Matiyo 26:29 - Maktub gə́ To gə Kəmee

²⁹ Ma m’ula sí njai, ma lé m’a kai mán-nduú neelé gogo el ŋga saar m’a kai nje gə́ sigi sə sí na̰’d mee ɓeeko̰’g lə Bɔm.

Matiyo 26:29 ပူးပေါင်းရင်းမြစ်များ

Pakɔsje 104:15

Gə mán-nduú mba kar rɔ dəw lelee ne ləm, Gə mba kar rəa ndɔḭ ne unda ubu ləma, Gə muru gə mba kar siŋgá to ne ləm tɔ.

Pakɔsje 4:7

Njé gə́ na̰je bula pana: See na̰ ɓa a kar sí j’isi dan némajije’g wa. Ǝi Njesigənea̰, maji kar kəmi gə́ to lookàr lé ndogó dɔ sí’g!

Pakɔsje 40:3

Yeḛ ɓa ɔrm mee bwa-tuji’g Dan bɔrɔ dubu’g ləm, Yeḛ urm dɔ biri mbal’g tar ndoi ləma, Yeḛ ar gɔlm to njam-njam ləm tɔ.

Pa gə́ ur dɔ paje 5:1

Kɔnanəm, njemɔr ləm, Ma m’andə loo-ma̰a-kagje’g ləm, Ma m’ti timbá gə néje gə́ ə̰də sululu ləm, Ma m’usɔ mba̰ tə̰ji gə ubee na̰’d ləma, Ma m’ai mán-nduú gə mbà na̰’d ləm tɔ. Baokuraje ləm, sɔje gə aije, Arje mal ndigi na̰ ra sí!

Esai 25:6

Njesigənea̰ gə́ njeboo-néje gɔl muru-gad Gə́ wɔji dɔ nésɔje gə́ lel ləm, Gə mán-nduú gə́ àr ŋgad-ŋgad ləm tɔ Dɔ mbal’g neelé mbata koso-dəwje lai, To nésɔje gə́ lel gə́ to ubu yaa̰ ləm, Gə mán-nduú gə́ kuree əw Gə́ àr ŋgad-ŋgad ləm tɔ.

Esai 53:11

Mbɔl dɔ kula rɔ ndubu ləa lé ɓa Kəmə gə́ orè gée lé a taa ne kəmee rəgm. Mbɔl dɔ négər lə kura ləm gə́ to njegelgodo lé Dəwje bula d’a tel to ne njégelgodoje tɔ, Mbata yeḛ a taa néra kori-korije lə dee kɔm dəa’g.

Soponi 3:17

Njesigənea̰, Ala lə sí si mbuna sí’g Yeḛ to bao-rɔ gə́ to njekaji sí, Yeḛ a kar sí toje nérɔlel ləa gə́ boo, Yeḛ a kila təa maree’g gə goo meenoji ləa, Yeḛ a kal rəa gə boo-rɔkal mbata lə sí tɔ.

Jakari 9:17

Ǝi, boo-némeemaji ləa mbata lə dee to yaa̰ ləm, kura yaa̰ ləm tɔ. Ko gə́ sigi gə mán-nduú gə́ kul lé A kar siŋga basaje gə ŋgama̰dje to ne kɔgərɔ-kɔgərɔ tɔ.

Matiyo 13:43

Ndəa neelé rɔ njémeekarabasurje a nduba raŋg-raŋg ɓeeko̰’g lə Bɔ deeje asəna gə kàr gə́ nduba rəa raŋg-raŋg bèe tɔ. Yeḛ gə́ mbia to gən mba koo ne ndá maji karee oo ne ya.

Matiyo 16:28

Ma m’ula sí təsərə, njé gə́ na̰je mbuna deḛ gə́ d’isi neelé d’a kwəi el nja ɓəi ɓa d’a koo Ŋgon-dəw ree asəna gə mbai bèe gə kəm dee.

Matiyo 18:20

Mbata loo gə́ dəwje joo əsé munda d’wa dɔ na̰ gə rim-ma ndá ma nja m’aar mbuna dee’g ya.

Matiyo 25:34

Yen ŋga, mbai a ree kula deḛ gə́ d’isi dɔ jikɔlee’g lé pana: Seḭ gə́ Bɔm tɔr ndia dɔ sí’g lé ree taaje ɓee o̰je, to ɓeeko̰ gə́ d’wa dɔ gɔlee d’wɔji ne dɔ sí ndɔ gə́ d’un kudu tum ne gin naŋg neelé ya.

