Matiyo 4:24 - Maktub gə́ To gə Kəmee

²⁴ Nea̰ oso loo mbidi-mbidi ɓeeko̰ gə́ Siri. Deḛ d’odo njérɔko̰je, gə deḛ gə́ d’isi gə meeko̰ gə́ gə ria-ria ləm, gə deḛ gə́ ndilje gə́ majel to meḛ dee’g d’ula kəm dee ndòo ləm, gə deḛ gə́ kɔr ra dee ləma, gə deḛ gə́ yoo-ndag unda dee ləm tɔ, d’odo dee lai-lai ree sə dee rəa’g ndá yeḛ aji dee ya.

Matiyo 4:24 ပူးပေါင်းရင်းမြစ်များ

2 Samel 8:6

Dabid unda dəw dɔ kudu-njérɔje mee ɓee gə́ Aram gə́ Damas’g. Bèe ɓa Aramje d’ula ne dɔ dee gel Dabid’g ndá deḛ d’uga dɔ rɔ dee d’aree tɔ. Njesigənea̰ ar Dabid dum dɔ looje lai gə́ yeḛ aw keneŋ lé.

1 Mbaije 10:1

Mbai gə́ dené gə́ Seba oo ta riɓar gə́ Salomo̰ iŋga gə́ ula rɔnduba dɔ Njesigənea̰’g ndá yeḛ ree gə mba neán gə ta dəjije gə́ to loo-kiya’g koo.

1 Sôrta Gḭka-Israɛlje 14:17

Ri Dabid ɓar gə dɔɓeje lai ndá Njesigənea̰ aree to gə́ néɓəl kəm ginkoji dəwje gə raŋg’g lai ya.

1 Sôrta Gḭka-Israɛlje 29:2

Ma m’ula rɔm ndubu m’wa dɔ gɔl néra kəi Ala ləm, né gə́ kəm ra gə larlɔr ndá a to gə́ larlɔr ya ləm, né gə́ kəm ra gə larnda ndá a to gə́ larnda ləm, né gə́ kəm ra gə larkas ndá a to gə́ larkas ləm, né gə́ kəm ra gə larndul ndá a to gə́ larndul ya ləma, né gə́ kəm ra gə kag ndá a to gə́ kag ya ləm tɔ, tɔɓəi m’wa dɔ gɔl jərje gə́ ɓar dee onikis gə jərje gə́ ka̰ tula néməmə deeje’g ləm, gə jərje gə́ ndɔḭ wər-wər ləm, gə jərje gə́ ndaji dee to ɓəd-ɓəd ləma, gə jərje ɓəd-ɓəd gə́ gad dee to yaa̰ ləm tɔ, mbalje gə́ ndá lé kara bula yaa̰ tɔ.

Teḛ-Raga 15:26

Yeḛ pana: Ɓó lé seḭ tugaje mbi sí ooje ne ndu Njesigənea̰, Ala lə sí ləm, lé seḭ raje né gə́ taa kəmee ləm, lé seḭ urje mbi sí ooje ne torndiaje ləma, lé seḭ raje godndiaje ləm tɔ ndá rɔko̰je gə́ ɓəd-ɓəd gə́ m’tuji ne njé gə́ Ejiptə lé m’a tuji sí ne el, mbata ma lé m’to Njesigənea̰ gə́ njekaji sí ya.

Matiyo 12:22

Deḛ d’aw gə dəw gə́ ndil gə́ majel rəa ar kəmee tɔ ləm, ar gwɔsee udu ləm tɔ lé rɔ Jeju’g. Ndá Jeju ajee aree pata ləm, aree oo loo ləm tɔ.

Matiyo 14:1

Mee ndəa’g neelé Herɔdə, yeḛ gə́ to njeguburuɓee lé oo no̰ Jeju lé ndá ula kuraje ləa pana:

Matiyo 15:22

Dené gə́ ḭ ɓee gə́ Kana̰ lé dar Jeju bus ndá yeḛ ra ne wəl pana: Mbaidɔmbaije, ŋgon Dabid, oo kəm lootondoo’g ya kari. Ŋgonəm gə́ dené lé ndil gə́ yèr ula kəmee ndòo yaa̰.

