Matiyo 28:17 - Maktub gə́ To gə Kəmee

¹⁷ Loo gə́ deḛ d’ée ndá deḛ d’unda naŋg nea̰’g mburug. Nɛ njé gə́ na̰je maḭ gə rɔ dee dəa’g.

Matiyo 28:17 ပူးပေါင်းရင်းမြစ်များ

Pakɔsje 2:12

Maji kar sí ilaje koji dɔ ŋgon’g Nà banelə a ra oŋg Kar sí uduje ne bo̰ rəw-kaw sí’g. Mbata oŋg ləa nduba kalaŋ ya. Deḛ gə́ d’ɔm meḛ dee dəa’g lé D’isi gə rɔlel ya.

Pakɔsje 45:11

Ŋgonəm gə́ dené, maji kari kɔd mbii ila tag oo ne ta nee: Ar məəi wəi dɔ dəwje’g ləi ləm, gə dɔ njémeekəije’g lə bɔbije ləm tɔ.

Matiyo 16:28

Ma m’ula sí təsərə, njé gə́ na̰je mbuna deḛ gə́ d’isi neelé d’a kwəi el nja ɓəi ɓa d’a koo Ŋgon-dəw ree asəna gə mbai bèe gə kəm dee.

Matiyo 28:9

Yen ŋga Jeju dar dee bus pana: M’ra sí lapia ɓòo. Deḛ ree wɔr gə́ rəa’g d’unda naŋg gɔlee’g mburug, d’unda barmba naŋg d’wá meḛ dee’g.

Mark 16:11

Loo gə́ deḛ d’oo to gə́ yeḛ si kəmba ləm, d’oo to gə́ Mari lé ée ləm tɔ ndá deḛ d’ɔm meḛ dee dɔ’g el.

Mark 16:13

Deḛje neelé tel d’aw d’ula mar deeje gə́ raŋg, nɛ deḛ mbad kɔm meḛ dee dɔ ta’g lə dee lé saar nja tɔɓəi.

Mark 16:14

Waga tɔɓəi ndá Jeju teḛ kəm deḛ gə́ dɔg-gir-dee-kára gə́ d’isi ta ka-nésɔ’g lé, yeḛ ndaŋg dee dɔ meendər’g lə dee ləm, gə dɔ kɔstarəw’g lə dee ləm tɔ, mbata d’ɔm meḛ dee dɔ ta’g lə deḛ gə́ d’ée loo gə́ yeḛ unda loo teḛ dan njé gə́ d’wəi’g lé el.

Tagə́maji gə́ Ja̰ ndang 5:23

mba kar dəwje lai d’ila riɓar dɔ Ŋgon’g to gə́ deḛ d’ila dɔ Bɔbeeje’g bèe lé ya tɔ. Dəw gə́ rara ɓa gə́ ila riɓar dɔ Ŋgon’g neelé el ndá yeḛ ila riɓar dɔ Bɔbeeje gə́ njekulá’g el tɔ.

Néra Njékaḭkulaje 1:3

Loo gə́ yeḛ ula rəa ndubu saar yeḛ wəi ne ndá yeḛ tel teḛ kəm dee’g wai kəmba tɔɓəi yeḛ nai sə dee ndəa rɔ-sɔ riba sə dee dɔ rəa’g gɔl bula ar loo maḭyee godo ləm, tɔji dee ta néje gə́ wɔji dɔ ɓeeko̰ lə Ala lé ləm tɔ.

1 Njé gə́ Kɔrḭtə 15:6

Ndɔ gə́ raŋg yeḛ teḛ kəm njétaamee-Kristije gə́ d’as tɔl-mi gə́ d’wa dɔ na̰ loo kára tɔ, deḛ gə́ d’ée neelé kudu dee gə́ kára ɓa d’wəi nɛ ndər dee nai gə kəmə lə dee bura ɓəi.