Matiyo 27:24 - Maktub gə́ To gə Kəmee

²⁴ Loo gə́ Pilatə oo ndá lé dumee təs mbata dəwje d’unda bula yi-yi ndá yeḛ taa mán togo ne jia kəm boo-dəwje’g neelé tel ula dee pana: Məs njemeekarabasur neelé ma m’ɔr dɔm’g mbɔji mba̰. To ta gə́ dɔ sí-seḭ’g ya ŋga.

Matiyo 27:24 ပူးပေါင်းရင်းမြစ်များ

Pakɔsje 26:6

M’togo jim m’riba ne dɔ ta gə́ wa dɔm el lé, Ndá əi Njesigənea̰, yee ɓa m’njaa m’gugu ne dɔ loo-nékinjaməs ləi lé!

Jeremi 2:27

Deḛ d’ula kag pana: I to bɔ síje! Deḛ d’ula mbal pana: I ɓa ar sí j’isi kəmba! Mbata deḛ turu gir dee d’ila d’am ləm, D’aa loo gə́ rɔm’g el ləm tɔ Ndá loo gə́ nékəmndoo teḛ dɔ dee’g ɓa D’ulam pana: Ḭta aji sí!

Jeremi 2:35

Nɛ lé bèe kara seḭ pajena: Tɔgərɔ ya, ta wa dɔ sí el, Tɔgərɔ, oŋg ləa wəi ne bèm dɔ sí’g! Aa ooje, m’a gə kɔr ta kila dɔ sí’g Mbata seḭ pajena: Jeḛ n’raje kaiya el.

Matiyo 26:5

Nɛ deḛ pana: Maji ra ndɔ naḭ’g el, nà njé gə́ na̰je gə́ mbuna koso-dəwje’g d’a kḭ kuru kó goo neḛje’g wəl-wəl.

Matiyo 27:19

Loo gə́ Pilatə si dɔ kalimbai gaŋg-rəwta’g ɓəi ndá dené ləa ula-kula ar dee d’ulá pana: Maji kari ar ta oso dɔ sí-seḭ gə njemeekarabasur’g neelé el, mbata ɓogənè lé ni gə́ kurai ya m’ni dəa’g.

Matiyo 27:23

Njeguburuɓee lé tel dəji dee tɔɓəi pana: See né majel gə́ yeḛ ra lé see to gə́ ɗi wa. Deḛ lai ra né u-u-u pana: Maji ɗaree kaar kag’d ya.

Matiyo 27:4

ula dee pana: Ma lé m’ra kaiya, ma m’ila ne məs njemeekarabasur naŋg. Deḛ tel d’ilá keneŋ pana: See ta ri lə síjeḛ ɓəi ɓa to keneŋ wa. To ta ləi i nja ŋga.

Matiyo 27:54

Ɓé-njérɔje gə deḛ gə́ d’aar səa mba ŋgəm ta Jeju lé loo gə́ deḛ d’oo naŋg gə́ yə ləm, gə néje lai gə́ teḛ togə́bè ləm tɔ ndá ɓəl unda dee badə gaŋg dee ar dee d’ula na̰ pana: Tɔgərɔ, dəw neelé to Ŋgon-Ala lé ya.

Matiyo 27:9

Togə́bè ɓa ta gə́ Jeremi, njetegginta pa lé aw lée’g béréré mbata yeḛ pana: Deḛ taa larnda rɔ-munda neelé to lar gə́ deḛ ra ne gad dəw gə́ ŋgan Israɛlje ra gadee lé.

Tagə́maji gə́ Ja̰ ndang 13:9

Simo̰ Piɛrə tel ilá keneŋ pana: Bèe ndá Mbaidɔmbaije, maji kari togo gɔlm ɓa goo kára ba el, nɛ togo jim gə dɔm bura ya.

Tagə́maji gə́ Ja̰ ndang 19:4

Tɔɓəi Pilatə tel unda loo teḛ aw ula Jibje pana: Aa ooje, ma m’ree səa rɔ sí’g raga nee mba kar sí gərje gao to gə́ ma m’oo ta kára kara gə́ wa dəa el.

Néra Njékaḭkulaje 3:14

Seḭ nja seḭ mbadje yeḛ gə́ to Njemeenda ləm, gə Njemeekarabasur ləm tɔ nɛ seḭ dəjije njetɔl dəw mareeje ɓa gə mba kar dee d’ilá tar d’ar sí.

2 Njé gə́ Kɔrḭtə 5:21

Yeḛ gə́ kaiya ɓar ria el lé Ala telee gə́ darɔ kaiya gə́ doŋgɔ mbata lə sí ɓó gə mba tel síjeḛ gə́ j’ɔm səa na̰’d lé kar sí n’to ne darɔ meekarabasur gə́ doŋgɔ gə́ ka̰ Ala lé.

1 Piɛrə 3:18

Tɔgərɔ ya, Kristi, njemeekarabasur lé wəi gɔl kára ba kiao gə́ ŋgaŋgee mbata lə njéra né kori-korije gə mba kɔr sí ne kaw sə sí kar Ala ya, darəa ɓa deḛ tɔl nɛ Ndil ɓa tel ula kəmə mée’g gogo ɓəi.