Matiyo 27:31 - Maktub gə́ To gə Kəmee

³¹ Loo gə́ deḛ kogee mba̰ ndá deḛ d’ɔr kubu gə́ boi yul gə́ rəa’g lé d’ya̰ tel d’ula kubuje ləa rəa’g ɓa tel d’aw səa gə mba ɗaree kaar kag’d lé ɓəi.

Matiyo 27:31 ပူးပေါင်းရင်းမြစ်များ

1 Mbaije 21:10

Tɔɓəi undaje dəwje gə́ njémeeyèrje joo nea̰’g mba kar dee d’ɔm ta dəa’g no̰ koso-dəwje’g pa ne pana: Yeḛ ila ndɔl dɔ Ala’g lé ləm, gə ila ndɔl dɔ mbai’g ləm tɔ! Tɔɓəi oreeje gə́ raga, tiláje gə kɔri-ər tɔleeje.

1 Mbaije 21:13

Dəwje gə́ njémeeyèrje gə́ joo lé ree d’isi no̰ Nabot’g ndá deḛ d’ɔm ta dəa’g kəm koso-dəwje’g pana: Nabot ila ndɔl dɔ Ala’g lé ləm, gə dɔ mbai’g ləm tɔ. Bèe ɓa deḛ ndɔree d’aw səa gir ɓee-boo’g tilá gə kɔri-ər tɔlee ya tɔ.

Esai 53:7

Deḛ ra səa majel d’ula ne kəmee ndòo Nɛ yeḛ teḛ təa ja̰ el, Asəna gə ŋgon badə gə́ d’ɔree D’aw səa gə́ loo-tɔlee’g ləm, Asəna gə ko̰ badə gə́ təa to gə́ loo ndèmee No̰ deḛ gə́ d’inja bḭyee’g bèe ləm tɔ lé Yeḛ teḛ təa ja̰ el .

Bula lə Israɛlje 15:35

Njesigənea̰ ula Moyis pana: Dəw neelé d’a tɔlee gə́ tɔl ya, koso-dəwje lai d’a teḛ tilá gə kɔri-ər gir loo-si dee’g.

Matiyo 20:19

ndá d’a kulá ji njépole-magəje’g gə mba kar dee d’ula sul dəa’g ləm, gə kundá gə ndəi-kɔb ləma, gə ɗaree kaar kag’d ləm tɔ, nɛ ndɔ gə́ njekɔm’g munda ləa ndá yeḛ a kunda loo teḛ ya.

Matiyo 21:39

Yen ŋga d’ubá d’wá ndɔree jol-jol d’aw səa ŋgaŋloo ndɔ-nduú’g lé tuga keneŋ jag-jag tɔlee.

Matiyo 26:2

Seḭ gərje gao, nai ndɔ joo ba mba kar dee ra naḭ Pag, ndəa neelé d’a kula Ŋgon-dəw ji dee’g mba kar dee ɗaree kaar kag’d.

Mark 15:20

Loo gə́ deḛ d’ula sul dəa’g togə́bè mba̰ ndá deḛ d’ɔr kubu gə́ boi yul gə́ ndul piro-piro lé rəa’g, rəm d’ula darɔ kubu ləa-yeḛ nja rəa’g gogo, ɓa d’ɔd ndɔree d’aw səa gə mba ɗaree ɓəi tɔ.

Tagə́maji gə́ Ja̰ ndang 19:16

Yen ŋga yeḛ ula Jeju ji dee’g gə mba kar dee d’aw ɗaree. Deḛ d’uba Jeju d’wá ndɔree d’aw səa.

Tagə́maji gə́ Ja̰ ndang 19:27

Tɔɓəi yeḛ tel ula njekwakilá lé pana: Aa loo oo kɔinje lé tɔ. Un kudee keneŋ neelé njekwakilá lé unda ko̰ Jeju-je lé ilá nea̰’g aw səa kəi ləa.

Néra Njékaḭkulaje 7:58

Deḛ d’wá ndɔree d’ilá ŋgaŋ loo gir ɓee gə́ raga ndá deḛ tilá gə kɔri-ər. Njékoogoo tɔleeje lé tɔr kubuje lə dee d’ɔm naŋg gɔl basa kára gə́ ria lə Sool lé.

Ǝbrəje 13:12

Gelee gə́ togə́bè ɓa Jeju kara wəi ne gir tarəw ɓee gə́ raga gə mba kunda ne dəwje ləa gə kəmee gə darɔ məsee-yeḛ nja tɔ.