Matiyo 25:34 - Maktub gə́ To gə Kəmee

³⁴ Yen ŋga, mbai a ree kula deḛ gə́ d’isi dɔ jikɔlee’g lé pana: Seḭ gə́ Bɔm tɔr ndia dɔ sí’g lé ree taaje ɓee o̰je, to ɓeeko̰ gə́ d’wa dɔ gɔlee d’wɔji ne dɔ sí ndɔ gə́ d’un kudu tum ne gin naŋg neelé ya.

Matiyo 25:34 ပူးပေါင်းရင်းမြစ်များ

Pakɔsje 2:6

Yeḛ pana: Yeḛ gə́ n’undá gə́ mbai lé Neḛ nja n’wa dəa gə ubu. Dɔ mbal’g lə neḛ gə́ Sio̰ gə́ to gə kəmee doi!

Gosota-Kəmkàrje 11:17

Dəw gə́ njemeemaji lé Ra gə rəa-yeḛ ya meemaji, Nɛ dəw gə́ njera né gə́ bɔsɔsɔ lé Ula kəm rəa-yeḛ ya ndòo.

Esai 33:22

Mbata Njesigənea̰ lé to njégaŋ-rəwtaje lə sí ləm, Njesigənea̰ lé to njekar sí godndu ləm, Njesigənea̰ to mbai lə sí ləma, Yeḛ nja ɓa gə́ njekaji sí ləm tɔ.

Esai 6:5

Yen ŋga m’ula m’pana: Meeko̰ oso dɔm’g! Ma m’tuji mba̰ mbata m’to dəw gə́ tapam majel ləm, m’isi mbuna dəwje gə́ tapa dee majel’g ləm tɔ. Nɛ kəm oo Mbai gə́ to Njesigənea̰ gə́ njeboo-néje ya.

Esai 9:7

Mbaidɔmbaije ula gə ta ar Jakob, Ta neelé oso dɔ ŋgaka Israɛlje’g.

Loo gə́ killa rea kəm Daniel’g 9:25

Bèe ndá i lé maji kari oo ta nee maji ləm, oo ginee njai ləm tɔ! Un kudee mee ndəa gə́ d’ila mber ta gə́ wɔji dɔ Jerusalem to gə́ d’a gə gɔlee gogo saar teḛ ne ndəa’g lə yeḛ gə́ deḛ tər ubu dəa’g gə́ to Njékɔrno̰ dee lé, mee ndəaje gə́ siri-siri d’a kas siri. Mee ndəaje gə́ siri-siri gɔl rɔ-misa̰-giree-joo lé d’a gɔl ndaa-looje gə bwaje gogo nɛ loo a moŋg kaŋ.

Soponi 3:15

Njesigənea̰ ya̰ goo bo̰ néra sí Gə́ yeḛ wɔji mba karee ɔs ta sí’g ləm, Yeḛ ɔs njeba̰ lə sí rɔ sí’g rəw gə́ raŋg ləm tɔ, Mbai gə́ Israɛl gə́ to Njesigənea̰ lé Si mbuna sí’g ya, Seḭ a ɓəlje némeeko̰ gə́ a teḛ dɔ sí’g nda̰ el.

Matiyo 13:35

gə mba tɔl ne ta gə́ njéteggintaje pa kédé lé pana: M’a teḛ tam mba pa ne gosotaje ləm, M’a kila mber ta néje gə́ to loo-kiya’g Ndɔ tum gin naŋg nee saar ɓasinè tɔ.

Matiyo 19:29

Nana ɓa gə́ ya̰ ŋgakea̰je gə diŋgam əsé njé gə́ dené əsé bɔbeeje əsé kea̰je əsé dené ləa əsé ŋganeeje əsé loo-ndɔ ləa əsé kəije ləa gə mba rim-ma ndá a kiŋga dee gogo dɔ maree’g loo tɔl-tɔl ya ɓəi ləm, kəmə gə́ gə no̰ lé a kwa gə́ nékwanduba ləa ya ləm tɔ.

