Matiyo 25:41 - Maktub gə́ To gə Kəmee

⁴¹ Gée gə́ gogo yeḛ a kula deḛ gə́ d’isi dɔ jigelee’g pana: Ɔdje tam’g gə́ gogo, seḭ gə́ ndɔl wa dɔ sí lé, ɔdje gə́ dan pər gə́ si o̰ bilim-bilim’g gə no̰ gə́ d’wa dɔ gɔlee d’wɔji ne dɔ njekurai gə kuraje ləa lé.

Matiyo 25:41 ပူးပေါင်းရင်းမြစ်များ

Pakɔsje 119:115

Seḭ njémeeyèrje lé ɔdje tam’d gə́ raŋg, Gə mba kam m’aa ne dɔ godnduje lə Ala ləm kər-kər.

Pakɔsje 119:21

I ḭ gə njébeeleje, Deḛ gə́ ndɔl wa dɔ dee ləm, Deḛ gə́ ndəm dɔ godnduije’g lé ləm tɔ.

Pakɔsje 139:19

Ǝi Ala, maji kari ar njémeeyèrje d’udu bo̰! Seḭ diŋgamje gə́ njékilaməsje lé Maji kar sí saaje rɔ sí rɔm’d gə́ raŋg.

Pakɔsje 6:8

Kəm wa kor kor-kor Mbata nékəmndoo gə́ ram lé, Deḛ lai gə́ d’ula kəm ndòo lé D’ar kəm ɔm ne kúla mbao-mbao ya.

Esai 66:24

Loo gə́ d’a kunda loo teḛ raga ndá D’a koo nin dəwje gə́ to njékalta kɔs ne ta ləm rəwje, Mbata kuruje gə́ njésɔ deeje lé D’a kwəi nda̰ el ləm, Pər gə́ njeko̰ dee lé kara A kwəi nda̰ el ləm tɔ. Dəwje lai d’a koo dee gə́ né gə́ to ɓəl Gə́ to kḛji kəm dee’g ya.

Jeremi 17:5

Njesigənea̰ pa togə́bè pana: Ndɔl wa dɔ dəw gə́ ɔm mée dɔ dəw maree’g ləm, Gə oo dəw ɓa gə́ négəd-rɔ ləa ləma, Gə ar mée tel ne gir gə Njesigənea̰ ləm tɔ.

Matiyo 13:40

To gə́ deḛ tɔr haowa d’ɔm pər’d lé ndɔ gə́ rudu naŋg nee a kun ɗiao lé kara d’a ra togə́bè tɔ.

Matiyo 13:42

D’a kɔm dee dan pər gə́ kṵjee teḛ gi-gi’g, to loo gə́ d’a no̰ kar mán kəm dee wa dee jiim-jiim keneŋ ləm, d’a sɔ ŋgaŋ dee keneŋ pəgərə-pəgərə ləm tɔ.

Matiyo 13:50

D’a kɔm njémeeyèrje dan pər gə́ kṵjee teḛ bilim-bilim ləm, d’a no̰ kar mán kəm dee wa dee jiim-jiim ləma, d’a sɔ ŋgaŋ dee keneŋ pəgərə-pəgərə ləm tɔ.

Matiyo 18:8

Ɓó lé jii əsé gɔli ɓa odi loo-kaiya’g kɔrəm ndá inja badə gaŋg unda piriŋ ila kɔ, aw gə jii dum əsé məd-dəw gə́ loo gə́ a si gə kəmə keneŋ lé maji unda kaw gə jii bɔr əsé gɔli bɔr kar dee d’wai d’ilai dan pər gə́ a ko̰ bilim-bilim gə no̰ lé.

Matiyo 25:42

Mbata ɓó tɔlm né seḭ amje nékusɔ m’usɔ el, kunda tɔlm kara seḭ amje mán m’ai el,

Matiyo 25:46

Deḛje neelé d’a kɔd kaw loo gə́ bo̰ néra dee a kɔs ta dee’g keneŋ gə no̰ nɛ njémeekarabasurje lé d’a kɔd kaw si loo-sikəmba’g lə dee gə no̰ tɔ.

Matiyo 3:12

Nékwayiŋga dɔ kó ləa to jia’g. Yeḛ a kwa ne yiŋga dɔ kó loo-kunda-kó’g ləa nɛ yeḛ a mbo̰ kandə kó ləa kɔm dàmá ndá yeḛ a roo yiŋga dəa gə pər gə́ a kwəi nda̰ el lé tɔ.

