Matiyo 24:7 - Maktub gə́ To gə Kəmee

⁷ Ginkoji dəwje gə raŋg d’a kḭ gə na̰ ləm, njéɓeeko̰je kara d’a kḭ gə na̰ ləm tɔ. Loo gə́ na̰je bula ɓoo-boo a koso dɔ dəwje’g ləm, naŋg kara a yə ləm tɔ.

Matiyo 24:7 ပူးပေါင်းရင်းမြစ်များ

2 Sôrta Gḭka Israɛlje 15:6

ginkoji dəwje gə raŋg tuji na̰ ləm, njé gə́ ɓee-boo gə́ kára tuji njé gə́ ɓee-boo gə́ raŋg ləm tɔ mbata Ala ar néurtije ɓəd-ɓəd jɔg dee.

Esai 19:2

Njesigənea̰ pana: M’a kɔs kudu dəw gə́ Ejiptə karee ḭ gə dəw gə́ Ejiptə maree Ndá ŋgako̰ na̰je d’a rɔ gə na̰ ləm, Baokuraje lə na̰ d’a rɔ gə na̰ ləm, Ɓee-boo a rɔ gə ɓee-boo maree ləma, Ɓeeko̰ a rɔ gə ɓeeko̰ maree ləm tɔ.

Esai 29:6

Ndá Njesigənea̰ gə́ njeboo-néje a ree rɔi’g Gə ndije gə́ ndaŋg ləm, Gə́ naŋg gə́ yə ɓugu-ɓugu ləm, Gə kaa né gə́ ɓar gə́ to ɓəl kədm-kədm ləm, Gə ko̰ ndi gə lel-boo ləma, Gə ndo̰ pər gə́ roo loo dula-dula ləm tɔ.

Ejekel 14:21

Bèe ya Mbaidɔmbaije gə́ Njesigənea̰ pa togə́bè pana: Lée n’ula gə nékwɔji-kəmkàrje lə neḛ gə́ sɔ gə́ to ɓəl kədm-kədm gə́ to kiambas ləm, gə ɓoo-boo ləm, gə daje gə́ majel ləma, gə yoo-koso ləm tɔ lé mba kar bo̰ néra njé gə́ Jerusalem ɔs ta dee’g mba tuji ne dəwje gə daje keneŋ pugudu-pugudu lé

Ejekel 21:27

Né gə́ to asəna gə téḛ bèe gə́ to jikɔlee’g lé wɔji dɔ Jerusalem loo gə́ kəm ra njor ləm, kwɔji loo tɔl dəwje mburug-mburug ləma, gə kur kò-rɔ keneŋ ləm tɔ. D’a ra njor mba tɔs ne tarəwkɔgje ləm, d’a ra kəi-kumje ləma, d’a kuba dɔndalje ləm tɔ.

Jakari 14:13

Mee ndəa’g neelé Njesigənea̰ a kar néɓəl gə́ to ɓəl kədm-kədm teḛ mbuna dee’g, Dəw a kwa ji maree kègègè Ndá d’a kwa ji na̰ rɔ gə na̰.

Lugu 21:11

Naŋg a yə gə loo ɓugu-ɓugu ləm, yoo-ndag a koso dɔ dəwje’g gə ɓee-ɓee ləm, ɓoo-boo a koso gə loo-loo ləm tɔ. Néje gə́ to ɓəl kədm-kədm a teḛ ləm, gə nétɔjije gə́ boo a teḛ dara ləm tɔ.

Néra Njékaḭkulaje 11:28

Dəw kára mbuna dee’g ria lə Agabus uba naŋg ḭta pata gə́ Ndil ɓa aree pa pana: Ɓoo-boo a koso dɔ naŋg nee gə loo lai ya. Tɔgərɔ ɓoo-boo neelé oso mee ləb gə́ Klodə to ne njeko̰ɓee lé.

Néra Njékaḭkulaje 2:19

M’a kar néje gə́ dumkoo teḛ mee dara gə́ tar ləm, Nétɔjije d’a teḛ dɔ naŋg nee ləm tɔ: Məs ləm, gə pər ləma, gə sa pər gə́ uba ŋgɔg-ŋgɔg ləm tɔ.

Ǝbrəje 12:27

Ta gə́ yeḛ pa pana: Gɔl kára tɔɓəi lé wɔji dɔ ndɔ gə́ yeḛ a kɔr néje gə́ unda deḛ gə́ yə lé ndá a kar néje lai gə́ lal yə lé nai keneŋ.

Loo gə́ killa rea kəm Ja̰’g 6:12

M’aa loo gərərə ndá loo gə́ Ŋgonbad lé ɔr nérḛdə ta maktub gə́ njekɔm’g misa̰. Naŋg yə ɓugu-ɓugu ləm, kàr tel ndul asəna gə wul-kunda gə́ d’ṵji gə́ ɓɔl ləma, naḭ gə kuburee kara tel məs ləm tɔ.

Loo gə́ killa rea kəm Ja̰’g 6:5

Loo gə́ Ŋgonbad lé ɔr nérḛdə gə́ njekɔm’g munda ndá m’oo ndu nékunda lə Ala gə́ njekɔm’g munda lé pana: Maji kari gə́ ree. M’aa loo gərərə ndá m’oo kunda-nduli. Njekubá lé nékwɔji kwɔi lə néje to jia’g.

Loo gə́ killa rea kəm Ja̰’g 6:6

Ma m’oo ndu ɓar mbuna nékundaje lə Ala gə́ sɔ lé pana: Ko-wa mee ŋgo kára, lar gə́ nda kára ləm, kó-ɔrj mee ŋgo munda ya lar gə́ nda kára ləm tɔ, nɛ ubu gə mán-nduú lé d’ɔrɔ yèree el lé godo.

Loo gə́ killa rea kəm Ja̰’g 6:8

M’aa loo gərərə ndá m’oo kunda-mwɔji ḭ keneŋ. Njekubá lé ria lə yoo tɔɓəi ɓee lə njé gə́ d’wəi lé aw səa na̰’d. D’un ndu dee d’ar dee gə mba tɔl dəwje gə́ dɔ naŋg nee gə́ dəb kára nɛ debee nai munda, mba tuji ne dəwje gə kiambas ləm, gə ɓoo-boo ləm, gə rɔko̰ ləma, gə da-ŋgaŋkasje gə́ dɔ naŋg nee ləm tɔ.