Matiyo 20:23

Jeju tel ila dee keneŋ pana: To tɔgərɔ ya, né gə́ mee ŋgo-kai-mán’g ləm lé seḭ a kaije ya nɛ ka̰ si dɔ jikɔlm’g gə dɔ jigelm’g lé ma ɓa gə́ njekar dəw el. Deḛ gə́ Bɔm nja wa dɔ gɔlee ar dee ɓa d’a kiŋga ɓəi.

Matiyo 21:5

Maji kar sí ulaje koso-dəwje gə́ Sio̰ pajena: Aa ooje, mbai lə sí si aw gə́ rɔ sí’g nee, Yeḛ to dəw gə́ kul yururu, uba dɔ mulayḛ̀je gao si’g. To ŋgon mulayḛ̀je gə́ aḭ goo kea̰je gə́ yeḛ uba lé.

Matiyo 25:21

Mbai ləa tel ulá pana: Maji ya, i to kura gə́ gəd gə́ majikoji ya. Né gə́ lam ba ya gə́ to jii’g nɛ i ila ne koji dɔm’g ndá ɓasinè m’a kɔm né yaa̰ jii’g ŋga. Ɔd ree uru dan rɔlel’g lə ɓéije ya.

Matiyo 25:23

Mbai ləa tel ulá pana, Maji ya, i to kura gə́ gəd gə́ to majikoji ya. Né gə́ lam ba ya gə́ to jii’g nɛ i ila ne koji dɔm’g ndá ɓasinè m’a kɔm né yaa̰ jii’g ŋga. Ɔd ree uru dan rɔlel’g lə ɓéije ya.

Matiyo 25:40

Mbai lé a tel kila dee keneŋ pana: Ma m’ula sí təsərə, loo gə́ rara gə́ seḭ raje néje gə́ togə́bè keneŋ gə dəw kára gə́ nai gɔ mbuna ŋgakɔmje’g neelé ndá ma nja raje səm kən tɔ.

Matiyo 25:41

Gée gə́ gogo yeḛ a kula deḛ gə́ d’isi dɔ jigelee’g pana: Ɔdje tam’g gə́ gogo, seḭ gə́ ndɔl wa dɔ sí lé, ɔdje gə́ dan pər gə́ si o̰ bilim-bilim’g gə no̰ gə́ d’wa dɔ gɔlee d’wɔji ne dɔ njekurai gə kuraje ləa lé.

Matiyo 27:37

Deḛ ndaŋg ta loo gə́ dəa gə́ tar mba kɔr ne ta gə́ d’ila dəa’g tɔlee ne lé pana: Aa ooje, yeḛ gə́ neelé to Jeju, mbai lə Jibje ŋga.

Matiyo 3:2

Maji kar sí waje ndòo rɔ sí dɔ kaiya’g lə sí mbata ɓeeko̰ gə́ dara lé nai dəb ba ŋga.

Matiyo 5:19

Yeḛ gə́ al dɔ godndu gə́ tḛ́-tḛ́ bèe, əsé ndoo mareeje gə mba ra togə́bè kara debee neelé d’a kée gə́ dəw gə́ əḭ el ɓeeko̰ gə́ dara ya. Nɛ dəw gə́ aa dɔ godndu neelé kər-kər ləm, gə ndoo mareeje gə mba kar dee ra togə́bè ləm tɔ ndá debee neelé d’a riba dəa təsərə gə́ dəw gə́ boo ɓeeko̰ gə́ dara lé tɔ.

Mark 10:17

To gə́ Jeju oso rəbə si aw ndá dəw kára aiŋgwɔd aw iŋgá rəm ɔs no̰ kəjee naŋg nea̰’g dəjee pana: Mbai gə́ maji, see ɗi ɓa m’a ra mba si ne gə kəmə gə́ gə no̰ lé wa.

