Matiyo 26:39 - Maktub gə́ To gə Kəmee

³⁹ Loo gə́ yee ɔd aw gə kuree rəgəsə ndá yeḛ oso naŋg bəbərə dəb kəmee naŋg ra ndòo ta Ala’g pana: Bɔm, ɓó lé to kəm ra ndá taa ŋgo-kai meeko̰ neelé jim’g rəw gə́ raŋg. Ɓó lé to gə́ ndigi el ndá kara ra né gə́ məəi-i nja wɔji ɓó to gə́ məəm-ma ɓa wɔji el.

Matiyo 26:39 ပူးပေါင်းရင်းမြစ်များ

Gḭ-Néje 17:3

Abram oso naŋg bəbərə, dəb kəmee naŋg, ndá Ala ulá pana:

2 Samel 15:26

Nɛ ɓó lé yeḛ pana: Yeḛ ndá mée dɔm’g el ndá aa oo, m’aar nee, maji karee ra səm to gə́ mée ndigi ya.

1 Sôrta Gḭka-Israɛlje 21:16

Dabid un kəmee oo kura gə́ dara gə́ aar mbuna dara gə naŋg nee’g. Kiambas gə́ yeḛ ɔr sɔlee’g to jia’g ula par gə́ Jerusalem. Yen ŋga Dabid gə ŋgatɔgje d’ula kubu-kwa-ndòo rɔ dee’g d’oso bəbərə dəb ne kəm dee naŋg.

Esai 50:5

Mbaidɔmbaije gə́ Njesigənea̰ ar mbim to tag Ndá ma m’ɔsee rəw el ləm, Ma m’gad kudum gə́ gogo el ləm tɔ.

Esai 53:12

Gelee gə́ nee ɓa m’a karee ne né gə́ wɔji dəa Gə dəwje gə́ boo-boo na̰’d, Yeḛ lé a kai nébanrɔ kar njésiŋgamoŋje Mbata yeḛ ḭ gə mée ya̰ rəa ar yoo ləm, Deḛ turá na̰’d gə njéramajelje ləm, Mbata yeḛ odo kaiya lə dəwje bula ɔm dəa’g ləma, Yeḛ ra tamaji mbata lə dəwje gə́ ta wa dɔ dee ləm tɔ.

Ejekel 1:28

Né gə́ ndogó ɔr jol-jol gə́ gugu dəa sub lé kunda rɔ ləa to asəna gə ŋgaoburandi gə́ teḛ dan kil-lə-ndi ndɔ kər’g lə ndi bèe, yee ɓa to né gə́ ndaji rɔnduba lə Njesigənea̰. Loo gə́ m’oo né neelé ndá m’oso m’dəb kəm naŋg ləm, m’oo ndu dəw gə́ pa ne ta ləm tɔ.

Bula lə Israɛlje 14:5

Moyis gə Aaro̰ rəm d’oso naŋg rəb kəm koso-dəwje gə́ Israɛl gə́ mbo̰ dɔ na̰ lé.

Bula lə Israɛlje 16:22

Moyis gə Aaro̰ d’oso naŋg bəbərə-bəbərə dəb kəm dee naŋg, deḛ pana: Ǝi Ala! i gə́ ar dəwje lai d’isi kəmba lé! Dəw kára ba ɓa ra kaiya ndá ŋga, see oŋg ləi a kḭ səi pu dɔ koso-dəwje’g ləi lai to gə́ ban wa.

Matiyo 20:22

Jeju tel ila dee keneŋ pana: Né gə́ seḭ dəjimje lé seḭ gərje kilá el nja ɓəi. See seḭ asje kəm kaije né gə́ mee ŋgo-kai-mán gə́ m’a gə kai lé wa. Deḛ ndigi ta Jeju’g pana: Jeḛ j’askəm kai ya.

Matiyo 24:24

Mbata njéndaji Kristije gə njétegginta gə́ ŋgɔmje d’a kuba na̰ kḭ gə mba ra nékɔbje gə némɔrije gə mba su ne kəm dəwje saar deḛ gə́ d’ɔr dee d’unda dee gə kəmee lé ya kara d’a koso keneŋ ləm tɔ.

