Matiyo 26:70 - Maktub gə́ To gə Kəmee

⁷⁰ Yeḛ maḭtaree kəm dee’g lai ulá pana: Ta gə́ i pa lé ma m’gər kilá el.

Matiyo 26:70 ပူးပေါင်းရင်းမြစ်များ

Gosota-Kəmkàrje 28:26

Yeḛ gə́ ɔm mée jəb-jəb dɔ rəa-yeḛ’g lé to mbə-dəw, Nɛ yeḛ gə́ njaa gə kəmkàr a kaji ne.

Gosota-Kəmkàrje 29:23

Beelé lə dəw lé aree oso kul, Nɛ yeḛ gə́ ula dəa aw yururu ndá iŋga rɔnduba.

Gosota-Kəmkàrje 29:25

Ɓəl dəwje lé to gə́ gum, Nɛ yeḛ gə́ ɔm mee jəb-jəb dɔ Njesigənea̰’g lé a si lɔm.

Esai 57:11

See na̰ ɓa seḭ ɓəleeje Ndəbje ne pəd-pəd nea̰’g Mba su ne kəm ləm, Mba kar meḛ sí olé ne dɔm’g el ləma, Mba kḛji ne dɔm’g el ləm tɔ wa. See ma m’isi mundu kurum əw lé el wa. Gelee gə́ nee ɓa Seḭ ɓəlmje ne el gə mbəa.

Jeremi 17:9

Mee dəw ɓa ulá na̰’d Unda néje gə́ raŋg lai, Meeyèr taa loo keneŋ pəl-pəl, See na̰ askəm gər né gə́ to keneŋ wa.

Matiyo 26:51

Yen ŋga deḛ ɓugu na̰ dɔ Jeju’g d’wá. Aa ooje, yeḛ gə́ kára mbuna deḛ gə́ d’aar gə Jeju lé ɔr kiambas ləa piao tuga ne mbi kura lə ŋgɔ-njekinjanéməs lɔd ɔr.

Matiyo 26:56

Nɛ né neelé teḛ togə́bè mba tɔl ne ta gə́ njéteggintaje ndaŋg mee maktub’g lé bém. Yen ŋga njékwakiláje lai d’ubá d’yá̰ buŋga na̰ d’aḭ d’aw.

Matiyo 26:58

Piɛrə dan gée jan-jan, kaw ɓa aw gə goo ŋgalee aw saar andə mee ndògo’g kəi lə ŋgɔ-njekinjanéməs. Yeḛ ur mbuna kuraje’g pén mba koo gin né gə́ d’a gə ra lé.

Matiyo 26:69

Piɛrə lé sí dan loo gə́ raga. Ŋgonjelookisi gə́ dené rəm wɔr gə́ rəa’g pa səa pana: I kara to njeboalookaw lə Jeju gə́ Galile lé tɔ.

Matiyo 26:71

Yeḛ ḭ ŋgəs par gə́ tarəwkəi’g. Ŋgonjelookisi gə́ dené gə́ raŋg aa loo ée ndá ula deḛ gə́ d’aar keneŋ lé pana: Dəw neelé aw gə Jeju gə́ Najaret lé na̰’d ya.

Lugu 22:57

Nɛ yeḛ maḭtaree pana: Dené, ma m’gəree el.

Njé gə́ Rɔmə 11:20

Yee neelé to lée’g ya, deḛ tuga kəmkagje neelé mbata deḛ to njémeekɔs ŋgwɔḭje nɛ i lé mbɔl dɔ meekun ləi ɓa i nai ne keneŋ ɓəi. Ar məəi to kəgəgə dɔ rɔi’g ɓó beelé ne dɔ meekun’g ləi el.

1 Njé gə́ Kɔrḭtə 10:12

Togə́bè ɓa maji kar yeḛ gə́ ə̰ji ta mée’g pana: Neḛ n’aar tar lé tɔs kəmee dɔ rəa’g, nà a kɔd koso.

Loo gə́ killa rea kəm Ja̰’g 21:8

Nɛ njérəmje ləm, gə njépole-magəje ləm, gə ram-dəwje ləm, gə njetɔl dəwje ləm, gə njémɔdkaiyaje ləm, gə njékərgosoje ləm, gə njépole-magəje ləma, gə njéŋgɔmje lai ləm tɔ lé deḛ nja d’a kiŋga loo lə dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir lé yee ɓa to gə́ yoo gə́ joo lé ya.