Matiyo 25:5 - Maktub gə́ To gə Kəmee

⁵ Loo gə́ njedené-sigi lé ree dəb el ɓəi ndá deḛ ləŋg ɓi jogè-jogè saar tel toɓi pərəg.

Matiyo 25:5 ပူးပေါင်းရင်းမြစ်များ

Pa gə́ ur dɔ paje 3:1

Dɔ tira-tom’g loondul’g lé Ma m’saŋg yeḛ gə́ m’ndigee Gə ŋgaw məəm bura Ma m’saŋgee nɛ m’iŋgá el.

Pa gə́ ur dɔ paje 5:2

Ma m’toɓi nɛ məəm to kəmba ... Ndu yeḛ gə́ m’undá dan kəm’d Gə́ unda tarəw lé ɓa ɓar. Kɔnanəm, i gə́ m’undai dan kəm’g lé Maji kari ɔr rəw am, Dərnda ləm, njema̰də dum ləm! Mbata tàl wa dɔm ləm, Ndi gə́ yəm loondul’g lé wa yiŋga dɔm ləm tɔ.

Pa gə́ ur dɔ paje 5:3

Ma m’ɔr kubu ləm gə́ boi yul m’ila naŋg mba̰ See m’a tel kula rɔm’g to gə́ ban wa, Ma m’togo kor gɔlm’g mba̰ See m’a tel karee wa yiro to gə́ ban wa.

Habakuk 2:3

Mbata ndərta neelé ta gə́ wɔji ndəa to njaŋg mba̰. Ta neelé aw gə́ loo tɔl ŋgaŋgee’g ya ndá Taŋgɔm a godo keneŋ, Ɓó lé yee tila gə́ tila ɓəi kara maji kam ŋgina ya Mbata yee a kaw lée’g ya, A kaw lée’g béréré tɔgərɔ ya.

Matiyo 24:48

Nɛ ɓó lé kura neelé to njeyèr gə́ ə̰ji ta mée’g pana: Mbai lə neḛ a ree dəb el ɓəi,

Matiyo 25:19

Kuree əw yaa̰ mba̰ ndá mbai lé tel ree un kudu tura sə dee goo lar ləa lé ŋga.

Matiyo 25:4

Deḛ gə́ njékəmkàrje neelé d’odo néndogóje lə dee ji dee’g gə ku-ubee na̰’d kérég.

Matiyo 25:6

Dan loo bab ndá ndu dəw ɓar wəl pana: Aa ooje, njedené-sigi lé si aw gə́ nee ŋga, ḭ tilaje kəmee.

Matiyo 26:40

Tɔɓəi yeḛ tel ree rɔ njékwakiláje’g ndá iŋga dee nɛ d’unda naŋg gə ɓi ndələŋ, yeḛ dəji Piɛrə pana: See seḭ asjekəm sije kəmba ŋginamje waga ɓa el wa.

Matiyo 26:43

Yeḛ tel ree tɔɓəi ndá iŋga dee dɔ ɓi’g ya ɓəi mbata ɓi tɔ kəm dee jo̰dɔrɔ-jo̰dɔrɔ.

Lugu 1:21

Koso-dəwje neelé d’isi ŋgina Jakari, kaar dee wa dee paḭ mbata kaw gə́ yeḛ aw mee kəi-Ala’g lé yeḛ uru keneŋ mbidi teḛ dəb el.

Lugu 12:45

Nɛ ɓó lé kura neelé ə̰ji ta mée’g pana, Mbai lə neḛ a ree dəb el ɓəi, ɓó lé yeḛ ḭ bigim ur dɔ kuraje gə́ diŋgam gə njé gə́ dené ɓa un kudu kunda dee ləm, sɔ né gə́ ai kido aree tɔlee ləm tɔ

Lugu 18:8

Ma m’ula sí təsərə yeḛ a kḭ kalaŋ ra rəwta lə dee gə tɔgee ya. Nɛ see loo gə́ Ŋgon-dəw a gə ree lé see a kiŋga njémeekunje gə́ dɔ naŋg neelé nja to wa.

Lugu 20:9

Jeju un gosota nee si ndoo koso-dəwje pana: Dəw kára bèe wa ndɔ ma̰a nduú keneŋ, ɓa yeḛ wa ndɔ-nduú lé ula ji njéndəaje’g, ɔd par aw uru ɓee gə́ raŋg’d si keneŋ kuree əw.

Njé gə́ Rɔmə 13:11

Maji kar sí raje togə́bè mbata seḭ gərje mee ndəa gə́ j’isi keneŋ neelé gao: kàr kar sí ndelje dɔ ɓi’g lé teḛ mba̰ mbata ɓasinè j’unda dɔ kaji dəb unda nje gə́ kédé ndɔ kun meḛ sí lé.

Njé gə́ Epesə 5:14

Gelee gə́ nee ɓa, yeḛ pa ne pana: I gə́ toɓi lé teḛ kəmi, Unda loo teḛ dan njé gə́ d’wəi’g Ndá Kristi a ndogó nɔḭ’g.

1 Piɛrə 5:8

Undaje kəmkàr dɔ rɔ sí’g, raje kəm sí ra ka. Mbata njekurai gə́ to njeba̰ lə sí lé aḭ dɔ sí kɔr-kɔr asəna gə toboḭ gə́ aḭ dɔ loo mba kuba né kwa kinja miḭ dɔ’g hər-hər lé tɔ.

Loo gə́ killa rea kəm Ja̰’g 2:25

Nɛ dɔgea̰ gə́ nai gə́ seḭ iŋgaje lé waje kɔgərɔ saar m’a ree keneŋ ɓəi.