Matiyo 25:40 - Maktub gə́ To gə Kəmee

⁴⁰ Mbai lé a tel kila dee keneŋ pana: Ma m’ula sí təsərə, loo gə́ rara gə́ seḭ raje néje gə́ togə́bè keneŋ gə dəw kára gə́ nai gɔ mbuna ŋgakɔmje’g neelé ndá ma nja raje səm kən tɔ.

Matiyo 25:40 ပူးပေါင်းရင်းမြစ်များ

2 Samel 9:1

Dabid pana: See dəw kára mbuna njémeekəije’g lə Sawul nai gə mba kam m’ra səa meemaji mbata lə Jonatan ya el wa.

2 Samel 9:7

Dabid ulá pana: Maji kari ɓəl el mbata ma m’ndigi ra səi meemaji mbata Jonatan gə́ bɔbije lé ya. M’a kari dɔ naŋgje lai gə́ to ka̰ kaije Sawul ləm, tɔɓəi i a sɔ né səm na̰’d ta-ta ləm tɔ.

2 Mbaije 4:10

Ar sí n’raje ŋgon kəi bɔrɔ dɔ maree’g ndá ar sí j’urje tira keneŋ ləm, j’undaje tabul, gə kali, gə néndogó keneŋ ləm tɔ j’areeje, mba kar loo gə́ yeḛ teḛ rɔ sí’g ndá yeḛ a kwa rəa keneŋ.

Gosota-Kəmkàrje 14:31

Yeḛ gə́ ra né gə́ kədərə gə njéndooje lé Ila rɔkul-boo dɔ njekunda dee’g, Nɛ yeḛ gə́ oo kəmtondoo lə njendoo lé Ila riɓar dəa’g.

Gosota-Kəmkàrje 19:17

Yeḛ gə́ oo kəmtondoo lə njendoo lé To asəna gə yeḛ gə́ ar Njesigənea̰ tona né Ndá yeḛ nja a kuga ɓaŋgee gə goo néreaje.

Jeremi 39:17

Njesigənea̰ pana: Nɛ mee ndəa’g neelé m’a kɔri kilai tar ndá i a tel koso meḛ ji dəwje gə́ i ɓəl dee’g lé el.

Matiyo 10:40

Yeḛ gə́ wa sí gə́ rəa’g ndá yeḛ kara wam gə́ rəa’g ya ləm, yeḛ gə́ njekwam gə́ rəa’g kara wa dəw gə́ njekulam gə́ rəa’g ya ləm tɔ.

Matiyo 10:42

Nana ɓa gə́ a kun ŋgo-kai-mán gə́ kul kar dəw kára mbuna ŋganəmje’g neelé mbata yeḛ to njekwakilam ndá ma m’ula sí təsərə, debee neelé nékiŋga gə́ wɔji dəa ndá a lal nda̰ bèe el.

Matiyo 18:10

Meḛ sí dɔ rɔ sí’g nà seḭ a kulaje sul dɔ ŋgon kára gə́ mbuna mareeje’g neelé mbata ma m’ula sí təsərə, kuraje lə dee gə́ dara d’aar nderəm ta Bɔm gə́ si dara lé.

Matiyo 25:34

Yen ŋga, mbai a ree kula deḛ gə́ d’isi dɔ jikɔlee’g lé pana: Seḭ gə́ Bɔm tɔr ndia dɔ sí’g lé ree taaje ɓee o̰je, to ɓeeko̰ gə́ d’wa dɔ gɔlee d’wɔji ne dɔ sí ndɔ gə́ d’un kudu tum ne gin naŋg neelé ya.

Matiyo 25:39

See loo gə́ ra ɓa jeḛ j’ooi loo koso gə rɔko̰ əsé loo-si daŋgai’g ləi ɓa j’ila kəm sí dɔi’g keneŋ wa.

Matiyo 25:45

Yeḛ a tel kila dee keneŋ pana: Ma m’ula sí təsərə, loo gə́ seḭ lal raje néje neelé gə yeḛ gə́ kára gə́ nai gɔ mbuna ŋgakɔmje’g neelé ndá to ma nja seḭ lalje raje səm kən tɔ.

Matiyo 28:10

Togə́bè Jeju ula dee pana: Ɓəlje el, aw ulaje ŋgakɔmje ar deeje d’aw Galile ɓa d’a kila kəm dee dɔm’g keneŋ ɓəi.

Mark 9:41

Tɔgərɔ ya, nana ɓa gə́ ar sí mán mee ŋgo-dɔ-mán gə rim mbata seḭ toje ka̰ Kristi lé ndá njea neelé a lal nékoga-dɔ-jia pai godo.

Lugu 19:38

Deḛ pana: Maji kar dɔkaisəgərə nai gə mbai gə́ ree gə ri Mbaidɔmbaije. Maji kar meekulɔm nai gə deḛ gə́ d’isi mee dara’g ləm, maji kula rɔnduba dɔ Ala’g ləm tɔ.

