Matiyo 26:3 - Maktub gə́ To gə Kəmee

³ Yen ŋga mbai dɔ njékinjanéməsje-je gə ŋgatɔgje lə dəwje mbo̰ dɔ na̰ dan mee ndògo’d lə ŋgɔ-njekinjanéməs gə́ ria lə Kayipə.

Matiyo 26:3 ပူးပေါင်းရင်းမြစ်များ

Pakɔsje 56:6

Ndɔje kára-kára lai deḛ d’ula kəm ndòo gə tapa dee ləm, Takə̰jije gə́ majel ya ɓa d’ə̰ji dɔm’g ləm tɔ.

Jeremi 11:19

Ma m’to asəna gə ŋgon badə gə́ kul gə́ d’aw səa gə́ loo-tɔlee’g bèe, ndá ma m’gər rəw né gə́ majel gə́ deḛ la̰ji meḛ dee’g gə mba ra səm lé el. Deḛ pana: Ar sí n’tujije kag gə ka̰dee na̰’d! Ar sí j’oreeje dɔ naŋg’d lə njésikəmbaje mba kar dəw ə̰ji dɔ ria’g gogo el ŋga.

Jeremi 17:27

Nɛ loo gə́ m’un ndum m’ar sí mba kar sí undaje ndɔ-kwa-rɔ gə kəmee ləm, kar sí odoje nékodo gə́ wɔi a̰dje ne tarəwkɔgje’d gə́ Jerusalem mee ndɔ-kwa-rɔ’g el ləm tɔ lé ɓó lé seḭ unje mbi sí rəw dɔ’g ndá m’a kila pər tarəwkɔgje’g lə ɓee-boo karee roo kəi-mbaije gə́ Jerusalem dula-dula kar pəree wəi nda̰ el.

Matiyo 26:69

Piɛrə lé sí dan loo gə́ raga. Ŋgonjelookisi gə́ dené rəm wɔr gə́ rəa’g pa səa pana: I kara to njeboalookaw lə Jeju gə́ Galile lé tɔ.

Matiyo 27:27

Njérɔje lə njeguburuɓee lé ndɔr Jeju d’aw səa kəi-mbai lə njeguburuɓee ndá kudu-njérɔje lai kiri na̰ dəa’g yir.

Mark 14:54

Piɛrə dan gée jan-jan saar uru səa gadloo’g lə ŋgɔ-njekinjanéməs. Yeḛ si gə kuraje ta pər’d si ndibi pər.

Mark 14:66

Loo gə́ Piɛrə si gin dee’g naŋg gadloo’g lé ndá ŋgonjelookisi gə́ dené lə ŋgɔ-njekinjanéməs lé ree rəa’g.

Mark 15:16

Njérɔje ndɔree d’aw səa gadloo gə́ mee ndògo’g lə mbai gə́ njeguburuɓee ndá d’ar njérɔje lai mbo̰ dɔ na̰ keneŋ.

Lugu 22:55

Deḛ yel pər dan loo’g lə mbai ndá d’isi keneŋ d’isi ndibi. Piɛrə si sə dee keneŋ na̰’d tɔ.

Lugu 3:2

To mee ləb gə́ An gə Kayipə to ne ŋgɔ-njékinjanéməsje ndá mee ləb’g neelé ɓa ta lə Ala oso mbi Ja̰, ŋgolə Jakari dɔdilaloo’g.

Tagə́maji gə́ Ja̰ ndang 11:57

Yen ɓa mbai dɔ njékinjanéməsje-je gə Parisiḛje d’un ndu dee d’ar koso-dəwje pana: Ɓó lé nana ɓa gər loo gə́ yeḛ aar keneŋ ndá maji karee nani dəa gə́ raga ɓó gə mba kar dee d’ubá d’wá.

Tagə́maji gə́ Ja̰ ndang 18:24

Yen ŋga An ar dee tel səa gə kúla rəa’g bèe ya, d’aw səa rɔ Kayipə’g ŋgɔ-njekinjanéməs’g lé.

Tagə́maji gə́ Ja̰ ndang 18:28

Deḛ d’ḭ gə Jeju ɓee lə Kayipə d’aw səa kəi-mbai lə njeguburuɓee teḛ gə ndɔ rad ya. Deḛ d’ila gɔl dee kəi-mbai lə njeguburuɓee lé el nà rɔ dee a mina̰ ne ɓa a kɔg dee ne loo sɔ né Pag ya.