46 Loo gə́ kàr tel rəa gə mbɔree ndá Jeju pata gə ndia gə́ boi wəl pana: Eli, Eli, lama sabaktani, pa togə́bè pana: Ala ləm, Ala ləm, see ban ɓa i ubam ya̰’m wa.
Mee Njesigənea̰ ndigi Mba kar dee d’ula kəmee ndòo, Loo gə́ yeḛ a kya̰ rəa Gə́ nékinjaməs gə mbata lə kaiya Ndá yeḛ a koo ŋgakeaje ləm, Ləbje ləa d’a kḭ dɔ maree’d gə́ kédé-kédé ləm tɔ, Né gə́ mee Njesigənea̰ ndigi lé Yeḛ a karee aw lée’g béréré ya.
Seḭ lai gə́ dəsje rəw’g neelé Ma m’ndigi kula sí ta. Maji kar sí aaje loo ooje To gə́ némeeko̰ gə́ ram lé garee godo ləm To rɔ sí-seḛ el ləm tɔ. Njesigənea̰ nja ɓa ḭ səm Ula ne kəm ndòo ndɔ gə́ oŋg-boo ḭ səa lé!
Kàr tel rəa gə́ mbɔree lé Jeju no̰ gə ndia gə́ boi wəl pana: Eloi, Eloi, lama sabaktani, tel ta koji sí pana: Ala ləm, Ala ləm, see ban ɓa i ubam ya̰’m wa.