Matiyo 3:6 - Maktub gə́ To gə Kəmee

⁶ D’aree ra dee batɛm dan baa gə́ Jurdɛ̰’g.

Matiyo 3:6 ပူးပေါင်းရင်းမြစ်များ

Esdras 10:1

Loo gə́ Esdras oso naŋg bəbərə gə mán-no̰ kəmee’g ra ne tamaji neelé teg ne gin kaiya neelé ndá koso-Israɛlje bula ree mbo̰ dɔ na̰ rəa’g, diŋgamje ləm, gə denéje ləma, gə ŋganje ləm tɔ, dəwje neelé no̰ gə mán-no̰ kəm dee’g ɓugudu-ɓugudu.

Pakɔsje 32:5

M’teggin kaiya ram m’ari ya. M’iya səi dɔ néra kori-kori ləm el tɔ, M’pana: M’a riba dɔ kaltaje ləm pərəg no̰ Njesigənea̰’g, Bèe ɓa i tuji bo̰ néra kaiya ləm gə́ a gə kɔs tam’g lé.

Gosota-Kəmkàrje 28:13

Dəw gə́ iya dɔ nékaltaje ləa lé a teḛkɔr el, Nɛ yeḛ gə́ tegginee gə́ raga ləm uba ya̰ ləm tɔ ndá Iŋga meekoso lemsé.

Ejekel 36:25

N’a saga mán gə́ àr yal-yal dɔ sí’g ndá seḭ a kàrje ne ŋgad-ŋgad. Rɔ mina̰je lə sí lai gə magəje lə sí lai lé n’a kɔr dee rɔ sí’g kar sí àrje ne ŋgad-ŋgad.

Loo gə́ killa rea kəm Daniel’g 9:4

Ma m’ra tamaji ta Njesigənea̰ Ala’g ləm, tɔɓəi m’tɔr ndum m’aree togə́bè m’pana: Ǝi Mbaidɔmbaije, Ala gə́ boo gə́ to ɓəl kədm-kədm lé, i gə́ aa dɔ manrɔ ləi kər-kər ləm, oo ne kəmtondoo lə deḛ gə́ d’undai dan kəm dee’g d’aa ne dɔ godnduije kər-kər ləm tɔ!

Ləbije 16:21

Aaro̰ a kodo jia bɔr kɔm dɔ bàl bya̰ gə́ nai kəmba’g lé ndá yeḛ a teggin kaiyaje lə Israɛlje lai ləm, gə kaltaje lə deḛ lai gə́ deḛ ra ne kaiya ləm tɔ lé kɔm dɔ bàl bya̰’g neelé, yeḛ a kɔm dee dɔ bàl bya̰’g neelé tɔɓəi yeḛ a tubá kar dəw kára gə́ kula nee wɔji dəa lé aw səa ilá par gə́ dɔdilaloo’g.

Ləbije 26:40

Nɛ d’a teggin néra kori-korije lə dee-deḛ gə ka̰ bɔ deeje-je gə́ raga ləm, gə kuba gə́ d’ubam d’ya̰’m lé ləma, gə kɔs gə́ deḛ d’ɔsm rəw lé ləm tɔ,

Bula lə Israɛlje 5:7

ndá yeḛ a teggin kaiya ləa gə́ raga ləm, a tel gə né gə́ yeḛ tuji lé bura ləma, a kila maree dɔ’g as laree gə́ kaiyee loo mi ɓa d’un təa kára ləm tɔ, tɔɓəi yeḛ a tel gə né neelé kar dəw gə́ yeḛ tuji né ləa ar ta wa ne dəa lé tɔ.

Matiyo 3:11

Ma m’ra sí batɛm gə mán gə mba kar sí waje ne ndòo rɔ sí dɔ kaiya’g lə sí nɛ yeḛ gə́ si ree goom’g lé siŋgá ur dɔm’g, m’askəm kodo markob ləa lé kaw kɔm el. Yeḛ nja ɓa a ra sí batɛm gə Ndilmeenda gə pər tɔ.

Mark 1:5

Ndəa neelé dəwje gə́ Jude ləm, gə njé gə́ Jerusalem ləm tɔ d’aw rəa’g riba dɔ kaiya ra dee təsərə gə́ raga ɓa yeḛ ra dee batɛm ta baa gə́ Jurdɛ̰’g ɓəi.

Lugu 1:16

Yeḛ a kar Israɛlje bula d’ɔs badm tel gə́ rɔ Mbaidɔmbaije’g Ala lə dee ya.

