Matiyo 28:7 - Maktub gə́ To gə Kəmee

⁷ Ɔdje rad awje ulaje njékwakiláje pajena: Jeju lé unda loo teḛ dan njé gə́ d’wəi’g mba̰. Aa ooje, yeḛ aw no̰ sí’g gə́ Galile, seḭ a kéeje keneŋ. Yee ɓa ma m’ula sí gée ya.

Matiyo 28:7 ပူးပေါင်းရင်းမြစ်များ

Esai 44:8

Ɓəlje el ləm, undaje bala el ləm tɔ, See m’ula sí taree kédé gə́ ləw təsərə el wa. Seḭ toje njékɔrgootaje ləm: See Ala gə́ raŋg to gə́ ma bèe si keneŋ wa. Kɔr mbal gə́ raŋg godo ləm, Ma m’gər yeḛ gə́ raŋg el ləm tɔ.

Esai 45:21

Paje taree gə́ raga ləm Tɔjije né gə́ ɔr ginee gə́ raga ləm tɔ! Maji kar dee dəji na̰ ta dɔ’g! See na̰ ɓa pata néje nee Gə́ a gə ree kédé gə́ dɔtar ləm, Ila mberee kédé gə́ ləw ləm lé wa. See to ma Njesigənea̰ el wa. Ala gə́ raŋg godo, Ma nja m’to Ala kára ba kiao Gə́ m’to njera nédanasur ləm, M’to njekaji dəwje ləm ləm tɔ.

Matiyo 24:25

Aa ooje, ma nja m’ula sí kédé təsərə mba̰.

Matiyo 26:32

Nɛ loo gə́ gogo gə́ m’a kunda loo-yoo teḛ lé ndá m’a kiŋga sí Galile ya.

Matiyo 28:10

Togə́bè Jeju ula dee pana: Ɓəlje el, aw ulaje ŋgakɔmje ar deeje d’aw Galile ɓa d’a kila kəm dee dɔm’g keneŋ ɓəi.

Matiyo 28:8

Denéje neelé sa rɔ dee gə ŋgwɔd gə kəm ɓəl ləm, gə rɔlel gə́ boo ləm tɔ ndá d’aḭ d’aw d’ula njékwakiláje taree.

Mark 14:28

Nɛ loo gə́ m’a kunda loo teḛ dan njé gə́ d’wəi’g mba̰ ndá m’a kaw no̰ sí’g Galile.

Mark 16:10

Yeḛ un taree aw pa ar deḛ gə́ d’isi səa kédé lé gə́ d’isi no̰ d’wa ne ndòo rɔ dee lé.

Mark 16:13

Deḛje neelé tel d’aw d’ula mar deeje gə́ raŋg, nɛ deḛ mbad kɔm meḛ dee dɔ ta’g lə dee lé saar nja tɔɓəi.

Lugu 24:34

gə́ d’isi pana: Mbaidɔmbaije lé unda loo teḛ tɔgərɔ ya. Yeḛ teḛ kəm Simo̰’g ya.

Tagə́maji gə́ Ja̰ ndang 14:29

Nɛ ɓasinè lé ma m’ula sí ta néje neelé kédé ɓa mba kar néje neelé teḛ ɓəi, mba kar loo gə́ néje neelé d’a gə teḛ ndá seḭ a kɔmje ne meḛ sí dɔ ta’g ləm ya.

Tagə́maji gə́ Ja̰ ndang 16:4

Ta néje neelé ma m’ula sí mba kar loo gə́ kàree a gə teḛ ndá meḛ sí a kolé ne dɔ ta gə́ ma m’ula sí’g lé ya. Ta gə́ ma m’ula sí ɓasinè lé ma m’ula sí kédé gə́ ləw el mbata ma m’nai sə sí ɓəi.

1 Njé gə́ Kɔrḭtə 15:4

deḛ dubee nɛ ndəa munda ndá yeḛ unda loo teḛ mbuna njé gə́ d’wəi’g gə goo ta gə́ mee maktub’g lé ləma,

1 Njé gə́ Kɔrḭtə 15:6

Ndɔ gə́ raŋg yeḛ teḛ kəm njétaamee-Kristije gə́ d’as tɔl-mi gə́ d’wa dɔ na̰ loo kára tɔ, deḛ gə́ d’ée neelé kudu dee gə́ kára ɓa d’wəi nɛ ndər dee nai gə kəmə lə dee bura ɓəi.