Matiyo 4:25 - Maktub gə́ To gə Kəmee

²⁵ Boo-dəwje gə́ Galile gə Dekapol gə Jerusalem gə Jude lé deḛ ndolè gée. Deḛ gə́ d’isi dɔ naŋg’d gə́ gir baa gə́ Jurdɛ̰’g kara ndolè gée tɔ.

Matiyo 4:25 ပူးပေါင်းရင်းမြစ်များ

Matiyo 12:15

Jeju oo gao ndá yeḛ ḭ keneŋ aw gə́ raŋg. Boo-dəwje ndolè gée. Yeḛ aji njérɔko̰je lai ar rɔ dee to kari péd-péd

Matiyo 19:2

Boo-dəwje gə́ bula digi-digi ndɔm na̰ gée’g ndá lée neelé yeḛ ɔr rɔko̰ rɔ njérɔko̰je’g.

Matiyo 4:15

Njé gə́ Jabulo̰ gə Neptali Gə́ d’isi rəw gə́ aw gə́ baa-boo gə́ gir Jurdɛ̰’g ləm, Gə deḛ gə́ d’isi Galile, ɓee lə njépole-magəje ləm tɔ lé

Matiyo 5:1

Loo gə́ koso-dəwje gə́ bula digi-digi d’isi d’aw gə́ rəa’g ndá yeḛ uba dɔ mbal aw tar. Loo gə́ yeḛ si naŋg mba̰ ndá njékwakiláje ree pər gə́ rəa’g tɔ.

Matiyo 8:1

Loo gə́ Jeju ḭ dɔ mbal’g risi gə́ naŋg ndá koso-dəwje ndɔm na̰ gée’g.

Mark 5:20

Bèe ɓa yeḛ ɔd aw ɔr sor né gə́ Jeju ra səa ila mberee gə loo-loo ɓeeko̰ gə́ Dekapol. Kaar dəwje lai-lai wa dee paḭ-paḭ dɔ’g.

Mark 6:2

Yeḛ aw kəi-kwa-dɔ-na̰’g gə ndɔ-kwa-rɔ gə mba ndoo dee ta. Dəwje bula gə́ d’oo ta ləa lé kaar dee wa dee paḭ-paḭ ar dee dəji na̰ ta wédé-wédé pana, see ta néje gə́ yeḛ pa lé see ḭ ne ra wa. See kəmkàr ləa neelé ḭ ne rɔ na̰’g wa. See némɔrije gə́ yeḛ ra gə jia neelé ginee to gə́ banwa.

Mark 7:31

Jeju uba naŋg ḭ ɓeeko̰ gə́ Tir taa rəw gə́ wɔji dɔ Sido̰ par gə́ kel baa-boo gə́ Galile’g bèe, yeḛ dəs unda mee ɓee gə́ Dekapol tar gaŋg.

Lugu 6:17

Yeḛ risi sə dee gə́ bər loo gə́ loo asəna rai-rai keneŋ, lée neelé d’iŋga boo-njékwakiláje keneŋ gə dəwje bula digi-digi gə́ d’ḭ Jude ləm, gə Jerusalem ləma, gə Tir gə Sido̰ gə́ to ta mán’g ləm tɔ. Deḛ ree keneŋ gə mba koo ta təa’g ləm, gə mba kar rɔko̰je lə dee kara ɔr rɔ dee’g ləm tɔ.

Lugu 6:19

Boo-dəwje lai-lai lé saŋg loo gə mba kɔrɔ rəa gə́ ji dee peb-peb ya mbata siŋgamoŋ teḛ rəa’g uru rɔ dee’g ndá aji dee lai-lai ya tɔ.