Matiyo 4:10

Yen ŋga Jeju ulá pana: Njekurai, ɔd tam’g gə gogo mbata deḛ ndaŋg mee maktub’g pana: Mbaidɔmbaije Ala ləi lé yeḛ ya kára ba ɓa i a kunda barmba nea̰’g ləm, yeḛ nja kára ba kiao ɓa i a ra né karee ləm tɔ.

Matiyo 5:22

Nɛ ma nja m’ula sí woḭ, nana ɓa gə́ ra meeko̰ dɔ ŋgokea̰’g ndá d’a koso səa loo-gaŋg-rəwta’g ya. Yeḛ gə́ taji ŋgokea̰ ɓaree mbə lé ndá d’a koso səa loo-gaŋg-rəwta lə Jibje. Yeḛ gə́ ɓar ŋgokea̰ kɔr ndá pər gehene’g ɓa gə́ bo̰ nérea gə́ a kɔs təa’g.

Matiyo 7:23

Yen ŋga m’a kula dee kəm dəwje’g təsərə pana: Ɔdje tam’g gə́ raŋg, seḭ lai gə́ toje njéra némajelje lé, kəm kara m’ila dɔ sí’g ndɔ kára bèe el.

Lugu 13:27

Yeḛ a kila sí keneŋ pana, ma m’ula sí təsərə, ma m’gər loo gə́ ḭje keneŋ el. Seḭ njéra némajelje lai lé ɔdje ne tam’g gə́ gogo.

Lugu 16:24

Yeḛ ula təa no̰’g wəl pana: Bɔm Abrakam, oo kəmtondoo ləm ya kari ndá ula Lajarə aree ula ŋgaw jia mán’g ree ɔs ndɔm’g aree kul ne bəl lɔm, mbata pər ulam ndubu yaa̰.

Tagə́maji gə́ Ja̰ ndang 8:44

Bausi-seḭje lé nja gə́ njekurai lé ndá né gə́ bɔ síje wɔji ɓa seḭ ndigi raje tɔlje bém. Yeḛ to njetɔ-kó-dəwje kédé gə́ dɔtar saar ɓó yeḛ wa ne bua gə kankəmta el mbata kankəmta gə́ tḛ́-tḛ́ bèe kara godo mée’g. Loo gə́ yeḛ pa taŋgɔm lé yeḛ pata gə́ wɔji dəa-yeḛ mbata taŋgɔm ɓa gə́ né gelee ya. Yeḛ to njepa taŋgɔm ləm, yeḛ to darɔ bɔ njéŋgɔmje lé ləm tɔ.

2 Njé gə́ Tesalonikə 1:7

a kar sí-seḭ gə́ d’ula kəm sí ndòo lé a kwaje rɔ sí sə sí na̰’d loo gə́ Mbaidɔmbaije Jeju a kḭ dara ree gə kuraje ləa gə́ njésiŋgamoŋje lé ləm tɔ.

2 Njé gə́ Tesalonikə 1:9

Bo̰ néra dee a kɔs ta dee’g loo gə́ d’a tuji keneŋ gə no̰ ləm, d’a si ŋgərəŋ ɓó d’a si no̰ Mbaidɔmbaije’g dəb el ləma, siŋgamoŋ ləa a nduba dɔ dee’g el ləm tɔ.

Ǝbrəje 6:8

Nɛ ɓó lé naŋg a kinja gə kun əsé kiro ndá yeḛ a rəm gə ndia dəa’g mba manee ne ləm, a to gə́ né gə́ ka̰ roo ləm tɔ.

2 Piɛrə 2:4

Mbata ɓó lé kuraje gə́ dara gə́ ra kaiya lé Ala ɔm dee’g el, nɛ yeḛ wa dee ɓugu dee mee bwa-wəl gə́ ndul ndiŋ-ndiŋ gə́ suna godo’g ŋgina ne ndɔ gaŋg rəwta gə́ d’a gə gaŋg dɔ dee’g lé,

1 Ja̰ 3:10

Yee neelé ɓa d’a gər ne ŋgan-Alaje gə ka̰ njekurai lé tɔ. Nana ɓa gə́ ra né gə́ lal najee ndá yeḛ to gə́ ka̰ Ala el, yeḛ gə́ lal kunda ŋgokea̰ dan kəmee’g ndá kara yeḛ to gə́ ka̰ Ala el tɔ.