Matiyo 17:15

Mbai, oo kəm ŋgonəm lootondoo’g ya kari, rɔko̰ jimkil ulá ndubu aree ḭ toso pər’d gɔl bula-bula ləm, aree aḭ toso mán gɔl bula-bula ləm tɔ.

Matiyo 17:18

Jeju wa ta ndil gə́ yèr neelé aree teḛ mee ŋgon’g lé. Mee kàree’g neelé nja rɔ ŋgon lé to kari péd-péd tɔ.

Matiyo 4:23

Jeju gugu mee ɓeeko̰ gə́ Galile ndá yeḛ ɔr goo tagə́maji gə́ wɔji ne dɔ ɓeeko̰ lé ndoo dee ne mee kəi-kwa-dɔ-na̰je’g lə dee ləm, rɔko̰ gə́ rara gə néyooje gə́ rara gə́ ra dəwje lé kara yeḛ ɔr rɔ dee’g ləm tɔ.

Matiyo 8:28

Loo gə́ yeḛ teḛ gir baa gə́ kel tura dɔ naŋg’d lə njé gə́ Gadara ndá dəwje joo gə́ ndilje gə́ yèr ra dee lé teḛ dɔɓar gə́ to mbuna mbalje’g tila kəmee. Lée neelé dəwje ɓəl teḛ keneŋ mbata njéndilje gə́ yèr lé ndaŋg rɔ dee paḭ-paḭ.

Matiyo 8:33

Yen ŋga njékul deeje buŋga na̰ d’aḭ d’aw ɓée d’ɔr gin né gə́ teḛ dɔ dee’g ləm, gə né gə́ wɔji dɔ njé gə́ ndilje gə́ majel ra dee lé ləm tɔ.

Matiyo 8:6

Mbai, kura ləm lé yoo-ndag undá, yeḛ to kəi’n ar rəa adee mbag-mbag.

Matiyo 9:26

Taree oso gə mee loo mbidi-mbidi.

Matiyo 9:35

Jeju aw gə dɔɓee-dɔɓee, mee ɓee-booje gə ŋgan-ɓeeje ndoo dee ta mee kəi-kwa-dɔ-na̰’g lə dee. Yeḛ tɔji dee ta gə́ wɔji dɔ ɓeeko̰ lə Ala lé ləm, rɔko̰ gə́ rara kara yeḛ aree ḭ rɔ dee’g kə̰geŋ ləm tɔ.

Mark 1:28

Léegəneeya no̰ néra Jeju oso gə loo mbidi-mbidi dɔ naŋg ɓeeko̰ gə́ Galile lai.

Mark 1:32

Loo gə́ kàr andə mba̰ ndá d’odo njérɔko̰je gə deḛ gə́ ndilje gə́ yèr d’ula kəm dee ndòo ree sə dee rəa’g,

Mark 2:3

Yen ɓa diŋgamje sɔ d’un dəw gə́ dəb rəa wəi wɔ ree səa rəa’g.

Mark 2:4

Nɛ d’oo kəm loo mba kandə kaw ne səa rɔ Jeju’g el mbata dəwje rusu loo tub-tub. Togə́bè ɓa deḛ d’al tar dɔ kəi’g, d’ɔr kəm loo gə́ wɔji dɔ loo gə́ Jeju si keneŋ lé. Loo gə́ deḛ woḭ kəm loo mba̰ ndá deḛ d’unee gə tira ləa gə́ yeḛ to keneŋ lé bura risi səa naŋg rɔ Jeju’g tɔ.

Mark 2:9

See ta gə́ ra ɓa gə́ ta gə́ kəm pa kula dəw gə́ dəb rəa wəi wɔ lé ɓəi wa. See kəm pa: Kaiya ɔr dɔi’g əsé ḭta un tira ləi ɔd aw lé ɓa kəm pa ɓəi wa.

