Matiyo 27:1 - Maktub gə́ To gə Kəmee

¹ Teḛ gə ndɔ rad ndá mbai dɔ njékinjanéməsje-je gə ŋgatɔgje lə dəwje d’wa dɔ na̰ d’ula ta meḛ na̰’d mba kar Jeju udu ne.

Matiyo 27:1 ပူးပေါင်းရင်းမြစ်များ

Pakɔsje 2:2

Mbaije gə́ dɔ naŋg nee d’wa dɔ gɔl rɔ dee ləm, Njéko̰ɓeeje kara d’ɔm sə dee na̰’d ləm tɔ D’ḭ ne gə Njesigənea̰ gə yeḛ gə́ yeḛ wa dəa gə ubu lé.

Pakɔsje 31:13

Meḛ dee wəi dɔm’g asəna gə dəw gə́ wəi bèe ləm, Ma m’to asəna gə jo gə́ tɔ bèe ləm tɔ.

Pakɔsje 71:10

Mbata njéba̰je ləm lé pata d’wɔji ne dɔm, Deḛ gə́ d’umum rəw’g gə mba tujim lé kara D’ula ta meḛ na̰’d gə mbam ya ləm tɔ.

Misee 2:1

Meeko̰ a koso dɔ deḛ gə́ la̰ji tor néra gə́ kori-kori meḛ dee’g D’wa dɔ gɔlee jəb dɔ tira-to dee’g! Loo gə́ loo àr yərərə ndá d’aw ra née Loo gə́ d’ɔm siŋgamoŋ rəa lé ji dee’g tɔ.

Matiyo 23:13

Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata seḭ uduje rəw ɓeeko̰ gə́ dara dɔ dəwje’g jigi. Seḭje nja seḭ a̰dje keneŋ el ləm, dəwje gə́ ndigi kandə keneŋ kara seḭ ɔg deeje loo kandə keneŋ ləm tɔ.

Mark 15:1

Teḛ gə ndɔ rad, mbai dɔ njékinjanéməsje-je d’wa dɔ na̰ gə njé gə́ tɔgje ləm, gə njéndaji-maktubje ləma, gə njégaŋ-rəwtaje lə Jibje ləm tɔ mba kwɔji loo né gə́ d’a gə ra. Yen ŋga deḛ d’uba Jeju gə kúla njim-njim ndɔree d’aw d’ulá ji Pilatə’g.

Lugu 13:1

Mee ndəa’g neelé njé gə́ na̰je gə́ d’aar keneŋ, d’ɔr sor né gə́ teḛ dɔ njé gə́ Galile’g lé d’ar Jeju oo, to né gə́ Pilatə ra loo gə́ yeḛ podé məs dəwje neelé gə məs néje gə́ d’inja gə́ məs lé na̰’d.

Lugu 22:66

Loo gə́ loo inja mba̰ ndá ŋgatɔgje lə dəwje ləm, gə mbai dɔ njékinjanéməsje-je ləma, gə njéndaji-maktubje ləm tɔ lé deḛ mbo̰ dɔ na̰ loo kára tɔɓəi d’ar dee ree gə Jeju no̰ njégaŋ-rəwtaje’g lə Jibje.

Tagə́maji gə́ Ja̰ ndang 18:28

Deḛ d’ḭ gə Jeju ɓee lə Kayipə d’aw səa kəi-mbai lə njeguburuɓee teḛ gə ndɔ rad ya. Deḛ d’ila gɔl dee kəi-mbai lə njeguburuɓee lé el nà rɔ dee a mina̰ ne ɓa a kɔg dee ne loo sɔ né Pag ya.

Néra Njékaḭkulaje 5:21

Loo gə́ deḛ d’oo ta neelé ndá d’ɔd d’aw mee kəi-Ala’g gə ndɔ rad, d’un ta d’isi ndoo dee. Ŋgɔ-njekinjanéməs gə deḛ gə́ d’isi səa lé tel ree ndá deḛ ɓar njégaŋ-rəwtaje lə Jibje gə ŋgatɔgje lə Israɛlje lai dɔ na̰’d tɔɓəi d’ula kula ɓar njékaḭkulaje kəi-daŋgai’g.

Njéga̰g-Rəwtaje 16:2

D’ula dəwje gə́ Gaja pana: Samso̰ ree loo gə́ nee’g. Deḛ d’ḭ d’aḭ dəa sub d’umee loondul’g tarəw ɓee-boo’g. Loondul’g neelé deḛ d’aar régégé, deḛ pana: Loo gə́ loo a gə kàr yərərə lé ndá j’a tɔlee.

1 Samel 19:11

Sawul ula njékulaje ləa rɔ Dabid’g mba kar dee ŋgəm gə mba tɔlee bèlè gə ndɔ. Nɛ Mikal, dené lə Dabid lé ulá taree pana: Ɓó lé i ḭ loondul’g nee aḭ el ndá bèlè gə ndɔ lé d’a tɔli.