Matiyo 26:11 - Maktub gə́ To gə Kəmee

¹¹ Mbata njéndooje lé deḛ nai sə sí gə ndɔ dee ndɔ dee, nɛ ma lé m’a si sə sí gə ndɔm-ndɔm el.

Matiyo 26:11 ပူးပေါင်းရင်းမြစ်များ

Matiyo 18:20

Mbata loo gə́ dəwje joo əsé munda d’wa dɔ na̰ gə rim-ma ndá ma nja m’aar mbuna dee’g ya.

Matiyo 26:10

Jeju oo tapa dee lé ndá ila dee keneŋ pana: See ban ɓa seḭ aarje gə dené lé gad-gad bèe wa. Né gə́ yeḛ ra lé ma m’oo gə́ né gə́ maji kəm’g ya.

Matiyo 28:20

Ndoo deeje mba kar dee gər loo kaa dɔ néje lai gə́ m’un ndum m’ar sí lé. Aa ooje ma nja kara m’orè sə sí rəw na̰’d més saar ndɔ gə́ rudu naŋg nee a kun ɗiao.

Mark 14:7

mbata njéndooje lé d’isi sə sí gə ndɔ dee ndɔ dee ya, ɓó lé seḭ ndigi raje sə dee meemaji ndá seḭ a raje sə dee ya tɔ, nɛ ma lé m’a gə si sə sí gə ndɔm-ndɔm el.

Tagə́maji gə́ Ja̰ ndang 12:8

Njéndooje lé deḛ nai sə sí gə ndɔ dee ndɔ dee nɛ ma lé m’a si sə sí gə ndɔm-ndɔm el.

Tagə́maji gə́ Ja̰ ndang 13:33

Ŋganəmje, m’a nai sə sí kurm əw bəl ya ɓəi. Seḭ a saŋgmje pir-pir nɛ to gə́ ma m’ula Jibje lé pana: D’a kaskəm kila gɔl dee loo gə́ m’a gə kaw keneŋ el lé el, yee ɓa ma m’ula sí ɓasinè tɔ.

Tagə́maji gə́ Ja̰ ndang 14:19

Waga ba bèe ndá dəwje gə́ dɔ naŋg nee d’a koom el ŋga, nɛ seḭ lé seḭ a koomje ya mbata m’isi kəmba ndá seḭ kara a sije kəmba ya tɔ.

Tagə́maji gə́ Ja̰ ndang 16:28

Ma m’ḭ rɔ Bɔ-dəwje’g m’ree naŋg nee ya, nɛ ɓasinè m’ya̰ naŋg nee m’tel m’isi m’aw gə́ rɔ Bɔ-dəwje’g lé gogo.

Tagə́maji gə́ Ja̰ ndang 16:5

Ɓasinè m’isi m’tel gə́ rɔ njekulam’g, nɛ dəw kára kara dəjim pana: See m’isi m’aw gə́ ra wa kara bèe el.

Tagə́maji gə́ Ja̰ ndang 17:11

Ɓasinè ma m’nai naŋg nee el ŋga nɛ deḛ lé deḛ nai naŋg nee ɓəi, ma lé m’isi m’aw gə́ rɔi’g. Bɔm gə́ njemeenda londoŋ, deḛ gə́ i am dee lé maji kari ŋgəm dee gə rii nja am mba kar dee to gə́ na̰’d kára ba to gə́ ma jeḛ səi bèe tɔ.

Néra Njékaḭkulaje 3:21

Yeḛ neelé a ra ɓee dara saar ndɔ gə́ d’a tel gɔl néje lai lée’g gogo gə goo ta gə́ Ala ula ta njéteggintaje’g ləa gə́ to gə kəmee lé.

Njé gə́ Galati 2:10

Ta kára ba gə́ d’ula sí lé to mba kar sí j’ar meḛ sí olé dɔ njéndooje’g j’oo ne kəmtondoo lə dee, yee ɓa m’ɔs rɔm ɓad gə mba ra ya.

Tel tura Godndu 15:11

Daŋ’dje d’a lal mee ɓee lə sí el, gelee gə́ nee ɓa m’ar sí ne godndu gə́ nee m’pana: Seḭ a kya̰je meḛ ji sí tag karje ŋgako̰ síje ləm, gə njéndooje ləma, gə daŋ’dje ləm tɔ gə́ to mee ɓee’g lə sí lé.

1 Ja̰ 3:17

Ɓó lé dəw to gə́ njenékiŋga ɓa oo ŋgokea̰ gə́ aw ndòo né ɓa un kəmee dəa’g rəw lal karee né ndá see meenoji lə Ala to mée’g loo gə́ ra’g wa.