Matiyo 26:42

Yeḛ sa rəa aw ɔm gə́ gɔl joo ndá yeḛ ra ndòo ta Ala’g pana: Bɔm, ɓó lé to kəm kari taa ŋgo-kai meeko̰ nee jim’g lal kam m’ai lé el ndá m’a ra torndui karee ɔr rɔd ya.

Mark 13:22

Mbata njéndaji kəm Kristije gə́ ŋgɔm ləm, gə njétakorije ləm tɔ lé d’a kḭ gə mba ra nékɔbje gə némɔrije mba su ne kəm loo, banelə d’a su ne kəm deḛ gə́ to gə kəmee ya tɔ.

Lugu 17:16

Yeḛ ti oso naŋg bəbərə no̰ Jeju’g dəb kəmee naŋg rəa ne oiyo tɔ. Dəw neelé to dəw gə́ Samari.

Tagə́maji gə́ Ja̰ ndang 11:41

Yen ŋga deḛ nduburu biri mbal lé. Jeju ila kəmee gə́ tar pana: Bɔm, m’rai oiyo mbata tamaji gə́ m’ra lé taa né jii’g am ya.

Tagə́maji gə́ Ja̰ ndang 14:31

To mba kar dəwje gə́ dɔ naŋg nee d’oo gao, to gə́ ma m’unda Bɔ-dəwje lé dan kəm’g ya ləm, ma m’ree gə goo ndukun gə́ Bɔ-dəwje un am lé ləm tɔ. Ubaje naŋg ar sí j’ḭje loo gə́ nee j’awje ɓa.

Tagə́maji gə́ Ja̰ ndang 18:11

Jeju ula Piɛrə pana: Tel gə kiambas ləi ulá sɔlee’g gogo. Né gə́ mee ŋgo-kai-né gə́ Bɔm am mba karm m’ai lé see m’a mbad wa.

Tagə́maji gə́ Ja̰ ndang 5:19

Jeju un ta ula dee pana: Ma m’ula sí təsərə, Ŋgon lé yeḛ nja askəm ra né kára kara gə dɔrea el, néra Bɔbeeje gə́ yeḛ oo lé ɓa yeḛ kara ra ndaji ne kəm Bɔbeeje tɔ. Néje lai gə́ Bɔbeeje ra lé Ŋgon kara ra aree wa bua kea̰ ya tɔ.

Tagə́maji gə́ Ja̰ ndang 5:30

Ma m’askəm ra né kára kara gə dɔrɔm el, nɛ torndu né gə́ ma m’oo gə mbim ɓa m’gaŋg ne rəwta ɓəi. Rəwta gə́ ma m’gaŋg lé to gə dɔ najee ya mbata né gə́ mee njekulam wɔji ɓa ma m’ra ɓó ma m’ra né gə́ məəm-ma ɓa wɔji el.

Tagə́maji gə́ Ja̰ ndang 6:38

Mbata ma m’ḭ dara m’ree naŋg nee gə mba ra né gə́ njekulam ɓa wɔji mée’g ɓó né gə́ məəm-ma ɓa wɔji el.

Néra Njékaḭkulaje 10:25

Loo gə́ Piɛrə si andə kəi ndá Kɔrnəi tila kəmee oso naŋg bəbərə ula dəa naŋg nea̰’g.

Njé gə́ Pilibə 2:8

ɓa yeḛ nja ḭ gə mée ula dəa to ne ŋgonkoji saar wəi ne uru ne loo-yoo’g kaar kag-dəs’g.

Ǝbrəje 5:7

Jeju lé loo gə́ yeḛ nai gə darəa ɓəi lé, yeḛ ra ndòo gə ndia gə́ boi wəl gə mán-no̰ kəmee’g ləm, yeḛ ra tamaji ta yeḛ gə́ askəm teá ta yoo’g ləm tɔ. Ndá Ala ndigi səa rəgm mbata Jeju nda mée gə bɔbee.

Loo gə́ killa rea kəm Ja̰’g 19:10

Yen ŋga, m’oso naŋg rəb gel gɔlee’g mba kwá məəm’g ndá yeḛ ulam pana: Ǝw rɔi! Ma m’to njeboakula ləi gə njeboakula lə ŋgakɔḭje gə́ d’ɔr goo ta lə Jeju lé. Ala nja ɓa maji kari wá məəi’g. Mbata goo ta lə Jeju to kankəmta gə́ ḭ rɔ Ala’g nja.