36 Yen ɓa d’isi naŋg ŋgəm təa.
Deḛ ndaŋg ta loo gə́ dəa gə́ tar mba kɔr ne ta gə́ d’ila dəa’g tɔlee ne lé pana: Aa ooje, yeḛ gə́ neelé to Jeju, mbai lə Jibje ŋga.
Ɓé-njérɔje gə deḛ gə́ d’aar səa mba ŋgəm ta Jeju lé loo gə́ deḛ d’oo naŋg gə́ yə ləm, gə néje lai gə́ teḛ togə́bè ləm tɔ ndá ɓəl unda dee badə gaŋg dee ar dee d’ula na̰ pana: Tɔgərɔ, dəw neelé to Ŋgon-Ala lé ya.
Ɓé-njérɔje gə́ aar wɔji dɔ Jeju njoroŋ lé loo gə́ yeḛ oo to gə́ təa udu na̰ rub lé ndá yeḛ pana: Tɔgərɔ ya, dəw neelé to Ŋgon-Ala lé ya.
Kaar Pilatə wá paḭ loo gə́ yeḛ oo to gə́ Jeju wəi yal mba̰ ndá yeḛ ɓar ɓé-njérɔje dəjee mba koo see Jeju lé wəi kuree əw ya ŋga wa.
