ nai gə́ darɔ Kristi lé.

Njé gə́ Kolosə 3:24

mbata seḭ gərje gao, seḭ a kiŋgaje nénduba ji Mbaidɔmbaije’g gə́ nékoga dɔ ji sí lé. Raje né arje Kristi Mbaidɔmbaije lé tɔ.

1 Njé gə́ Tesalonikə 2:15

Jibje neelé deḛ tɔl Mbaidɔmbaije Jeju Kristi gə njéteggintaje ləm, deḛ d’ula kəm síjeḛ ndòo ləm tɔ. Deḛ taa kəm Ala el ləm, deḛ to njéba̰je lə dəwje lai ləm tɔ.

Ǝbrəje 10:34

Tɔgərɔ ya seḭ ooje kəmtondoo lə daŋgaije ləm, loo gə́ deḛ tuji néje lə sí ndá seḭ raje rɔlel dɔ’g ləm tɔ mbata seḭ gərje gao, nébaoje lə sí gə́ maji unda gə́ to gə no̰ lé to gən.

Ǝbrəje 11:26

Yeḛ oo rɔkul lə Kristi lé gə́ nébao gə́ ur dɔ nébaoje gə́ Ejiptə’g lai mbata yeḛ orè kəmee ndəŋ dɔ nékoga-dɔ-jia’g lé.

Ǝbrəje 11:33

Meekun lé ɓa deḛ neelé d’un ne baŋga dɔ ɓeeko̰je’g ləm, d’ɔr ne kəmta lə koso-dəwje ləm, d’iŋga ne ndukun gə́ wɔji dɔ dee ləma, ndèm ne ta toboḭje sud-sud ləm tɔ.

Ǝbrəje 11:6

Tɔgərɔ ya, ɓó lé meekun godo ndá dəw kára kara askəm taa kəm Ala el. Mbata kɔm mee dɔ Ala’g kée to gə́ yeḛ si gən ləm, kée gə́ yeḛ gə́ a kar nana gə́ ndolè uba maji ləm tɔ lé yee ɓa gə́ kuma̰ kar dəw rəm ne pər gə́ rɔ Ala’g ya.

Maktub gə́ Jak ula ne ar ngan-Allaje 1:2

Ŋgakɔmje, néje gə́ kədərə ɓəd-ɓəd gə́ naa sí lé maji koo deeje gə́ nérɔlel ya,

Maktub gə́ Jak ula ne ar ngan-Allaje 5:10

Ŋgakɔmje, njéteggintaje gə́ pa gə ri Mbaidɔmbaije ləm, d’ai meḛ dee sam-sam dan némeeko̰ gə́ ra dee’g ləm tɔ lé maji kar sí wa deeje wɔjije ne mareeje lə sí.

1 Piɛrə 4:13

Ɓó lé seḭ ɔmje meḛ sí na̰’d sad gə Kristi loo meeko̰’g ləa ndá raje rɔlel mba kar loo gə́ yeḛ a nduba rəa gə́ raga lé dɔ rɔlel lə sí a kɔr ne njal ləm, seḭ a kalje ne rɔ sí səa na̰’d ləm tɔ.

Rudu 2:12

Maji kar Njesigənea̰ wa səi noji godə maree’g ləm, maji kar nédɔji ləi bura ḭ rɔ Njesigənea̰’g, Yeḛ gə́ to Ala lə Israɛlje ləm, Yeḛ gə́ i ree mba kula dɔi gel bagee’g lé ləm tɔ.