Matiyo 26:21 - Maktub gə́ To gə Kəmee

²¹ Loo gə́ d’isi ta nésɔ’g ndá yeḛ un tapa pana: Ma m’ula sí təsərə, dəw kára mbuna sí’g a gə kun dɔm.

Matiyo 26:21 ပူးပေါင်းရင်းမြစ်များ

Matiyo 26:2

Seḭ gərje gao, nai ndɔ joo ba mba kar dee ra naḭ Pag, ndəa neelé d’a kula Ŋgon-dəw ji dee’g mba kar dee ɗaree kaar kag’d.

Matiyo 26:22

Meḛ dee aw biriri-biriri ar nana kara ḭ dəjee pana: Mbai, see’d ma ya wa.

Tagə́maji gə́ Ja̰ ndang 13:18

Ta gə́ m’pa neelé m’pa m’wɔji ne dɔ sí lai el, deḛ gə́ ma m’ɔr dee lé m’gər dee gao. Nɛ lé riri kara maji kar ta nee gə́ to mee maktub gə́ to gə kəmee lé aw lée’g béréré ya gə goo taree gə́ pana: Yeḛ gə́ njeko̰ səm muru lé ya ɓa tel ɔr gɔlee ubam ne kən

Tagə́maji gə́ Ja̰ ndang 13:21

Loo gə́ Jeju pa togə́bè mba̰ ndá mée tɔsee gə no̰ mbigi-mbigi aree ula dee pana: Ma m’ula sí təsərə, dəw kára mbuna sí’g a gə kun dɔm.

Tagə́maji gə́ Ja̰ ndang 13:22

Njékwakiláje d’aa na̰ kɔbərɔ-kɔbərɔ mbata ta gə́ yeḛ pa məg neelé deḛ gər debee gə́ yeḛ pa wɔji ne dəa lé el.

Ǝbrəje 4:13

Nékunda ləa gə́ rara kara a kiya rəa nea̰’g el, nɛ néje lai to raga ndəgəsə kəm yeḛ gə́ j’a kaar nea̰’g mba tura goo néra sí karee.

Loo gə́ killa rea kəm Ja̰’g 2:23

M’a kar ŋganee d’wəi mburug, ndá Eglisəje lai d’a koo to gə́ ma m’to nje naa meekuru lə dəwje ləm, ma m’to njenaa takə̰ji gə́ meḛ dee’g ləm tɔ ndá ma nja m’a kuga sí kára-kára lai gə goo néra sí ya.