Mark 10:40

Nɛ ka̰ si dɔ jikɔlm’g gə dɔ jigelm’g ɓa yḛ̀, ma ɓa gə́ njekwɔji rəbee el. Loo neelé d’unda gə kəmee d’wɔji ne dɔ deḛ gə́ d’a gə kiŋga lé ya.

Lugu 11:28

Nɛ Jeju tel ilá keneŋ pana: Deḛ gə́ d’oo ta lə Ala gə́ d’aa dəa kər-kər lé ɓa rɔlel lə dee a kal dɔ yeḛ gə́ nee ɓəi.

Lugu 11:50

Bèe ɓa məs njéteggintaje lai gə́ ula dɔ naŋg nee un kudee ndɔ tum gin naŋg nee ləm,

Lugu 12:32

Seḭ koso-nékulje ləm, ɓəlje el, mbata Bɔ síje lé wɔji-kwɔji kar sí ɓeeko̰ lé gə meendakaḭ ya.

Lugu 19:38

Deḛ pana: Maji kar dɔkaisəgərə nai gə mbai gə́ ree gə ri Mbaidɔmbaije. Maji kar meekulɔm nai gə deḛ gə́ d’isi mee dara’g ləm, maji kula rɔnduba dɔ Ala’g ləm tɔ.

Tagə́maji gə́ Ja̰ ndang 1:49

Natanaɛl tel ilá keneŋ pana: Rabi, i lé to Ŋgon-Ala nja, i to mbai lə Israɛlje nja tɔ.

Tagə́maji gə́ Ja̰ ndang 12:13

ndá deḛ ti kam marje ji dee’g d’ɔr ne nea̰. Deḛ ra né u-u-u pana: Hosana! Maji kar dɔkaisəgərə nai gə yeḛ gə́ ree gə ri Mbaidɔmbaije gə́ to mbai dɔ Israɛlje lé.

Tagə́maji gə́ Ja̰ ndang 17:24

Bɔm, loo gə́ m’a si keneŋ lé ma m’ndigi kar deḛ gə́ i am dee lé d’isi səm keneŋ to mba kar dee d’oo ne rɔnduba ləm, to rɔnduba gə́ i ula dɔm’g mbata i undam dan kəmi’g kédé par-par ɓa i tum gin naŋg nee ɓəi.

Tagə́maji gə́ Ja̰ ndang 19:15

Nɛ deḛ ra né u-u-u pana: Ɔd səa aw ɗaree gə́ ɗar ya! Pilatə dəji dee pana: See mbai lə sí lé nja m’a ɗaree wa. Mbai dɔ njékinjanéməsje-je d’ilá keneŋ pana: Sesar ya gə́ mbai lə sí ɓó mbai lə sí gə́ gə́ raŋg godo ŋga.

Néra Njékaḭkulaje 15:18

Mbaidɔmbaije gə́ njegɔl néje neelé Gə́ yeḛ riba dɔ dee kédé par-par lé yeḛ nja ɓa pa bèe.

Néra Njékaḭkulaje 3:26

Ala ɔr kura ləa aree aw rɔ sí-seḭ’g ya dɔtar mba karee tɔr ndia dɔ sí’g mba kar nana kara mbuna sí’g sa rəa dɔ néra gə́ ndɔji pɔdɔdɔ’g ya.

Njé gə́ Rɔmə 8:17

Ɓó lé jeḛ n’to ŋganeeje ndá jeḛ n’to njékiŋga nédɔji síje lé. Ɓó lé jeḛ j’ula rɔ sí ndubu gə Kristi na̰’d gə mba kiŋga səa rɔnduba na̰’d ndá j’a to njékiŋga nédɔjije lə Ala na̰’d gə Kristi tɔ.

1 Njé gə́ Kɔrḭtə 15:50

Ŋgakɔmje, ta gə́ m’pa lé ɓa to nee: Dakasrɔ gə məs lé d’askəm kisi ɓeeko̰’g lə Ala el ləm, né gə́ a gə yɔlé gə né gə́ a gə yɔlé el lé d’a korè na̰ el ləm tɔ.

