Matiyo 4:23 - Maktub gə́ To gə Kəmee

²³ Jeju gugu mee ɓeeko̰ gə́ Galile ndá yeḛ ɔr goo tagə́maji gə́ wɔji ne dɔ ɓeeko̰ lé ndoo dee ne mee kəi-kwa-dɔ-na̰je’g lə dee ləm, rɔko̰ gə́ rara gə néyooje gə́ rara gə́ ra dəwje lé kara yeḛ ɔr rɔ dee’g ləm tɔ.

Matiyo 4:23 ပူးပေါင်းရင်းမြစ်များ

Pakɔsje 103:3

Yeḛ nja ɓa ar mée oso lemsé Dɔ néra kori-korije’g ləi lai ləm, Rɔko̰je gə́ gə ria-ria kara Yeḛ ɔr rɔi’g ndɔs-ndɔs ləm tɔ.

Pakɔsje 74:8

Deḛ pa meḛ dee’g kəi pana: Ar sí n’raje sə deḛ lai né gə́ kərm-kərm! Looje lai gə́ to gə kəmee mee ɓee’g neelé deḛ roo dula-dula ya.

Matiyo 11:5

njékəmtɔje d’oo loo ləm, njémədje njaa ləm, njéba̰jije rɔ dee ɔr ɓə̰dərə-ɓə̰dərə ləm, njégwɔskuduje d’oo ta ləm, njé gə́ d’wəi d’unda loo teḛ ləma, njéndooje kara d’oo tagə́maji lé ta njékilamberje ləm tɔ.

Matiyo 12:9

Loo gə́ d’ḭ lée’g mba̰ ndá Jeju andə mee kəi-kwa-dɔ-na̰’g.

Matiyo 13:19

Loo gə́ dəw oo ta lə ɓeeko̰ lé nɛ yeḛ gər ginee el ndá njegosoyèr ree ɔr kandə né gə́ oso mée’g ho̰d ndá mee dəw neelé to asəna gə kag-rəw gə́ kandə kər lé wa naŋg keneŋ.

Matiyo 13:54

Yeḛ aw mee ɓee gə́ yeḛ tɔg keneŋ ndoo dee né mee kəi-kwa-dɔ-na̰’g lə dee. Deḛ gə́ d’oo ta gə́ yeḛ ndoo dee lé kaar dee wa dee paḭ ar dee pana: Kəmkàr ləa gə siŋgamoŋ gə́ yeḛ ra ne némɔrije bèe lé see yeḛ ḭ ne ra wa.

Matiyo 14:14

Loo gə́ yeḛ ḭ mee to’g al uru naŋg ndá yeḛ oo boo-dəwje d’aar digi-digi. Yeḛ oo kəmtondoo lə dee ndá ɔr ne rɔko̰ rɔ njérɔko̰je’g.

Matiyo 24:14

Ta gə́ maji nee gə́ wɔji dɔ ɓeeko̰ lé d’a kila ne mber gə loo mbidi-mbidi dɔ naŋg nee mba kar ginkoji dəwje gə raŋg lai d’oo ginee ɓa ndɔ gə́ rudu lé a teḛ ɓəi.

Matiyo 3:2

Maji kar sí waje ndòo rɔ sí dɔ kaiya’g lə sí mbata ɓeeko̰ gə́ dara lé nai dəb ba ŋga.

Matiyo 9:35

Jeju aw gə dɔɓee-dɔɓee, mee ɓee-booje gə ŋgan-ɓeeje ndoo dee ta mee kəi-kwa-dɔ-na̰’g lə dee. Yeḛ tɔji dee ta gə́ wɔji dɔ ɓeeko̰ lə Ala lé ləm, rɔko̰ gə́ rara kara yeḛ aree ḭ rɔ dee’g kə̰geŋ ləm tɔ.

Mark 1:14

Loo gə́ d’wa Ja̰ d’ilá daŋgai’g mba̰ ndá Jeju aw Galile tɔji dee tagə́maji lə Ala lé.

Mark 1:21

Deḛ d’ɔd d’aw ɓee gə́ Kapernawum. Ndɔ-kwa-rɔ lé Jeju andə aw mee kəi-kwa-dɔ-na̰’g ndá yeḛ ndoo dəwje ta keneŋ.

