Matiyo 27:32 - Maktub gə́ To gə Kəmee

³² Loo gə́ deḛ d’unda loo teḛ ndá deḛ dar Simo̰, dəw gə́ Sirèn bus d’ɔsee d’aree un kag-dəs lə Jeju.

Matiyo 27:32 ပူးပေါင်းရင်းမြစ်များ

1 Mbaije 21:10

Tɔɓəi undaje dəwje gə́ njémeeyèrje joo nea̰’g mba kar dee d’ɔm ta dəa’g no̰ koso-dəwje’g pa ne pana: Yeḛ ila ndɔl dɔ Ala’g lé ləm, gə ila ndɔl dɔ mbai’g ləm tɔ! Tɔɓəi oreeje gə́ raga, tiláje gə kɔri-ər tɔleeje.

1 Mbaije 21:13

Dəwje gə́ njémeeyèrje gə́ joo lé ree d’isi no̰ Nabot’g ndá deḛ d’ɔm ta dəa’g kəm koso-dəwje’g pana: Nabot ila ndɔl dɔ Ala’g lé ləm, gə dɔ mbai’g ləm tɔ. Bèe ɓa deḛ ndɔree d’aw səa gir ɓee-boo’g tilá gə kɔri-ər tɔlee ya tɔ.

Ləbije 4:12

yeḛ a kun ne bɔ maŋg lé bura ya kaw ne gir loo-si dee gə́ raga, loo gə́ d’unda gə kəmee ləm, loo gə́ d’ɔm bu pər keneŋ ləm tɔ ndá yeḛ a roo dɔ kir’d. Loo kɔm bu pər ɓa d’a roo keneŋ ya.

Ləbije 4:21

Yeḛ a kun bɔ maŋg neelé kaw ne gir loo-si dee gə́ raga ndá a roo to gə́ deḛ ra ne gə bɔ maŋg gə́ dɔtar lé ya. To nékinjaməs gə́ ka̰ kiŋga meekoso lemsé mbata lə koso-dəwje lé lai ya.

Ləbije 4:3

Ɓó lé to ŋgɔ-njekinjanéməs ɓa ra kaiya ar ta wa ne dɔ koso-dəwje lai ndá to kəm karee wa bɔ maŋg gə́ rəa mina̰ el gə́ nékinjaməs gə́ ka̰ kiŋga meekoso lemsé no̰ Njesigənea̰’g.

Matiyo 16:24

Yen ŋga Jeju ula njékwakiláje pana: Nana ɓa gə́ ndigi kaw goom’g ndá maji karee ya̰ rəa yag ləm, a kun kag-dəs ləa-yeḛ nja kodo ləm tɔ ɓa a kaw ne goom’g ɓəi.

Matiyo 5:41

Ɓó lé dəw buguri gə mba kari aw səa kuruloo kára ndá i a kaw səa kuruloo joo.

Mark 15:21

Dəw kára gə́ ɓee ləa Sirèn, ria lə Simo̰, bɔ Aleja̰drə gə Rupusje lé ḭ ndɔ si dəs ndá d’wá d’ɔsee ɓɔḭ-ɓɔḭ d’aree un kag-dəs lə Jeju.

Lugu 23:26

Loo gə́ d’isi d’aw səa ndá deḛ dar Simo̰, dəw gə́ Sirèn bus, gə́ ḭ ndɔ, deḛ d’ɔsee d’aree un kag-dəs lə Jeju orè ne gée.

Tagə́maji gə́ Ja̰ ndang 19:17

Jeju un kag-dəs ləa odo teḛ ne ŋgaŋloo gə́ raga gə́ ɓaree Loo-ka-dɔ-dəw, nɛ gə ta Ǝbrə ɓa to Gɔlgota.

Néra Njékaḭkulaje 11:20

Nɛ dəwje gə́ na̰je mbuna deḛ gə́ d’ḭ Siprə gə Sirèn lé deḛ ree Antiɔs ndá d’aw rɔ Grekje’g d’ula dee tagə́maji lə Mbaidɔmbaije Jeju.

Néra Njékaḭkulaje 13:1

Mee Eglisə gə́ Antiɔs lé njéteggintaje gə njéndoo né dəwje d’isi keneŋ, ri dee ɓa nee: Barnabas, gə Simeo̰ gə́ deḛ ɓaree Niger ləm, gə Lusius, dəw gə́ Sirèn’g ləm, gə Manahen gə́ d’odee gə Herɔdə gə́ to njeguburuɓee lé na̰’d ləma, gə Sool ləm tɔ.

Néra Njékaḭkulaje 2:10

gə Prigi gə Pampili gə Ejiptə ləm, gə njé gə́ dɔ naŋg gə́ Libi gə́ to mbɔr Sirèn’g ləma, gə njé gə́ Rɔm kara d’aar sə sí na̰’d ləm tɔ lé Jibje ləm, gə deḛ gə́ tel rɔ dee gə́ Jibje ləm,

Néra Njékaḭkulaje 6:9

Njé gə́ na̰je gə́ to barkəm njékwa dɔ na̰je gə́ deḛ ɓar dee Ŋgankojije ləm, gə mbuna barkəm njékwa dɔ na̰je gə́ Sirèn’g gə Aleja̰drə ləma, gə Jibje gə́ Silisi gə Asi ləm tɔ lé d’unda na̰’d bura maḭta gə Etien.

Néra Njékaḭkulaje 7:58

Deḛ d’wá ndɔree d’ilá ŋgaŋ loo gir ɓee gə́ raga ndá deḛ tilá gə kɔri-ər. Njékoogoo tɔleeje lé tɔr kubuje lə dee d’ɔm naŋg gɔl basa kára gə́ ria lə Sool lé.