1 Njé gə́ Kɔrḭtə 2:9

Nɛ to gə́ ndaŋg taree mee maktub gə́ to gə kəmee ɓəd lé pana: To néje gə́ kəm dəw oo el ləm, Mbi dəw oo el ləma, Dəw la̰ji toree mée’g el ləm tɔ, Nɛ Ala nja wa dɔ gɔl néje neelé mba kar deḛ gə́ d’undá dan kəm dee’g.

1 Njé gə́ Kɔrḭtə 6:9

See seḭ gərje el wa, njéra nékori-korije lé d’a kwa ɓeeko̰ lə Ala gə́ nédɔji lə dee el. Ǝrje rɔ sí el: njékaiyaje əsé njépole-magəje əsé gə njéndal mɔdkaiyaje

Njé gə́ Galati 5:21

gə kəmkəḭ ləm, gə kaw gə́ dəw-kido ləm, gə néra gə́ ndəl-ndəl ləma, gə néje gə́ raŋg gə́ as sə dee togə́bè lé ləm tɔ. Ma m’ula sí təsərə to gə́ ma m’ula sí kédé tɔɓəi tɔ, dəwje gə́ ra néje gə́ togə́bè lé d’a kila gɔl dee ɓeeko̰’g lə Ala kiŋga nédɔjije keneŋ pai godo.

Njé gə́ Epesə 5:5

Maji kar sí gərje gao, dəw gə́ rara gə́ to njemɔdkaiya ləm, əsé njekəmnda ləma, əsé njekwəi-yoo-lar gə́ oo lar asəna gə magəpole ləm tɔ lé deḛje neelé d’askəm kila gɔl dee ɓeeko̰’g lə Kristi gə Ala el.

1 Njé gə́ Tesalonikə 2:12

Jeḛ ndəji sí ləm, jeḛ n’gɔl sí ləma, jeḛ j’ɔs sí ɓɔḭ-ɓɔḭ mba kar néra sí aw gə goo ka̰ Ala, yeḛ gə́ njeɓar sí mba kar sí sije ɓeeko̰’g ləa gə dan rɔnduba’g ləa lé ləm tɔ.

2 Timote 2:12

Ɓó lé jeḛ j’ai meḛ sí sam-sam Ndá j’a si səa na̰’d loo-ko̰ɓee’g ləa tɔ. Nɛ ɓó lé j’ɔr rɔ sí gelee’g Ndá yeḛ kara a kɔr rəa rɔ sí’g tɔ.

2 Timote 4:8

Un gelee ɓogənè saar lé dɔgugu ka̰ meekarabasur gə mba kam to gən ya. Mbaidɔmbaije gə́ njegaŋgta gə goo rəbee lé yeḛ nja ɓa a karm mee ndəa’g neelé, a karm-ma ɓa gə karm el nɛ a kar deḛ lai gə́ to yée d’unda meḛ dee dɔ ndɔ ree’g ləa pèrèrè lé tɔ.

Ǝbrəje 1:14

See kuraje lə Ala gə́ dara lé to ndilje gə́ njéra né kar Ala gə́ yeḛ ula dee mba kar dee ra kula la ne gə deḛ gə́ d’a gə kiŋga kaji lé el wa.

Ǝbrəje 11:16

Nɛ ɓasinè lé deḛ ndiŋga ɓee gə́ maji ur dɔ nje gə́ kédé’g, yee ɓa gə́ ɓee gə́ dara. Gelee gə́ nee ɓa rɔ Ala kul ne el, ar dee ɓaree ne Ala lə dee mbata yeḛ gɔl ɓee-boo ar dee mba̰.

Ǝbrəje 4:3

Jeḛ gə́ j’ɔm meḛ sí dɔ Jeju’g lé jeḛ j’a kaw loo-kwa-rɔ’g lé. To gə́ yeḛ pa lé pana: Mee neḛ ḭ sə neḛ jugugu ar neḛ n’un ne ndu neḛ njaŋg gə rɔkubu pana: D’a kaw loo-kwa-rɔ’g lə neḛ nda̰ el. Yeḛ pa bèe ya nɛ kula rəa lé yeḛ tɔlee bém un kudee mee ndəa gə́ yeḛ tum ne gin naŋg neelé.

