Matiyo 24:6 - Maktub gə́ To gə Kəmee

⁶ Seḭ a kooje ta rɔ na̰ lə dəwje ləm, seḭ a kooje sor rɔ gə́ d’a gə rɔ na̰ ləm tɔ ndá meḛ sí to dɔ rɔ sí’g mba kar meḛ sí pélé wəs-wəs dɔ ta’g neelé el mbata lé riri kara néje gə́ togə́bè lé a teḛ ya. Nɛ a to ndɔ gə́ rudu lé el nja dɔrɔ ɓəi.

Matiyo 24:6 ပူးပေါင်းရင်းမြစ်များ

Pakɔsje 112:7

Ta gə́ majel gə́ a koso mbia’g lé Yeḛ a ɓəl ne el, Yeḛ ɔm mée dɔ Njesigənea̰’g Wa ne mée kɔgərɔ ya.

Esai 12:2

Aa oo, Ala gə́ to njeginkajim, M’a kɔm məəm dəa’g jəb-jəb Ndá m’a ɓəl né kára el, Mbata Njesigənea̰, Njesigənea̰ to siŋgam ləm, Gə gin pa pidije ləm ləm tɔ, Yeḛ nja tel to njekajim.

Esai 7:4

Maji kari ulá pana: Məəi dɔ rɔi’g ɓó ɓəl ləm, ar kaari ndəb no̰ oŋg’d lə Resin gə Aramje gə no̰ ŋgolə Remalia’g el ləm tɔ. Deḛ lé to dɔdum kagje gə́ joo gə́ sa tuu keneŋ ba.

Jeremi 47:6

Ǝi! kiambas lə Njesigənea̰, See ndɔ gə́ ra ɓa i a kwa rɔi wa. Maji kari andə sɔli’g, Ǝw rɔi ndá to lɔm!

Ejekel 21:28

Deḛ d’oo né neelé gə́ nékooje gə́ kari ba, deḛ gə́ manrɔ dee mba̰ lé. Nɛ yeḛ lé yeḛ ar mée olé dɔ néra kori-korije’g lə dee ndá d’a kwa dee kaw sə dee ɓee-ɓər’g ya.

Matiyo 2:3

Loo gə́ mbai Herɔdə oo ta neelé ndá yeḛ ɓəl mée’g, njé gə́ Jerusalem lai kara meḛ dee to kəgəgə tɔ.

Matiyo 24:14

Ta gə́ maji nee gə́ wɔji dɔ ɓeeko̰ lé d’a kila ne mber gə loo mbidi-mbidi dɔ naŋg nee mba kar ginkoji dəwje gə raŋg lai d’oo ginee ɓa ndɔ gə́ rudu lé a teḛ ɓəi.

Matiyo 26:54

See nérea gə́ togə́bè ɓa a kar ta gə́ to mee maktub gə́ to gə kəmee lé aw ne lée’g béréré to gə́ banwa.

Lugu 21:19

Meekai sam-sam lə sí ɓa seḭ a kajije ne ya.

Lugu 21:9

Loo gə́ seḭ a kooje ta rɔ gə́ dəwje d’a gə rɔ na̰ ləm, gə kḭ gə́ d’a gə kḭ gə na̰ ləm tɔ ndá undaje bala gə mbəa el, mbata lé riri kara néje neelé a teḛ kédé ya. Nɛ ndɔ gə́ rudu lé nai nja dɔrɔ ɓəi.

Lugu 22:37

Mbata ma m’ula sí təsərə, lé riri kara ta gə́ deḛ ndaŋg mee maktub’g pana: Yeḛ neelé deḛ turá na̰’d gə njéramajelje lé d’a tɔl taree dɔm’g bém ya. Tɔgərɔ ya né gə́ wɔji dɔm lé nai tebdé bèe ba gə mba karee teḛ ŋga.

Tagə́maji gə́ Ja̰ ndang 14:1

Maji kar meḛ sí pélé wəs-wəs dɔ rɔ sí’g el. Ɔmje meḛ sí dɔ Ala’g lé ləm, ɔmje meḛ sí dɔm-ma’g ləm tɔ.

Tagə́maji gə́ Ja̰ ndang 14:27

Ma m’ya̰ sí gə meekulɔm, nɛ meekulɔm ləm ya m’ar sí. Ma lé m’ar sí to gə́ naŋg nee ɓa ar sí lé el. Maji karje meḛ sí pélé wəs-wəs el ləm, gə ɓəlje el ləm tɔ.

2 Njé gə́ Tesalonikə 2:2

mba kar sí arje meḛ sí pélé wəs-wəs dɔ’g el ləm, arje kaar sí ndəb dɔ ta gə́ deḛ tar gə́ tar lé el ləm, əsé dɔ tapa’g, əsé maktub gə́ deḛ pana: Ḭ rɔ síjeḛ’g ɓa j’wɔji ne dɔ ndɔ ree lə Mbaidɔmbaije gə́ kàree teḛ mba̰ lé el ləm tɔ.

Loo gə́ killa rea kəm Ja̰’g 6:4

Ndá kunda-ndai teḛ raga. Njekubá lé d’un ndu dee d’aree gə mba karee ar meelɔm gə́ dɔ naŋg neelé udu bo̰ ləm, gə mba kar koso-dəwje gaŋg gwɔs na̰ ləm tɔ. D’aree kiambas gə́ boi pəmə tɔ.