Matiyo 28:10 - Maktub gə́ To gə Kəmee

¹⁰ Togə́bè Jeju ula dee pana: Ɓəlje el, aw ulaje ŋgakɔmje ar deeje d’aw Galile ɓa d’a kila kəm dee dɔm’g keneŋ ɓəi.

Matiyo 28:10 ပူးပေါင်းရင်းမြစ်များ

Matiyo 14:27

Léegəneeya Jeju ula dee pana: Ǝwje rɔ sí ɓəlje, to ma nja. Ɓəlje el ŋga.

Matiyo 25:40

Mbai lé a tel kila dee keneŋ pana: Ma m’ula sí təsərə, loo gə́ rara gə́ seḭ raje néje gə́ togə́bè keneŋ gə dəw kára gə́ nai gɔ mbuna ŋgakɔmje’g neelé ndá ma nja raje səm kən tɔ.

Matiyo 25:45

Yeḛ a tel kila dee keneŋ pana: Ma m’ula sí təsərə, loo gə́ seḭ lal raje néje neelé gə yeḛ gə́ kára gə́ nai gɔ mbuna ŋgakɔmje’g neelé ndá to ma nja seḭ lalje raje səm kən tɔ.

Matiyo 26:32

Nɛ loo gə́ gogo gə́ m’a kunda loo-yoo teḛ lé ndá m’a kiŋga sí Galile ya.

Matiyo 28:16

Njékwakila Jejuje gə́ dɔg-gir-dee-kára lé d’aw Galile dɔ mbal gə́ Jeju tɔji dee lé.

Matiyo 28:5

Kura lə Ala lé gə́ dara un ta ula denéje neelé pana: Seḭ ɓa yḛ̀, ɓəlje nda̰ el mbata ma m’gər gao Jeju gə́ deḛ ɗaree kaar kag’d lé ɓa seḭ ndoleeje ya.

Matiyo 28:7

Ɔdje rad awje ulaje njékwakiláje pajena: Jeju lé unda loo teḛ dan njé gə́ d’wəi’g mba̰. Aa ooje, yeḛ aw no̰ sí’g gə́ Galile, seḭ a kéeje keneŋ. Yee ɓa ma m’ula sí gée ya.

Matiyo 28:9

Yen ŋga Jeju dar dee bus pana: M’ra sí lapia ɓòo. Deḛ ree wɔr gə́ rəa’g d’unda naŋg gɔlee’g mburug, d’unda barmba naŋg d’wá meḛ dee’g.

Mark 16:7

Nɛ ɔd aw ulaje njékwakiláje ləm, gə Piɛrə ləm tɔ to gə́ Jeju lé ɔd no̰ sí’g sí aw gə́ Galile mba̰, lé neelé ɓa seḭ a kéeje keneŋ nu to gə́ yeḛ ula sí lé ya tɔ.

Tagə́maji gə́ Ja̰ ndang 20:17

Jeju tel ilá keneŋ pana: Ɔrɔ rɔm el, mbata m’ḭ m’aw rɔ Bɔm’g el ɓəi. Nɛ ɔd aw iŋga ŋgabɔmje ula dee: M’isi m’aw gə́ rɔ Bɔm gə́ to Bɔ síje lé ləm, m’isi m’aw gə́ rɔ Ala’g lé ləm gə́ to Ala lé lə sí ləm tɔ.

Tagə́maji gə́ Ja̰ ndang 6:20

Nɛ Jeju ula dee pana: To ma nja ɓó ɓəlje el.

Njé gə́ Rɔmə 8:29

Mbata deḛ gə́ yeḛ ɔr dee unda dee gə kəmee kédé lé yeḛ nja wɔji dee mée’g tɔ gə mba kar dee d’ɔr ne rɔ Ŋgonee pai-pai, ɓó gə mba kar Ŋgonee lé to gə́ ŋgondəree mbuna ŋgako̰ na̰je’g bula.

Njéga̰g-Rəwtaje 10:16

Yen ŋga deḛ tɔr magəje gə́ dɔ ɓee’d gə́ to mbuna dee’g, tɔɓəi deḛ d’wa Njesigənea̰ meḛ dee’g ndá mée tɔsee mbigi-mbigi mbata lə boo-nékəmndoo gə́ Israɛlje d’isi danee’g lé.