Matiyo 4:3 - Maktub gə́ To gə Kəmee

³ Léegəneeya, njekər dəwje ree pər gə́ rəa’g ulá pana: Ɓó lé i to Ŋgon-Ala gə́ gəd ya ndá un ndui ar kɔr mbalje neelé tel muru ko̰ lé.

Matiyo 4:3 ပူးပေါင်းရင်းမြစ်များ

Teḛ-Raga 16:3

Israɛlje d’ula dee pana: Kar sí j’wəije ji Njesigənea̰’g mee ɓee gə́ Ejiptə lé ɓa maji, loo gə́ j’isi ta ŋgoro naḭ da’g ləm, j’o̰je muru j’ar meḛ sí ndan ne tub-tub ləm tɔ. Mbata seḭ lé ɔr síje teḛje sə sí dɔdilaloo’g neelé mba kar koso-dəwje neelé d’wəi yoo-ɓoo ya.

Matiyo 14:33

Deḛ gə́ d’isi mee to’g lé ree d’ɔm gɔl Jeju’g pana: Tɔgərɔ, i lé to Ŋgon-Ala gə́ gəd ya.

Matiyo 16:16

Simo̰ Piɛrə ilá keneŋ pana: I to Kristi gə́ to Ŋgon-Ala gə́ Njesikəmba lé nja.

Matiyo 26:63

Jeju ila təa maree’g ndag ya si. Ŋgɔ-njekinjanéməs lé un ta ulá pana: Ma mani gə ri Ala gə́ njesikəmba, ɓó lé i to Kristi, Ŋgon-Ala lé nja ndá ula sí woḭ.

Matiyo 3:17

Tɔɓəi aa oo, ndu dəw ɓar mee dara’g wəl pana: Yeḛ neelé to ŋgonəm gə́ gəd-gəd gə́ m’undá dan kəm’g, yeḛ taa kəm rəgm ya.

Mark 1:1

Ta neelé to gin tagə́maji lə Jeju Kristi, Ŋgon-Ala lé.

Mark 3:11

Loo gə́ ndilje gə́ yèr d’aa loo ɓèd d’ée ndá d’unda barmba dəb kəm dee naŋg nea̰’g ra né pénéné-pénéné pana: I lé to Ŋgon-Ala gə́ gəd nja.

Mark 5:7

I Jeju, Ŋgon-Ala lé gə́ Njesisémdara’g lé see ɗi ləi to ŋga ɓa to rɔm’g wa. Ma m’ra ndòo rɔi’g gə ri Ala mba kari ula kəm ndòo el nja kari.

Lugu 1:35

Kura gə́ dara lé ilá keneŋ pana: Ndilmeenda a ree kɔm dɔi’g, tɔɓəi siŋgamoŋ lə Njekurdɔloo a dəb dɔi’g rigim gə ndil. Togə́bè ɓa ŋgon gə́ to gə kəmee gə́ i a kojee lé d’a ɓaree Ŋgon-Ala ya.

Lugu 22:70

Deḛ lai dəjee pana: See i to Ŋgon-Ala ya wa. Yeḛ tel ila dee keneŋ pana: Yeḛ nja pa ta sí gən mba̰, ma m’to yeḛ lé nja.

Lugu 4:3

Yen ŋga njekurai lé ulá pana: Ɓó lé i to ŋgon-Ala ndá un ndui ar kɔr mbal neelé tel muru ko̰.

Lugu 4:41

Ndilje gə́ yèr d’unda loo teḛ meḛ dəwje’g bula gə kii ta dee’g wəl-wəl pana: I to Ŋgon-Ala lé nja. Nɛ yeḛ ɔs ta dee’g rəw, ɔg dee loo pea’g mbata deḛ gər gao yeḛ to Kristi lé nja.

Lugu 4:9

Tɔɓəi njekurai lé ɔree aw səa Jerusalem dɔ kəi-Ala’g tar ndá ulá pana: Ɓó lé i to Ŋgon-Ala ya ndá mbad rɔi piriŋ al oso naŋg ar sí j’oo: mbata deḛ ndaŋg mee maktub’g pana:

Tagə́maji gə́ Ja̰ ndang 1:34

Ma lé m’ée bèe ndá m’ɔr ginta neelé m’pana: Yeḛ to Ŋgon-Ala lé nja.

