Matiyo 27:29 - Maktub gə́ To gə Kəmee

²⁹ Deḛ pḛdé kun gə́ dɔgugu d’ula dəa’g ləm, deḛ d’ula kag-kɔbə jikɔlee’g ɓa deḛ d’ɔs kəji dee naŋg nea̰’g d’ula sul dəa’g ləm tɔ pana: Lapia ɓòo, mbai lə Jibje.

Matiyo 27:29 ပူးပေါင်းရင်းမြစ်များ

Pakɔsje 69:7

Deḛ gə́ d’unda meḛ dee yel gə́ dɔi’g lé Maji kar kəm sɔḭ wa kəm dee mbata ləm-ma el, I Mbaidɔmbaije gə́ to Njesigənea̰ gə́ njeboo-néje lé! Deḛ gə́ sa̰gi lé ar dee d’isi dan rɔkul’g mbata ləm el tɔ, I gə́ to Ala lə Israɛlje ya.

Esai 49:7

Njesigənea̰ gə́ to njekoga-dɔ-loo ləm, Gə Njerɔkunda lə Israɛlje ləm tɔ pa togə́bè Ar yeḛ gə́ d’ə̰jee bəḭ-bəḭ Gə́ to né gə́ to kḛji kəm koso-dəwje’g ləm, Ar yeḛ gə́ to ɓər lə njésiŋgamoŋje ləm tɔ pana: Mbaije d’a kée ndá d’a kuba naŋg kḭ ləm, Mbaije kara d’a kunda barmba nea̰’g ləm tɔ, Mbata lə Njesigənea̰ gə́ to njemeenda londoŋ ləm, Mbata lə Njerɔkunda lə Israɛlje gə́ ɔrm ləm tɔ.

Esai 53:3

Koso-dəwje d’ə̰jee bəḭ-bəḭ, d’ubá d’yá̰, Yeḛ to dəw gə́ rəa ndiri njigi-njigi Gə́ gər loo-si dan nékəmndooje’g, Asəna gə dəw gə́ d’un kəm dee mbaŋ dəa’g d’unda raŋg lé Jeḛ kara j’ée gə́ né el bèe tɔ.

Jeremi 20:7

I Njesigənea̰ ərm gə́ kər Ndá ma m’ya̰ rɔm m’ari ərm ya tɔ, I wam kérég ləm, i dum dɔm ləm tɔ. Gə ndɔje kára-kára lai m’to gə́ nékunda-kogo Ar dəwje lai d’ula sul dɔm’g.

Matiyo 20:19

ndá d’a kulá ji njépole-magəje’g gə mba kar dee d’ula sul dəa’g ləm, gə kundá gə ndəi-kɔb ləma, gə ɗaree kaar kag’d ləm tɔ, nɛ ndɔ gə́ njekɔm’g munda ləa ndá yeḛ a kunda loo teḛ ya.

Matiyo 26:49

Léegəneeya, yeḛ ree rɔ Jeju’g jəgm mba̰, yeḛ pana: Lapia boo, mbai!

Matiyo 27:37

Deḛ ndaŋg ta loo gə́ dəa gə́ tar mba kɔr ne ta gə́ d’ila dəa’g tɔlee ne lé pana: Aa ooje, yeḛ gə́ neelé to Jeju, mbai lə Jibje ŋga.

Mark 15:17

Deḛ d’ula kubu gə́ boi yul gə́ ndul piro-piro rəa’g ləm, deḛ pḛdé kun gə́ dɔgugu d’ulá dəa’g ləm tɔ.

Mark 15:18

Tɔɓəi deḛ d’un kudu rəa lapia pa ne pana: Lapia ɓòo, mbai lə Jibje!