Matiyo 26:38 - Maktub gə́ To gə Kəmee

³⁸ Yeḛ ula dee pana: Meem ḭ səm jugugu al dɔm sula saar a kas yoom. Sije loo gə́ nee’g kəmba ŋginamje.

Matiyo 26:38 ပူးပေါင်းရင်းမြစ်များ

Pakɔsje 116:3

Kulaje gə́ ka̰ yoo lé d’aḭ dɔm kɔr-kɔr ləm, Némeekaar kərm gə́ ka̰ bwa-dɔɓar lé ram ləma, Né gə́ too gə némeeko̰ lé d’ubam d’wam kérég ləm tɔ.

Pakɔsje 42:5

Meem olé dɔ loo gə́ m’njaa dan koso-dəwje gə́ gugu dɔm sub lé Am m’njaa ne no̰ dee’g par gə́ kəi’g lə Ala, M’njaa ne dan ndu pa rɔlel’g gə ndu pa ra oiyo’g Gə́ koso-dəwje pa loo ra boo-naḭje’g. Loo gə́ m’la̰ji toree məəm’g ndá Ma m’ndá ne məəm kaḭ.

Pa gə́ ur dɔ paje 5:3

Ma m’ɔr kubu ləm gə́ boi yul m’ila naŋg mba̰ See m’a tel kula rɔm’g to gə́ ban wa, Ma m’togo kor gɔlm’g mba̰ See m’a tel karee wa yiro to gə́ ban wa.

Esai 53:10

Mee Njesigənea̰ ndigi Mba kar dee d’ula kəmee ndòo, Loo gə́ yeḛ a kya̰ rəa Gə́ nékinjaməs gə mbata lə kaiya Ndá yeḛ a koo ŋgakeaje ləm, Ləbje ləa d’a kḭ dɔ maree’d gə́ kédé-kédé ləm tɔ, Né gə́ mee Njesigənea̰ ndigi lé Yeḛ a karee aw lée’g béréré ya.

Esai 53:12

Gelee gə́ nee ɓa m’a karee ne né gə́ wɔji dəa Gə dəwje gə́ boo-boo na̰’d, Yeḛ lé a kai nébanrɔ kar njésiŋgamoŋje Mbata yeḛ ḭ gə mée ya̰ rəa ar yoo ləm, Deḛ turá na̰’d gə njéramajelje ləm, Mbata yeḛ odo kaiya lə dəwje bula ɔm dəa’g ləma, Yeḛ ra tamaji mbata lə dəwje gə́ ta wa dɔ dee ləm tɔ.

Esai 53:3

Koso-dəwje d’ə̰jee bəḭ-bəḭ, d’ubá d’yá̰, Yeḛ to dəw gə́ rəa ndiri njigi-njigi Gə́ gər loo-si dan nékəmndooje’g, Asəna gə dəw gə́ d’un kəm dee mbaŋ dəa’g d’unda raŋg lé Jeḛ kara j’ée gə́ né el bèe tɔ.

Matiyo 25:13

Maji kar sí síje kəmba mbata seḭ gərje ndəa əsé kàree el.

Mark 14:34

Yeḛ ula dee pana: Meem ḭ səm jugugu al dɔm sula saar a kas yoom, maji kar sí sije dɔkəji sí’g kəgəgə loo gə́ nee.

Tagə́maji gə́ Ja̰ ndang 12:27

Ɓasinè məəm to kəgəgə. See m’a pa ban karee wa tam wa. See m’a pana: Bɔm, ɔrm dan né gə́ a gə ram’g ɓasinè lé teḛ səm ɓəi əsé ban wa. Nɛ né gə́ a gə ram togə́bè lé yee ɓa ma m’ree ne saar m’teḛ ne mee kàree’g neelé gə mbəa ya.

Njé gə́ Rɔmə 8:32

Ŋgon mée kara yeḛ yá̰ ar sí ɓó ŋgəmee rəa’g el, nɛ ɓəd ɓa see néje gə́ raŋg lai-lai lé see a kɔg sí tɔɓəi wa.

2 Njé gə́ Kɔrḭtə 5:21

Yeḛ gə́ kaiya ɓar ria el lé Ala telee gə́ darɔ kaiya gə́ doŋgɔ mbata lə sí ɓó gə mba tel síjeḛ gə́ j’ɔm səa na̰’d lé kar sí n’to ne darɔ meekarabasur gə́ doŋgɔ gə́ ka̰ Ala lé.

Njé gə́ Galati 3:13

Kristi uga sí ɔr ndɔl godndu dɔ sí’g mbata yeḛ tel to dəw gə́ ndɔl wa dəa mbata lə sí, mbata deḛ ndaŋg ta mee maktub’g pana: Nana ɓa gə́ deḛ ɗaree kaar kag’d lé ndá ndɔl yoo nai dəa’g ya.

1 Piɛrə 2:24

Yeḛ nja ɓa odo kaiyaje lə sí ɔm dəa’g aw ne kaar kag’d mba kar sí j’oo rɔ sí gə́ yoo-dəwje dɔ kaiya’g lə sí ɓa j’isi ne kəmba dɔ néra gə́ ka̰ meekarabasur lé. Dooje gə́ yeḛ iŋga lé gə́ kuma̰ kar ta doo lə sí ər ne kəmsə.

1 Piɛrə 3:18

Tɔgərɔ ya, Kristi, njemeekarabasur lé wəi gɔl kára ba kiao gə́ ŋgaŋgee mbata lə njéra né kori-korije gə mba kɔr sí ne kaw sə sí kar Ala ya, darəa ɓa deḛ tɔl nɛ Ndil ɓa tel ula kəmə mée’g gogo ɓəi.

1 Piɛrə 4:7

Ndɔ kun rudu néje lai nai dəb ba. Bèe ndá undaje kəmkàr dɔ sí’g sije ne kəmba loo ra tamaji’g lə sí.