Tagə́maji gə́ Ja̰ ndang 1:49

Natanaɛl tel ilá keneŋ pana: Rabi, i lé to Ŋgon-Ala nja, i to mbai lə Israɛlje nja tɔ.

Tagə́maji gə́ Ja̰ ndang 20:31

Nɛ ta néje neelé deḛ ndaŋg keneŋ gə mba kar sí ɔmje ne meḛ sí dɔ Jeju’g to gə́ yeḛ to Kristi, Ŋgon-Ala lé tɔ. Ɓó lé seḭ ɔmje meḛ sí dəa’g ndá mbɔl dɔ ria ɓa seḭ a sije ne gə kəmə lé tɔ.

Tagə́maji gə́ Ja̰ ndang 9:35

Loo gə́ Jeju oo to gə́ deḛ d’unee tubá ndá yeḛ iŋgá ɓa dəjee pana: See i ɔm məəi dɔ Ŋgon-Ala’g lé ya wa.

Néra Njékaḭkulaje 9:20

Yen ŋga waga ndá yeḛ un kudu kɔr gin ta mee kəi-kiŋga-na̰je’g pana: Jeju to gə́ Ŋgon-Ala gə́ gəd lé ya.

2 Njé gə́ Kɔrḭtə 1:19

Mbata Jeju Kristi, Ŋgon-Ala gə́ jeḛ gə Silbɛ̰ gə Timote j’ila mber ta ləa mbuna sí’g lé yee ɓa to ta gə́ ula sí na̰’d el nɛ ta ləa to njaŋg.

Njé gə́ Galati 2:20

Ma m’ɗar rɔm gə Kristi na̰’d, ɓó lé m’isi kəmba ndá kara to ma el ŋga, nɛ Kristi ɓa si kəmba məəm’g, ɓó lé m’isi kəmba gə darɔm ɓasinè ndá kara meekun gə́ m’un m’ar Ŋgon-Ala lé ɓa m’isi ne kəmba. Yeḛ nja ɓa undam dan kəmee’g, ya̰ rəa ar yoo mbata ləm tɔ.

1 Njé gə́ Tesalonikə 3:5

Togə́bè ɓa, loo gə́ m’oo loo mba kila məəm po̰ el ŋga ndá m’ula kula goo sí’g mba koo see meekun lə sí to ban wa. Ma m’ɓəl nà banelə njesula dəwje lé a sula sí ɓa a kar kula ra sí lé tel to né gə́ gə mḭdé ba.

Ǝbrəje 12:16

Undaje kəmkàr dɔ rɔ sí’g mba kar balgogé godo mbuna sí’g ləm, mba kar dəw nésɔ gə́ asəna gə Esawu sí mbuna sí’g el ləm tɔ, mbata Esawu to gə́ ŋgondər ya, nɛ wa ŋgondər lé ndogo ne lɔ-mḭji.

Ǝbrəje 4:14

Bèe ndá Jeju, Ŋgon-Ala lé to ŋgɔ-njekinjanéməs lə sí gə́ andə mee dara’g mba̰ ndá maji kar sí j’aar njaŋg dɔ meekun’g lə sí gə́ j’un j’aree.

Ǝbrəje 7:3

Yeḛ neelé bɔbeeje godo ləm, kea̰je kara godo ləma, gin ka-dɔgeje godo ləm tɔ. Dəw oo ndɔ kojee əsé ndɔ gə́ kəmə ləa godo lé el tɔ. Nɛ deḛ d’ée gə́ dəw gə́ tel to asəna gə Ŋgon-Ala ya. Melkisedek neelé sí gə́ njekinjanéməs ya saar-saar gə no̰.

1 Ja̰ 3:8

Yeḛ gə́ ra kaiya ndá yeḛ to gə́ ka̰ njekurai mbata njekurai lé un kudu ra kaiya kédé gə́ dɔtar saar ɓasinè. Nɛ Ŋgon-Ala lé unda loo teḛ gə mba tuji néraje lə njekurai lé.

Loo gə́ killa rea kəm Ja̰’g 2:10

Ɓəl nékəmndoo gə́ gə a rai el. Aa oo, njekurai lé a kwa njé gə́ na̰je mbuna sí’g a kila ɗa gɔl sí’g mba kaḭ ne meḛ sí ləm, néurti a ra sí ndɔ dɔg ləm tɔ. Ila ŋgonkoji dɔ Ala’g saar wəi ne, ɓa m’a kari dɔgugu kəmə lé.