Matiyo 3:11 - Maktub gə́ To gə Kəmee

¹¹ Ma m’ra sí batɛm gə mán gə mba kar sí waje ne ndòo rɔ sí dɔ kaiya’g lə sí nɛ yeḛ gə́ si ree goom’g lé siŋgá ur dɔm’g, m’askəm kodo markob ləa lé kaw kɔm el. Yeḛ nja ɓa a ra sí batɛm gə Ndilmeenda gə pər tɔ.

Matiyo 3:11 ပူးပေါင်းရင်းမြစ်များ

Esai 4:4

Njesigənea̰ a kar lel néra gə́ gə dɔ najee gə lel gə́ ka̰ tuji lé ula. Loo gə́ yeḛ a kɔr ne néje gə́ mina̰ lə denéje gə́ Sio̰ mba̰ ləm, A kɔr won Jerusalem gə mba məs gə́ to keneŋ mba̰ ləm tɔ.

Esai 44:3

Mbata m’a gə kɔm mán dɔ naŋg’d gə́ aw ndòo mán ləm, M’a kar ŋgira manje d’aḭ d’ɔm dɔ naŋg’d gə́ tudu kurum-kurum ləm tɔ, M’a kɔm ndiləm dɔ ginkojije’g lə sí ləm, M’a tɔr ndum dɔ ŋgan síje’g ləm tɔ.

Jakari 13:9

N’a kɔm debee gə́ nai neelé dan pər’d ndá n’a ndiree to gə́ deḛ ndiri ne larnda gə mba kar siḭyee teḛ ləm, n’a naa dee to gə́ deḛ naa ne larlɔr bèe ləm tɔ. Deḛ d’a ɓar ri neḛ ndá n’a koo ta lə dee. N’a pana: To koso-dəwje lə neḛ. Ndá d’a pana: Njesigənea̰ to Ala lə síjeḛ tɔ.

Matiyo 3:6

D’aree ra dee batɛm dan baa gə́ Jurdɛ̰’g.

Mark 1:4

Ja̰ ɓa ree ra dəwje batɛm dɔdilaloo’g. Yeḛ ila mber ta gə́ wɔji dɔ batɛm ka̰ kwa ndòo rɔ dɔ kaiya’g mba kar mee Ala lé ti mbidi dɔ’g.

Lugu 1:17

Yeḛ a kaw no̰ Ala’g gə goo ndil gə siŋgamoŋ gə́ ka̰ Eli mba gɔl ne meḛ bɔ ŋganje kar dee d’wa ne ŋgan deeje gə́ rɔ dee’g ləm, mba gɔl ne meḛ njékaltaje kar dee taa ne kəmkàr lə njémeekarabasurje lé ləm tɔ. Togə́bè ɓa, yeḛ a gɔl dəwje gə mba kar dee to majikojije kar Mbaidɔmbaije ya.

Lugu 3:16

Ja̰ un ta ula dee pana: Ma lé mán ɓa wɔji dɔm gə mba karm m’ra sí ne batɛm nɛ yeḛ gə́ a gə ree lé siŋgá ur dɔm’g pubug. Ma m’askəm tudu kúla négɔlje ləa wad lé gə dɔrɔm el. Yeḛ nja ɓa a ra sí batɛm gə Ndilmeenda gə pər tɔ.

Lugu 3:3

Ja̰ lé aw gə dɔɓee-dɔɓee gə́ gugu dɔ Jurdɛ̰ lé ila mber ta ra batɛm ar dəwje d’wa ndòo rɔ dee dɔ kaiya’g lə dee mba kɔr ne ɓaŋg kaiya dɔ dee’g.

Tagə́maji gə́ Ja̰ ndang 1:15

Ja̰ lé ɔr ginta ləa gə ndia gə́ boi wəl pana: Dəw neelé to yeḛ gə́ ma m’ula sí ta ləa kédé m’pana: Yeḛ gə́ ree goom’g lé undam yiu-yiu mbata yeḛ nja to gə́ kédé gə́ dɔtar ɓa ma m’oré gée ɓəi.

Tagə́maji gə́ Ja̰ ndang 1:30

Yeḛ nja ɓa ma m’ula sí ta ləa kédé m’pana: Dəw kára gə́ ree goom’g lé undam yiu-yiu mbata yeḛ nja to gə́ kédé ɓa ma m’oré gée ɓəi.

Néra Njékaḭkulaje 1:5

mbata Ja̰ lé ra dəwje batɛm gə mán nɛ ndɔ nai bula bəl ndá d’a ra sí batɛm gə Ndilmeenda ya.

Néra Njékaḭkulaje 19:4

Yen ŋga Pool ula dee pana: Batɛm gə́ wɔji dɔ kwa ndòo rɔ dɔ kaiya’g ɓa Ja̰ ra dəwje ula ne koso-dəwje gə mba kar dee d’ɔm meḛ dee dɔ yeḛ gə́ si ree gée’g, yee ɓa gə́ Jeju.

Néra Njékaḭkulaje 8:36

To gə́ d’isi d’aw rəbee bèe-bèe ndá deḛ teḛ dɔ mán’g təsərə ar njekuji dəjee pana: Aa oo mán ya to nee, ŋga see ɗi ɓa a kɔgi ram batɛm ɓəi wa.

Néra Njékaḭkulaje 8:38

Njekuji un ndia ar dee d’ɔs pusu naŋg, Pilibə deḛ gə njekuji lé d’al d’uru naŋg d’aw mán joo bɔr, ar Pilibə ra njekuji lé batɛm.

1 Njé gə́ Kɔrḭtə 12:13

Jeḛ lai gə́ to gə́ Jibje əsé Grekje, əsé ɓərje, əsé ŋgankojije kara deḛ ra sí batɛm d’ɔm sí ne na̰’d kára ba gin Ndil gə́ kára ba ləm, Ndil gə́ kára ba ya to meḛ sí’g lai ləm tɔ.

Njé gə́ Epesə 3:8

Oiyo, ma gə́ m’nai ŋgon mbuna deḛ gə́ to gə kəmee lai lé yeḛ wa ne səm noji ɓa ɔrm ne gə mba karm m’ila mber ta nébaoje lə Kristi gə́ dum gər, m’ar njépole-magəje ləm,

Titə 3:5

ndá yeḛ aji sí ya, meekɔrjol ləa lé gə batɛm gə́ yeḛ sugu sí ne ɓa yeḛ oji sí ne sigi gə goo siŋgamoŋ lə Ndilmeenda

1 Piɛrə 5:5

Seḭ basaje kara osoje kul no̰ ŋgatɔgje’g lə sí. Seḭ lai lé ulaje dɔ sí arje na̰, mbata Ala lé ɔs njébeeleje rəw, Nɛ yeḛ wa noji gə njekula dɔ deeje.