Mark 1:39

Togə́bè yeḛ ɔd aw mee kəi-kwa-dɔ-na̰’dje lə deḛ gə́ wɔji dɔ ɓeeko̰ gə́ Galile bura. Yeḛ ndoo dee ta keneŋ ləm, yeḛ tuba ndilje gə́ yèr lé ləm tɔ.

Mark 3:10

Mbata loo gə́ yeḛ ɔr rɔko̰ rɔ dəwje bula ndá deḛ lai gə́ to njérɔko̰je lé buŋga na̰ dəa’g gə mba kwa rəa gə ji dee ya peb-peb karee aji dee.

Mark 6:2

Yeḛ aw kəi-kwa-dɔ-na̰’g gə ndɔ-kwa-rɔ gə mba ndoo dee ta. Dəwje bula gə́ d’oo ta ləa lé kaar dee wa dee paḭ-paḭ ar dee dəji na̰ ta wédé-wédé pana, see ta néje gə́ yeḛ pa lé see ḭ ne ra wa. See kəmkàr ləa neelé ḭ ne rɔ na̰’g wa. See némɔrije gə́ yeḛ ra gə jia neelé ginee to gə́ banwa.

Mark 6:6

Kaaree wá paḭ mbata meendər lə dee. Jeju aw gə dɔɓee-dɔɓee gə́ gugu dɔ ɓee ləa lé ndoo dee ta keneŋ.

Lugu 10:9

ɔrje rɔko̰ rɔ njérɔko̰je gə́ d’isi keneŋ ləm tɔ. Tɔɓəi ula dee pajena: Ɓeeko̰ lə Ala lé si aw gə́ rɔ sí’g nee dəb.

Lugu 13:10

Jeju ndoo dee ta gə ndɔ-kwa-rɔ mee kəi-kwa-dɔ-na̰ gə́ kára bèe.

Lugu 16:16

Godndu ləm, gə njéteggintaje ləm tɔ lé deḛ to keneŋ saar ndəa’g lə Ja̰, nɛ un ginee ndɔ gə́ lə Ja̰ lé deḛ d’ɔr goo ta ɓeeko̰ lə Ala, ar dəwje nar ne na̰ loo gə mba kandə kaw keneŋ.

Lugu 20:1

Ndɔ kára bèe loo gə́ Jeju si ndoo koso-dəwje ta mee kəi-Ala’g ləm, yeḛ ɔr goo tagə́maji ar dee ləm tɔ ndá mbai dɔ njékinjanéməsje-je ləm, gə njéndaji-maktubje ləma, gə ŋgatɔgje ləm tɔ lé rəm pər gə́ rəa’g

Lugu 4:14

Siŋgamoŋ lə Ndil lé dəb dɔ Jeju’g rigim aree ɔs badm tel aw Galile, nea̰ oso gə loo-loo mee ɓeeje gə́ gugu dəa lé tɔ.

Lugu 5:17

Ndɔ kára bèe Jeju si ndoo dee ta ndá Parisiḛje gə njéteggin godnduje gə́ d’ḭ ŋgan-ɓeeje gə́ Galile ləm, gə Jude ləma, gə Jerusalem ləm tɔ lé d’isi keneŋ tɔ. Siŋgamoŋ lə Mbaidɔmbaije nai səa aree ɔr rɔko̰ gə́ rɔ njérɔko̰je’g.

Lugu 6:17

Yeḛ risi sə dee gə́ bər loo gə́ loo asəna rai-rai keneŋ, lée neelé d’iŋga boo-njékwakiláje keneŋ gə dəwje bula digi-digi gə́ d’ḭ Jude ləm, gə Jerusalem ləma, gə Tir gə Sido̰ gə́ to ta mán’g ləm tɔ. Deḛ ree keneŋ gə mba koo ta təa’g ləm, gə mba kar rɔko̰je lə dee kara ɔr rɔ dee’g ləm tɔ.

Lugu 6:6

Ndɔ-kwa-rɔ gə́ raŋg, Jeju andə aw mee kəi-kwa-dɔ-na̰’g si ndoo dee ta keneŋ. Diŋgam kára gə́ jikɔlee wəi wɔ si keneŋ tɔ.

Lugu 7:21

Mee kàree’g neelé Jeju aji njérɔko̰je keneŋ bula ləm, gə yɔ-dəwje ləm, gə deḛ gə́ ndilje gə́ yèr ra dee ləma, yeḛ ar njékəmtɔje bula kara d’oo loo ləm tɔ.