Tagə́maji gə́ Ja̰ ndang 20:17

Jeju tel ilá keneŋ pana: Ɔrɔ rɔm el, mbata m’ḭ m’aw rɔ Bɔm’g el ɓəi. Nɛ ɔd aw iŋga ŋgabɔmje ula dee: M’isi m’aw gə́ rɔ Bɔm gə́ to Bɔ síje lé ləm, m’isi m’aw gə́ rɔ Ala’g lé ləm gə́ to Ala lé lə sí ləm tɔ.

Njé gə́ Rɔmə 8:29

Mbata deḛ gə́ yeḛ ɔr dee unda dee gə kəmee kédé lé yeḛ nja wɔji dee mée’g tɔ gə mba kar dee d’ɔr ne rɔ Ŋgonee pai-pai, ɓó gə mba kar Ŋgonee lé to gə́ ŋgondəree mbuna ŋgako̰ na̰je’g bula.

2 Njé gə́ Kɔrḭtə 4:5

Jeḛ lé j’ɔr ta gə́ wɔji dɔ rɔ síjeḛ ba el, nɛ jeḛ j’ɔr ta gə́ wɔji dɔ Jeju Kristi, Mbaidɔmbaije lé ləm, j’wa rɔ sí gə́ kuraje lə sí-seḭ gə mbata lə Jeju lé ləm tɔ.

Njé gə́ Galati 5:13

Ŋgakɔmje, deḛ ɓar sí loo ŋgonkoji’g, nɛ loo ŋgonkoji gə́ seḭ sije keneŋ lé maji kar sí raje goso keneŋ mba ra né gə́ ka̰ darɔ ɓa el. Nɛ waje noji gə na̰ mba toje ne kuraje lə na̰.

Njé gə́ Galati 5:22

Nɛ kandə né gə́ ka̰ Ndil lé ɓa to nee ya: Meenoji ləm, gə rɔlel ləm, gə meekulɔm ləm, gə meekai sam-sam ləm, gə to gə́ dəw-noji ləm, gə meemaji ləm, gə to gə́ ŋgonkoji ləm, gə kaw yururu ləma, gə kunda-kəmkàr-dɔ-rɔ’g ləm tɔ lé

Njé gə́ Galati 5:6

Mbata deḛ gə́ d’ɔm gə Kristi na̰’d yəg lé kinja tamɔd əsé kinja tamɔd el kara to né el, nɛ meekun lé gə́ meenoji ɔs ginee ɓɔḭ-ɓɔḭ lé yee ɓa gə́ kankəm né ya.

Njé gə́ Epesə 5:30

mbata jeḛ lé n’to barkəmrea ya.

Ǝbrəje 6:10

Mbata Ala lé to njera né gə́ lal najee el, mée a kwəi dɔ kula ra sí gə́ seḭ raje areeje lé el ləm, gə dɔ ɓar gə́ seḭ arje ria ɓar ne wəl-wəl el ləma, gə dɔ nojimeenda gə́ seḭ waje gə deḛ gə́ to gə kəmee bur-bur kédé lé saar ɓasinè el ləm tɔ.

1 Piɛrə 1:22

Togə́bè ɓa, seḭ gə́ ilaje koji dɔ kankəmta’g lé rɔ sí àr ne raŋg-raŋg, bèe ndá maji kar sí undaje na̰ dan kəm na̰’d ndigije na̰ gə meekɔr jol-jol.

1 Ja̰ 4:20

Ɓó lé dəw kára pana: Neḛ n’unda Ala dan kəm neḛ’g, nɛ yeḛ wa ŋgokea̰ gə mée ndá yeḛ to gə́ njeŋgɔm. Mbata ŋgokea̰ gə́ yeḛ ée gə kəmee ɓa yeḛ unda dan kəmee’g el, nɛ ɓəd ɓa see Ala gə́ yeḛ ée gə kəmee el ɓa a kundá dan kəmee’g loo gə́ ra’g wa.

Loo gə́ killa rea kəm Ja̰’g 17:14

D’a rɔ gə Ŋgonbad lé nɛ Ŋgonbad lé a dum dee mbata yeḛ to Mbaidɔmbaije ləm, yeḛ to Mbai gə́ ur dɔ mbai mareeje’g ləm tɔ ndá deḛ gə́ yeḛ ɓar dee ləm, yeḛ ɔr dee unda dee gə kəmee ləma, deḛ to ŋgankojije gə́ nai səa ləm tɔ lé deḛ nja d’a dum dee ya tɔ.

Loo gə́ killa rea kəm Ja̰’g 19:16

Ri dəw ɓa ndaŋg kubu’g ləa ləm, gə biŋgee’g ləm tɔ pana: Mbai gə́ ur dɔ mbai mareeje’g ləm, gə Mbaidɔmbaije ya ləm tɔ.