Ǝbrəje 9:26

Ɓó lé to togə́bè ndá nékəmndoo a ra Kristi gɔl bula ndɔ tum gel naŋg nee saar, nɛ ɓasinè loo gə́ rudu naŋg nee nai dəb ndá yeḛ unda loo teḛ mba tuji ne kó kaiya gə nékinjaməs gə́ to gə́ darəa-yeḛ ya.

Maktub gə́ Jak ula ne ar ngan-Allaje 2:5

Ooje ta nee maji, ŋgakɔmje gə́ m’unda sí dan kəm’g: See Ala ɔr kəm deḛ gə́ to gə́ njéndooje kəm dəwje gə́ naŋg nee mba kar dee to bao-meekunje ləm, mba kar ɓeeko̰ gə́ yeḛ un ndia mba kar deḛ gə́ d’undá dan kəm dee’g lé d’a to njeaje ya ləm tɔ lé el wa.

1 Piɛrə 1:9

Kaji gə́ d’a kaji sí lé yee ɓa gə́ néngwɔd gə́ seḭ aḭje gə meekun lə sí gə mba kiŋgá ya.

1 Piɛrə 3:9

Ɓó lé mar síje ra sə sí majel ndá tel raje sə dee majel godə maree’g el ləm, ɓó lé deḛ taji sí kara taji deeje godə maree’g el ləm tɔ. Néra gə́ kɔl ɓa nee: Tɔrje ndu sí dɔ deḛ gə́ ra sə sí majel mbata yee gə́ bèe ɓa, Ala ɓar sí ne gə mbəa mba kar sí iŋgaje ndu tɔr gə́ yeḛ a tɔr ne ndia dɔ sí’g kar dɔ sí ai ne səgərə.

Loo gə́ killa rea kəm Ja̰’g 13:8

Dəwje lai gə́ d’isi dɔ naŋg nee lé deḛ gə́ ri dee godo mee maktub kəmə’g lə Ŋgonbad gə́ d’inja gə́ məs un kudee mee ndəa gə́ Ala tum ne gin naŋg nee lé ndá d’a kwá meḛ dee’g sud.

Loo gə́ killa rea kəm Ja̰’g 17:8

Da gə́ m’ée kédé lé ɓasinè yeḛ godo mba̰. Yeḛ a gə kḭ bwa gə́ suna godo ndá a kaw gə́ loo gə́ tuji pugudu’g. Dəwje gə́ dɔ naŋg nee gə́ ndaŋg ri dee mee maktub kəmə’g un kudee mee ndəa gə́ tum ne gin naŋg saar lé el ndá kaar dee a kwa dee paḭ loo gə́ deḛ d’oo da lé mbata yeḛ si gən nɛ yeḛ sané pa tɔɓəi nai dəb ndá a tel ree ɓəi.

Loo gə́ killa rea kəm Ja̰’g 19:16

Ri dəw ɓa ndaŋg kubu’g ləa ləm, gə biŋgee’g ləm tɔ pana: Mbai gə́ ur dɔ mbai mareeje’g ləm, gə Mbaidɔmbaije ya ləm tɔ.

Loo gə́ killa rea kəm Ja̰’g 21:7

Yeḛ gə́ a kun baŋga ndá a kiŋga néje neelé: n’a to gə́ Ala ləa ləm, yeḛ a to gə́ ŋgon neḛ ləm tɔ.

Loo gə́ killa rea kəm Ja̰’g 5:10

I gɔl dee mbo̰ dee na̰’d gin ɓeeko̰ gə́ kára ba ləm, ar dee to ne njékinjanéməsje gə́ ka̰ Ala ləm tɔ ndá d’a ko̰ɓee dɔ naŋg ne.