Matiyo 4:1 - Maktub gə́ To gə Kəmee

¹ Yen ŋga Ndil ɔs Jeju ɓɔḭ-ɓɔḭ aree ur dɔdilaloo’g mba kar njekurai aḭ mée.

Matiyo 4:1 ပူးပေါင်းရင်းမြစ်များ

Gḭ-Néje 3:15

M’a kar ba̰ to mbuna sí-seḭ gə dené’g ləm, Gə mbuna ŋgakaije gə ŋgakea-yeḛje’g ləm tɔ. Yeḛ a rəd dɔi naŋg Ndá i a to̰ gel gɔlee tɔ.

1 Mbaije 18:12

Tɔɓəi loo gə́ m’a kubai kya̰’i ndá Ndil Njesigənea̰ a kuni kaw səi loo gə́ ma m’gər’g el, ndá m’a kaw kula Akab ɓa ɓó yeḛ ḭgai el ndá a tɔlm. Nɛ ma kura ləi m’to njeɓel Njesigənea̰ gə basm ba.

2 Mbaije 2:16

Deḛ d’ulá pana: Aa oo, mbuna kuraje’g ləi lé dəwje gə́ njésiŋgamoŋje d’as rɔ-mi d’isi keneŋ nee. See i ndigi kar dee d’aw saŋg ɓéije lé wa. Banelə Ndil Njesigənea̰ unee aw səa ila dɔ mbal’g əsé kəm wəl-loo’g. Nɛ yeḛ tel ila dee keneŋ pana: Ulaje dəw kára kara el.

Ejekel 11:1

Ndil lé unm aw səm tarəwkəi’g lə Njesigənea̰ gə́ to bər gə́ tel təa par gə́ bər. Ndá aa oo, dəwje rɔ-joo-gir-dee-mi d’isi tarəw gə́ loo-kandə-kəi’g, tɔɓəi ma m’oo Jaasania, ŋgolə Ajur gə Pelatia, ŋgolə Benaja deḛ gə́ to mbaije lə koso-dəwje lé mbuna dee’g lé.

Ejekel 11:24

Ndil lé unm aw səm Kalde rɔ deḛ gə́ d’isi ɓee-ɓər’g lé, ndil Ala ɓa unm asəna gə némḭdi bèe aw səm ndá némḭdi gə́ m’oo lé sané kad dɔm’g.

Ejekel 3:12

Yen ŋga ndil unm am m’oo kaa né gə́ ɓar ɗigi-ɗigi goom’g pana: Maji kar dɔ rɔnduba lə Njesigənea̰ ai səgərə loo-siée’g!

Ejekel 3:14

Ndil unm sèn aw səm. M’aw gə meeko̰ gə meekḭ jugugu ndá Njesigənea̰ wam gə ji siŋgamoŋ ləa.

Ejekel 40:2

Yeḛ unm aw səm keneŋ dan némḭdije’g ka̰ Ala ndá yeḛ undam dɔ mbal gə́ ŋgal léŋgé-léŋgé’g loo gə́ néje to keneŋ par gə́ dɔkɔl asəna gə kəije gə́ to mee ɓee-boo’g bèe.

Ejekel 43:5

Yen ŋga ndil unm aw səm mee gadloo gə́ mee kəi’g kɔrɔg. Ndá aa oo, nérɔnduba lə Njesigənea̰ taa mee kəi pəl-pəl.

Ejekel 8:3

Yeḛ ula né gə́ tana gə ji dəw bèe naŋg wa ne yiŋga dɔm. Ndil lé unm naŋg aw səm mbuna naŋg gə dara’g ndá yeḛ unm dan némḭdije gə́ ḭ rɔ Ala’g lé aw səm Jerusalem, tarəw gə́ mee kəi gə́ to par gə́ kel dɔgel, loo gə́ magə-kəmkəḭ gə́ ɔs gel kəmkəḭ lə Njesigənea̰ lé to keneŋ.

Tagə́maji gə́ Ja̰ ndang 14:30

M’a koo loo kula sí ta yaa̰ el ŋga, mbata mbai gə́ naŋg neelé si aw gə́ nee. Nɛ yeḛ askəm ra səm né kára el.

Néra Njékaḭkulaje 8:39

Loo gə́ d’unda loo mán teḛ mba̰ ndá Ndil Mbaidɔmbaije un Pilibə sèn, igi səa kág ar njekuji ée gogo el nja saar. Nɛ njekuji lé un rəw ləa gə rɔlel mée’g.

Njé gə́ Rɔmə 8:14

Dəwje lai gə́ Ndil Ala ɔr no̰ dee ndá deḛ to ŋgan-Alaje ya.

Ǝbrəje 2:18

Mbata yeḛ gə́ dum dɔ nékər gə́ əree dan néurti’g lé yeḛ nja ɓa askəm la gə deḛ gə́ nai dan nékər’g ɓəi.

Maktub gə́ Jak ula ne ar ngan-Allaje 1:14

Mal né gə́ ra darɔ dəw ɓa ilá ŋgərəŋ əree.