Matiyo 27:42 - Maktub gə́ To gə Kəmee

⁴² Yeḛ aji njé gə́ raŋg nɛ yeḛ askəm kaji darəa-yeḛ el. Ɓó lé yeḛ to mbai lə Israɛlje ndá maji karee wa rəa kaar kag-dəs’g ti uru naŋg ar sí j’oo ɓa j’a kɔm meḛ sí dəa’g ɓəi.

Matiyo 27:42 ပူးပေါင်းရင်းမြစ်များ

Matiyo 2:2

Deḛ dəji pana: Mbai lə Jibje gə́ d’ojee lé see to loo gə́ ra wa. Mbata jeḛ j’oo kérèmé ləa bər ndá jeḛ n’ree mba kwá meḛ sí’g.

Matiyo 27:37

Deḛ ndaŋg ta loo gə́ dəa gə́ tar mba kɔr ne ta gə́ d’ila dəa’g tɔlee ne lé pana: Aa ooje, yeḛ gə́ neelé to Jeju, mbai lə Jibje ŋga.

Matiyo 27:40

Deḛ pana: I gə́ pana: I a tuji kəi-Ala ndá ndɔ munda ba ya a tel ra karee to lée’g gogo lé ɓó lé i to gə́ Ŋgon-Ala tɔgərɔ ndá aji rɔi-i nja ɓó gə wa rɔi kaar kag-dəs’g ɔr ti uru naŋg ar sí j’oo səi.

Matiyo 27:41

Mbai dɔ njékinjanéməsje-je gə njéndaji-maktubje gə ŋgatɔgje na̰’d lé deḛ kogee pana:

Mark 15:31

Mbai dɔ njékinjanéməsje-je gə njéndaji-maktubje kogo mbuna na̰’d d’ula ne sul dəa’g pana: Yeḛ aji njé gə́ raŋg ŋga see yeḛ askəm kaji darəa-yeḛ gə dɔrea el wa.

Mark 15:32

Maji kar Kristi, mbai lə Israɛlje lé wa rəa kaar kag-dəs’g ɔr ti uru naŋg ɓasinè ɓa ɓó gə ar sí j’ɔm ne meḛ sí dəa’g ɓəi tɔ. Deḛ gə́ ɗar dee səa na̰’d lé deḛ tajee tɔ.

Lugu 19:38

Deḛ pana: Maji kar dɔkaisəgərə nai gə mbai gə́ ree gə ri Mbaidɔmbaije. Maji kar meekulɔm nai gə deḛ gə́ d’isi mee dara’g ləm, maji kula rɔnduba dɔ Ala’g ləm tɔ.

Lugu 23:35

Koso-dəwje d’aar d’aa loo gə́ keneŋ sɔmɔmo̰. Mbai dɔ njégaŋ-rəwtaje-je d’ula sul dɔ Jeju’g pana: Yeḛ aji njé gə́ raŋg, ɓó lé yeḛ to Kristi gə́ Ala ɔree undá gə kəmee ndá maji karee aji rəa-yeḛ ya tɔ.

Lugu 23:37

ndá deḛ pana: Ɓó lé i to gə́ mbai lə Jibje lé ndá aji darɔi-i nja ar sí j’oo səi.

Tagə́maji gə́ Ja̰ ndang 1:49

Natanaɛl tel ilá keneŋ pana: Rabi, i lé to Ŋgon-Ala nja, i to mbai lə Israɛlje nja tɔ.

Tagə́maji gə́ Ja̰ ndang 12:13

ndá deḛ ti kam marje ji dee’g d’ɔr ne nea̰. Deḛ ra né u-u-u pana: Hosana! Maji kar dɔkaisəgərə nai gə yeḛ gə́ ree gə ri Mbaidɔmbaije gə́ to mbai dɔ Israɛlje lé.

Tagə́maji gə́ Ja̰ ndang 12:47

Ɓó lé nana ɓa gə́ oo tapam, nɛ aa dəa kər-kər el ndá ma ɓa m’a to gə́ njegaŋ-rəwta dəa’g el, mbata ma lé m’ree gə mba kaji dəwje gə́ dɔ naŋg nee ɓó gə mba gaŋg rəwta dɔ dee’g el.

Tagə́maji gə́ Ja̰ ndang 9:24

Parisiḛje tel ɓar yeḛ gə́ kédé to njekəmtɔ neelé gɔl joo d’ulá pana: Maji kari ula rɔnduba dɔ Ala’g, jeḛ n’gər gao dəw neelé to gə́ njekaiya ya.

Néra Njékaḭkulaje 4:14

Nɛ loo gə́ deḛ d’oo njerɔko̰ gə́ rəa tel to kari péd-péd aar sə dee na̰’d lée’g neelé ndá deḛ d’oo loo kila ta’g el.