Lugu 7:22

Yen ŋga yeḛ tel ila njékwakila Ja̰je’g lé pana: Tel aw iŋgaje Ja̰ lé uláje ta néje gə́ seḭ ooje gə kəm sí nee ləm, gə ooje gə mbi sí lé ləm tɔ: Kəm njékəmtɔje inja ləm, njémədje d’aw tar njam-njam ləm, njéba̰jije ba̰ji ɔr rɔ dee’g ndɔs-ndɔs ləm, njémbikuduje lé mbi dee inja bərəŋ-bərəŋ ləm, njé gə́ d’wəi lé teḛ loo-yoo’g ləma, njéndooje lé d’ila mber tagə́maji d’ar dee ya ləm tɔ.

Lugu 8:1

Gée’g gogo Jeju ɔd keneŋ aw gə́ ɓee boo-boo gə ŋgan ɓee-ɓee ila ne mber tagə́maji gə́ wɔji dɔ ɓeeko̰ lə Ala lé tegginee ar dee.

Lugu 9:11

Loo gə́ boo-dəwje d’oo nea̰ lé ndá deḛ d’ɔr na̰ ndolè gée. Jeju wa dee gə́ rəa’g ndoo dee ta gə́ wɔji dɔ ɓeeko̰ lə Ala ləm, yeḛ ɔr rɔko̰ rɔ deḛ gə́ d’aw ndòo njekaji dee lé ləm tɔ.

Lugu 9:60

Jeju tel ilá keneŋ pana: Ya̰ yoo-dəwje ar dee dubu na̰. Nɛ i lé ɔd aw ila mber ta ɓeeko̰ lə Ala.

Tagə́maji gə́ Ja̰ ndang 18:20

Jeju ilá keneŋ pana: Tapam to kəm dəwje’g raga pai-pai. Ma m’ndoo dee ta mee kəi-kwa-dɔ-na̰je’g gə mee kəi-Ala’g loo gə́ Jibje lai mbo̰ dɔ na̰ keneŋ ɓó m’ula dee ta gə goo ŋgəḭ kára kara el.

Tagə́maji gə́ Ja̰ ndang 6:59

Yee ɓa to ta gə́ Jeju ula dee loo gə́ yeḛ si mee kəi-kwa-dɔ-na̰ gə́ Kapernawum ndoo dee ne né lé.

Tagə́maji gə́ Ja̰ ndang 7:1

Gée gə́ gogo Jeju aw gə loo-loo dɔ naŋg gə́ Galile, yeḛ ndigi si Jude el mbata Jibje saŋg loo gə mba tɔlee.

Néra Njékaḭkulaje 10:38

Seḭ gərje gao, Ala lé ar siŋgamoŋ lə Ndilmeenda ɔm dɔ Jeju gə́ Najaret’g lé aree aw gə loo-loo ra ne néje gə́ maji ləm, aree aji ne deḛ lai gə́ d’isi gin ɓee’g lə njekurai’g lé ləm tɔ mbata Ala lé nai səa ya.

Néra Njékaḭkulaje 18:4

Gə ndɔ-kwa-rɔ kára-kára lai lé Pool ɔr ginta kəi-kwa-dɔ-na̰’g lə dee oma̰ ne gə Jibje gə Grekje.

Néra Njékaḭkulaje 20:25

Aa ooje, seḭje lai gə́ m’aw mbuna sí’g m’ula sí ta lə ɓeeko̰ lə Ala lé ɓasinè ma m’gər gao to gə́ seḭ a kilaje kəm sí dɔm’g gogo el ŋga.

Néra Njékaḭkulaje 28:31

Yeḛ ula dee ta gə́ wɔji dɔ ɓeeko̰ lə Ala lé ləm, yeḛ ndoo dee ta gə́ wɔji dɔ Mbaidɔmbaije Jeju Kristi lé ləm tɔ, ar né ilá kag keneŋ el ləm, dəw kára ɔgee dɔ’g el ləm tɔ.

Njé gə́ Rɔmə 10:15

Ɓó lé d’a kɔr dəw gə mba karee ula dee taree el ndá see dəw a kula dee wa. To gə goo ta gə́ deḛ ndaŋg mee maktub gə́ to gə kəmee lé pana: Deḛ gə́ njékaw kula mar deeje ta gə́ maji lé gɔl dee to njam-njam.