Matiyo 26:28

mbata yee neelé to məsm, yee to məs manrɔ gə́ ula dɔ naŋg nee mbata lə dəwje bula-bula gə nékoga kaiyaje tɔ.

Matiyo 26:30

Loo gə́ d’ɔs pa pidi ne Ala lé mba̰ ndá d’unda loo teḛ d’isi d’aw gə́ dɔ mbal gə́ ria lə Koiyoje.

Matiyo 28:20

Ndoo deeje mba kar dee gər loo kaa dɔ néje lai gə́ m’un ndum m’ar sí lé. Aa ooje ma nja kara m’orè sə sí rəw na̰’d més saar ndɔ gə́ rudu naŋg nee a kun ɗiao.

Mark 14:25

Ma m’ula sí təsərə, m’a kai sə sí nduú gə́ togə́bè lé gogo pai el saar njena m’a kai sə sí nje gə́ sigi mee ɓeeko̰’g lə Ala lé.

Lugu 12:32

Seḭ koso-nékulje ləm, ɓəlje el, mbata Bɔ síje lé wɔji-kwɔji kar sí ɓeeko̰ lé gə meendakaḭ ya.

Lugu 15:32

nɛ ra rɔlel gə kalrɔ lə sí lé j’al lée’g ya mbata ŋgokɔḭ nee gə́ wəi lé yeḛ tel sí kəmba ləm, yeḛ ndəm igi nɛ j’iŋgá mba̰ ləm tɔ.

Tagə́maji gə́ Ja̰ ndang 15:11

Ma m’ula sí ta néje neelé gə mba kar rɔlel ləm nai ne meḛ sí’g ɓó gə kar dɔ rɔlel lə sí ɔr ne njal tɔ.

Tagə́maji gə́ Ja̰ ndang 16:22

Seḭ kara ɓasinè lé seḭ síje dan némeeko̰’g, nɛ loo gə́ m’a tel koo sí ndá rɔ sí a lel sí tɔɓəi dəw kára kara a kɔr rɔlel lə sí el tɔ.

Tagə́maji gə́ Ja̰ ndang 17:13

Nɛ ɓasinè lé m’isi m’aw gə́ rɔi’g ya ndá m’pata néje neelé dɔ naŋg nee mba kar dɔ rɔlel ləm gə́ ɔr njal lé to ne meḛ dee’g.

Néra Njékaḭkulaje 10:41

nɛ aree teḛ kəm deḛ gə́ to gə́ njékɔrgootaje ləa gə́ Ala ɔr dee kédé ɓa, to jeḛ gə́ j’usɔ səa gə j’ai səa loo gə́ yeḛ unda loo teḛ ne dan njé gə́ d’wəi’g lé.

Ǝbrəje 12:2

Ar sí j’oreeje kəm sí ndəŋ dɔ Jeju’g, yeḛ gə́ to njekunda gin meekun lə sí ləm, gə njetɔl ta meekun lə sí bém ləm tɔ. Jeju lé ula rəa ndubu kaar kag-dəs’g oo rɔkulee gə́ né el mbata yeḛ oo nérɔlel gə́ to nea̰’g kédé, tɔɓəi yeḛ aw sí par gə́ dɔkɔl lə kalimbai lə Ala.

Loo gə́ killa rea kəm Ja̰’g 14:3

Deḛ d’ɔs pa gə́ sigi no̰ kalimbai’g ləm, gə no̰ nékundaje gə́ d’aw kəmba sɔ lé ləma, gə no̰ ŋgatɔgje’g lé ləm tɔ. Dəw kára kara askəm ndoo pa neelé el, nɛ deḛ gə́ tɔl-dɔg-loo-tɔl gə dɔ dee 44 lé deḛ gə́ dɔ naŋg nee gə́ d’uga dɔ dee ɓa d’askəm ndoo pa nee ya.

Loo gə́ killa rea kəm Ja̰’g 7:17

Mbata Ŋgonbad gə́ si dan kalimbai’g lé a ko̰ dee, a kɔr no̰ dee kaw sə dee kəm-rəw-mán gə́ ula tar yal-yal. Ala a bi mán-no̰ kəm dee’g pəd-pəd tɔ.