Lugu 3:16

Ja̰ un ta ula dee pana: Ma lé mán ɓa wɔji dɔm gə mba karm m’ra sí ne batɛm nɛ yeḛ gə́ a gə ree lé siŋgá ur dɔm’g pubug. Ma m’askəm tudu kúla négɔlje ləa wad lé gə dɔrɔm el. Yeḛ nja ɓa a ra sí batɛm gə Ndilmeenda gə pər tɔ.

Néra Njékaḭkulaje 1:5

mbata Ja̰ lé ra dəwje batɛm gə mán nɛ ndɔ nai bula bəl ndá d’a ra sí batɛm gə Ndilmeenda ya.

Néra Njékaḭkulaje 11:16

Yen ŋga məəm aḭ haar teḛ dɔ ta gə́ Mbaidɔmbaije pa pana: Ja̰ ɓa ra dəwje batɛm gə mán, nɛ seḭ lé d’a ra sí batɛm gə Ndilmeenda.

Néra Njékaḭkulaje 19:18

Njé gə́ na̰je bula mbuna deḛ gə́ d’un meḛ dee lé deḛ ree teggin néra dee təsərə.

Néra Njékaḭkulaje 22:16

Bèe ndá ɓasinè see i si ŋgina ɗi ɓəi wa. Uba naŋg ḭta ɓar ri Mbaidɔmbaije ɓa ar dee rai ne batɛm togo ne kaiya məəi’g.

1 Njé gə́ Kɔrḭtə 10:2

mum gə́ dəb dɔ dee’g gə baa-boo-kad gə́ deḛ gaŋg lé deḛ ra dee ne batɛm gin Moyis’g ləm,

Njé gə́ Kolosə 2:12

Batɛm gə́ deḛ ra sí lé deḛ dubu sí ne səa na̰’d ndá seḭ teḛje səa na̰’d to gə goo kɔm gə́ seḭ ɔmje ne meḛ sí dɔ siŋgamoŋ lə Ala, yeḛ gə́ njekar Kristi unda ne loo teḛ dan njé gə́ d’wəi’g lé.

Ǝbrəje 6:2

gə dɔ meekun gə́ jeḛ j’un j’ar Ala ləm, gə dɔ néndoo gə́ wɔji dɔ ta baptɛməje ɓəd-ɓəd ləm, gə dɔ kila ji dɔ dəwje’g ləm, gə dɔ teḛ dɔkumbwa’g lə dəwje ləma, gə dɔ rəwta gə́ gaŋg dɔ dəwje’g gə no̰ ləm tɔ.

Ǝbrəje 9:10

Mbata né gə́ yeḛ ra gə́ wɔji dɔ nésɔje gə nékaije gə togo won néje gə́ ɓəd-ɓəd lé yee ɓa to ndukunje gə́ ka̰ darɔ gə́ d’ar sí n’ra ŋgina ne ndɔ gə́ d’a gə telee ɓəd ɓəi.

Maktub gə́ Jak ula ne ar ngan-Allaje 5:16

Tegje gin kaiya lə sí gə́ raga arje na̰ ləm, raje tamaji mbata lə na̰ ləm tɔ mba kar kəm sí tuga ne sib. Tamaji gə́ rara gə́ njemeekarabasur ra gə́ ɓar mḭ ndá to tamaji gə́ mḭ ya.

Jujé 7:19

Juje ula Akan pana: Ŋgonəm, ula rɔnduba dɔ Njesigənea̰, Ala lə Israɛlje’g ləm, ila riɓar dəa’g ləm tɔ. Tɔɓəi ulam né gə́ i ra ɓó iya səm dəa el.

1 Piɛrə 3:21

Man neelé wɔji dɔ batɛm gə́ seḭ ajije ne ɓasinè. Batɛm neelé ɔr né gə́ mina̰ rɔ sí’g el nɛ to né gə́ ar meḛ sí oso naŋg lemsé gə́ majee dɔ rɔ sí’g no̰ Ala’g, gə goo teḛ gə́ Jeju Kristi unda loo teḛ dan njé gə́ d’wəi’g lé.

1 Ja̰ 1:9

Ɓó lé jeḛ n’teggin kaiya lə sí gə́ raga ndá yeḛ to njemeenda londoŋ gə njemeekarabasur mba kar mée ti mbidi dɔ’g ləm, mba kɔr won néra gə́ kori-kori lə sí ɓə̰dərə-ɓə̰dərə ləm tɔ.