Lugu 2:2

Kunda ri dəwje mee maktub’g neelé to yee gə́ dɔtar mee ləb gə́ Kirinius to ne njeguburuɓee gə́ Siri.

Lugu 4:14

Siŋgamoŋ lə Ndil lé dəb dɔ Jeju’g rigim aree ɔs badm tel aw Galile, nea̰ oso gə loo-loo mee ɓeeje gə́ gugu dəa lé tɔ.

Lugu 4:38

Loo gə́ yeḛ ḭ kəi-kwa-dɔ-na̰’g lé unda loo teḛ ndá yeḛ ɔd keneŋ aw kəi lə Simo̰. Məm Simo̰je gə́ dené oso gə rɔko̰ boo ar rəa taa pər lam-lam, deḛ ra mbai ta Jeju’g mbata ləa.

Lugu 5:15

No̰ néra lə Jeju lé taree oso gə loo mbidi-mbidi ar koso-dəwje bula digi-digi buŋga na̰ bura ree mba koo ta ləa ləm, gə mba kar rɔko̰ lə dee ḭ dɔ dee’g kə̰geŋ ləm tɔ.

Lugu 5:24

Nɛ gə mba kar sí gərje gao, Ŋgon-dəw lé siŋgamoŋ ləa askəm kɔr kaiya dɔ dəwje gə́ dɔ naŋg nee ya ndá yeḛ tel təa ula dəw gə́ dəb rəa wəi wɔ lé pana: Ma nja m’un ndum m’ari, uba naŋg ḭta, un nétoi ɔd aw ne kəi ləi.

Lugu 7:17

Taree oso gə loo mbidi-mbidi gə mee ɓeeje gə́ Jude gə ɓeeje lai gə́ aḭ dɔ dee ula kudu naŋg mbugu lé tɔ.

Tagə́maji gə́ Ja̰ ndang 10:21

Njé gə́ raŋg pana: Ta ləa lé to gə́ tapa njendil gə́ yèr godo. See ndil gə́ yèr lé askəm kar kəm njekəmtɔ inja loo gə́ ra’g wa.

Néra Njékaḭkulaje 10:38

Seḭ gərje gao, Ala lé ar siŋgamoŋ lə Ndilmeenda ɔm dɔ Jeju gə́ Najaret’g lé aree aw gə loo-loo ra ne néje gə́ maji ləm, aree aji ne deḛ lai gə́ d’isi gin ɓee’g lə njekurai’g lé ləm tɔ mbata Ala lé nai səa ya.

Néra Njékaḭkulaje 15:23

Deḛ ndaŋg maktub d’ula ji dee’g d’ar dee d’aw ne, deḛ pata mee maktub’g neelé pana: Jeḛ njékaḭkulaje ləm, gə ŋgatɔgje ləma, gə ŋgako̰ na̰je ləm tɔ lé jeḛ ndaŋg maktub nee j’ar sí-seḭ ŋgako̰ na̰je gə́ mbuna njépole-magəje gə́ sije Antiɔs gə Siri gə Silisi tɔ. Jeḛ n’ra sí lapia gə́ boo.

Néra Njékaḭkulaje 15:41

Yeḛ aw gə loo-loo Siri gə Silisi ula diŋgam mee Eglisəje’g.

Néra Njékaḭkulaje 28:9

Yen ŋga njérɔko̰je lai gə́ d’isi dɔgoré-loo’g neelé ree rəa’g ndá d’aji tɔ.

Néra Njékaḭkulaje 8:7

Mbata ndilje gə́ yèr teḛ meḛ dəwje gə́ na̰je’g bula gə ro̰daŋ lə dee ləm, deḛ bula gə́ dəb rɔ dee wəi wɔ-wɔ gə deḛ gə́ to gə́ njémədje lé rɔ dee tel to kari péd-péd ləm tɔ.

Jujé 6:27

Togə́bè ɓa Njesigənea̰ nai ne gə Juje ar nea̰ oso ne gə loo-loo mee ɓee’g lai ya.