Matiyo 4:4 - Maktub gə́ To gə Kəmee

⁴ Jeju tel ilá keneŋ pana: Deḛ ndaŋg mee maktub’g pana: Muru nja kára ba ɓa dəw a si ne kəmba lé el nɛ taje kára-kára lai gə́ teḛ ta Ala’g lé ɓa yeḛ a si ne kəmba lé ɓəi.

Matiyo 4:4 ပူးပေါင်းရင်းမြစ်များ

Teḛ-Raga 16:15

Israɛlje d’aa loo d’oo ndá d’ula na̰ ta mbuna na̰’d pana: See ɗi bèe wa. Mbata deḛ gər né neelé el. Moyis ula dee pana: To muru gə́ Njesigənea̰ ar sí gə́ nésɔ sí lé ya.

Teḛ-Raga 16:35

Israɛlje d’o̰ muru gə́ ḭ dara neelé as ləb dee rɔ-sɔ saar deḛ teḛ ne ɓee gə́ dəwje d’isi keneŋ, deḛ d’o̰ muru gə́ ḭ dara lé saar teḛ ne rəw-nim-ɓee gə́ Kana̰.

Teḛ-Raga 16:8

Moyis pana: Ɓogənè lé loo gə́ kàr a kandə lé ndá Njesigənea̰ a kar sí da mba kar sí sɔje ləm, bèlè gə ndɔ lé yeḛ a kar sí muru kar meḛ sí ndan ne ləm tɔ, mbata Njesigənea̰ lé oo ndu jém ta lə sí gə́ seḭ imje ne rɔ sí lé ya, mbata jeḛ lé see jeḛ n’toje gə́ ɗije to wa. To jeḛ ɓa seḭ jémje ta imje ne rɔ sí dɔ sí’g el, nɛ to Njesigənea̰ ɓa seḭ imje rɔ sí dəa’g ya.

Teḛ-Raga 23:15

Seḭ a raje naḭ gə́ wɔji dɔ muru gə́ lal əm-tiné, as ndɔ sí siri mee ndəaje gə́ seḭ wɔjije mee naḭ gə́ Abib lé seḭ a ko̰je muru gə́ lal əm-tiné, to gə́ m’a m’un ne ndum m’ar sí lé mbata to mee naḭ neelé ya ɓa seḭ undaje ne loo mee ɓee gə́ Ejiptə teḛje, tɔɓəi dəw kára kara a ree kaar nɔm’g gə jia kari ba el.

Matiyo 15:11

Né gə́ ḭ mee dəw’g teḛ təa’g ɓa a karee mina̰ ne ɓó né gə́ ḭ ta dəw’g aw mée’g ndá a karee mina̰ ne el.

Matiyo 4:10

Yen ŋga Jeju ulá pana: Njekurai, ɔd tam’g gə gogo mbata deḛ ndaŋg mee maktub’g pana: Mbaidɔmbaije Ala ləi lé yeḛ ya kára ba ɓa i a kunda barmba nea̰’g ləm, yeḛ nja kára ba kiao ɓa i a ra né karee ləm tɔ.

Matiyo 4:7

Jeju tel ilá keneŋ pana: Deḛ ndaŋg mee maktub’g tɔɓəi pana: Mbaidɔmbaije, Ala ləi lé i a kaḭ mée nda̰ el.

Mark 7:20

Yeḛ ula dee tɔɓəi pana: Né gə́ ḭ mee dəw’g ɓa to né gə́ ar mée mina̰ ne ya.

Lugu 4:12

Jeju tel ilá keneŋ pana: Deḛ ndaŋg mee maktub’g pana: Mbaidɔmbaije, Ala ləi lé i a kaḭ mée nda̰ el.

Lugu 4:4

Jeju tel ilá keneŋ pana: Deḛ ndaŋg taree mee maktub’g pana: Muru nja kára ba ɓa dəw a si ne kəmba el.

Lugu 4:8

Jeju tel ilá keneŋ pana: Deḛ ndaŋg mee maktub’g pana: Mbaidɔmbaije Ala ləi lé yeḛ ya kára ba ɓa i a kunda barmba nea̰’g ləm, gə yeḛ nja kára ba kiao ɓa i a ra né karee ləm tɔ.

Tagə́maji gə́ Ja̰ ndang 15:26

Loo gə́ njenai sə sí gə́ to Ndil gə́ gəd gə́ m’a kulá karee ḭ rɔ Bɔ-dəwje’g ree lé ndá yeḛ ɓa a to njekɔrgoota ləm gə́ maji ya.

Tagə́maji gə́ Ja̰ ndang 6:63

Ndil ɓa gə́ njekula kəmə meḛ dəwje’g ɓó dakasrɔ lé askəm ra né el. Taje gə́ ma m’ula sí lé to ta gə́ ka̰ ndil lé ləm, gə ka̰ kəmə lé ləm tɔ.

Njé gə́ Rɔmə 15:4

Mbata taje lai gə́ deḛ ndaŋg mee maktub’g kédé lé deḛ ndaŋg gə mba ndoo sí ne mba kar mbɔl dɔ meekila gə ta gɔl mee gə́ maktub gə́ to gə kəmee ar sí lé jeḛ j’unda ne meḛ sí yel ya.

Njé gə́ Epesə 6:17

Tulaje dɔgugu-kaji dɔ sí’g ləm, gə odoje niŋga lə Ndil gə́ to ta gə́ ḭ ta Ala’g lé ləm tɔ.

Tel tura Godndu 8:3

Yeḛ ar sí ndooje kulje kɔji-kɔji ləm, yeḛ ula kəm sí ndòo gə ɓó ləma, yeḛ ul sí gə muru gə́ ḭ dara gə́ seḭ gərje el ləm, bɔ síje-je kara gər el ləm tɔ, gə mba ndoo sí ne to gə́ muru nja kára ba ɓa dəw a si ne kəmba el, nɛ taje kára kára lai gə́ teḛ ta Ala’g lé ɓa dəw a si ne kəmba lé tɔ.