Matiyo 25:6 - Maktub gə́ To gə Kəmee

⁶ Dan loo bab ndá ndu dəw ɓar wəl pana: Aa ooje, njedené-sigi lé si aw gə́ nee ŋga, ḭ tilaje kəmee.

Matiyo 25:6 ပူးပေါင်းရင်းမြစ်များ

Pakɔsje 96:13

No̰ Njesigənea̰’g mbata yeḛ si ree ya, Yeḛ ree gə mba gaŋg rəwta dɔ naŋg nee, Yeḛ a gaŋg rəwta gə dɔ najee dɔ naŋg nee ləm, Yeḛ a gaŋg rəwta lə dəwje gə goo meenda londoŋ ləa ləm tɔ.

Pakɔsje 98:9

No̰ Njesigənea̰’g ya, Mbata yeḛ ree gə mba gaŋg rəwta dɔ naŋg nee ya. Rəwta-gaŋg gə́ yeḛ a gaŋg dɔ dəwje gə́ dɔ naŋg neelé Yeḛ a gaŋg gə goo meekarabasur ya ləm, Ka̰ koso-dəwje lé kara Yeḛ a gaŋg gə dɔ najee ya ləm tɔ.

Esai 25:9

Mee ndəa’g neelé d’a pana: Aa ooje, yeḛ nja ɓa to Ala lə sí Gə́ jeḛ j’ɔm meḛ sí dəa’g, Yeḛ nja ɓa aji sí, Njesigənea̰ ɓa jeḛ j’ɔm meḛ sí dəa’g ya, Ar sí j’isije dan boo-rɔkal’g J’alje ne rɔ sí gin kaji’g ləa!

Amɔs 4:12

Gelee gə́ nee ɓa, seḭ Israɛlje lé, N’a gə ra sə sí né gə́ bèe ya, Bèe ndá ɓó lé n’a gə ra sə sí né gə́ bèe Ndá əi Israɛlje, maji kar sí waje dɔ gɔl rɔ sí, Gə mba teḛje kaarje no̰ Ala’g lə sí ya.

Matiyo 24:31

Yeḛ a kula kuraje ləa gə́ dara kar dee d’im to̰to̰ gə́ a ɓar kɔr loo lɔi-lɔi ndá yeḛ a mbo̰ dəwje ləa gə́ yeḛ unda dee gə kəmee doi bər gə dɔ-gó ləm, dɔkɔl gə dɔgel ləm tɔ mba mbo̰ dee dɔ na̰’d loo kára ba.

Matiyo 24:44

Togə́bè ɓa seḭje kara waje dɔ gɔl rɔ sí kir-kir tɔ mbata Ŋgon-dəw lé a ree dɔ kàr gə́ seḭ ə̰jije lé el.

Matiyo 25:1

Ɓeeko̰ gə́ dara lé to asəna kára ba gə ŋgama̰dje gə́ dɔg gə́ d’odo néndogóje lə dee teḛ d’aw gə mba tila kəm njedené-sigi.

Matiyo 25:31

Loo gə́ Ŋgon-dəw a gə ree dan rɔnduba’g ləa gə kuraje gə́ dara lé ndá yeḛ a kuba dɔ kalimbai rɔnduba’g ləa lé ndoi si keneŋ.

Matiyo 25:5

Loo gə́ njedené-sigi lé ree dəb el ɓəi ndá deḛ ləŋg ɓi jogè-jogè saar tel toɓi pərəg.

Matiyo 25:7

Yen ŋga deḛ ŋgama̰dje neelé d’ḭta gɔl néndogóje lə dee.

Lugu 12:20

Nɛ Ala ulá pana: I mbə-dəw, mee til’g nee ya d’a ree kuba kankəmrɔi kwa, ŋga néje ləi lai gə́ i wa dɔ gɔl dee jəb-jəb mba̰ lé see d’a tel to ka̰ nawa.

Lugu 12:46

ndá mbai lə kura neelé a ree mee ndəa əsé gə kàree gə́ yeḛ si go̰ lé el ndá a kur dəa’g kundá gə ndəi gaŋg rəa təgərə-təgərə ləm, a karee si gə njékaltaje na̰’d ləm tɔ.

1 Njé gə́ Tesalonikə 4:16

Mbata Mbaidɔmbaije nja ɓa a kwɔji lé ndá ndu ka̰ mbai lə kuraje gə́ dara a ɓar wəl ləm, ndu to̰to̰ lə Ala a ɓar kɔr loo lɔi-lɔi ləm tɔ ndá yeḛ a kḭ dara gə mba ree ŋga. Deḛ gə́ d’wəi gin Kristi’g lé d’a kunda loo teḛ kédé.

2 Piɛrə 3:10

Ndɔ lə Mbaidɔmbaije lé a teḛ asəna gə njeɓogo, ndəa lé néje gə́ pən dara’g d’a kaw dɔ na̰’g wur-wur ləm, néje gə́ keneŋ d’a ndiri bura ya njigi-njigi kar pər o̰ deḛ lai ləma, naŋg nee gə kula reaje lai gə́ to keneŋ lé kara d’a roo dula-dula ləm tɔ.

Loo gə́ killa rea kəm Ja̰’g 16:15

Aa ooje, m’a gə teḛ dɔ sí’g asəna gə njeɓogo gə́ teḛ wai bèe. Yeḛ gə́ si kəmba gə si gə kubu rəa’g ɓó aw gə kudee dum ba ar dee d’oo rɔkul ləa el ndá rəa a lelee yaa̰.