Matiyo 24:43 - Maktub gə́ To gə Kəmee

⁴³ Ooje maji, ɓó lé njekəi gər loo gə́ njeɓogo a gə ree dəa’g loondul’g ndá yeḛ a ra kəmee ra kaa mba kar njeɓogo andə mee kəi’g ləa el.

Matiyo 24:43 ပူးပေါင်းရင်းမြစ်များ

Maktub gə́ wɔji dɔ Jɔb 24:16

Dan loondul’g lé deḛ tila kəm kəije mbudu, Dan kàrá ndá deḛ d’iya rɔ dee pḛ́, Deḛ gər lookàr el.

Gosota-Kəmkàrje 7:19

Mbata ŋgabmje godo kəi, Yeḛ aw mbá gə́ əw,

Matiyo 14:25

Gel bagbee ndá Jeju ḭ aw gə́ rɔ dee’g, yeḛ njaa dɔ mán baa-boo gə́ no̰ tar mbiao̰-mbiao̰ lé.

Matiyo 20:11

Loo gə́ deḛ d’iŋga mba̰ ndá deḛ jém ta gə ŋgan gwɔs dee, ndɔl ne mbai gə́ njekəi lé

Matiyo 24:42

Maji kar sí sije kəmba mbata seḭ gərje ndɔ ree lə Mbaidɔmbaije lə sí el.

Matiyo 24:44

Togə́bè ɓa seḭje kara waje dɔ gɔl rɔ sí kir-kir tɔ mbata Ŋgon-dəw lé a ree dɔ kàr gə́ seḭ ə̰jije lé el.

Matiyo 25:10

Loo gə́ deḛ d’ɔd d’aw nai ɓee ndogee’g ɓəi ndá njedené-sigi lé teḛ wai. Deḛ gə́ d’wa dɔ gɔl rɔ dee jəb d’aar pèrèrè lé d’uru səa na̰’d loo-naḭ’g ndá d’wa rəw yir d’udu dɔ dee’g.

Matiyo 25:13

Maji kar sí síje kəmba mbata seḭ gərje ndəa əsé kàree el.

Mark 13:35

Bèe ndá maji kar sí síje dɔkəji sí’g kəgəgə mbata seḭ gərje ndɔ ree lə mbai gə́ njekəi lé el. Kàrkemetag əsé dan loo bab əsé gə kona gə́ no̰, əsé teḛ gə ndɔ rad kara seḭ gərje el.

Mark 6:48

Yeḛ oo dee d’oma̰ tasəra mbata lel ɔs dee gə́ gogo-gogo. Gel bagbé ndá yeḛ njaa dɔ mán’g si aw gə́ rɔ dee’g, un kəmee rəw unda gə́ raŋg mba kuru dee dəs.

Lugu 12:38

Lé yeḛ a tel dan loo bab əsé jidɔɓee’g ɓa lé iŋga dee loo-si gə́ d’isi dɔkəji dee’g pèrèrè kara deḛ kuraje neelé rɔ dee a lel dee ya.

Lugu 12:39

Ooje maji, ɓó lé njekəi gər kàr gə́ njeɓogo a gə ree ne kəi ləa ndá a si dɔkəjee’g kəgəgə ɓó a kya̰ rəw gə mba kar njeɓogo tila kəi ləa mbudu el.

Lugu 21:36

Sije dɔkəji sí’g kəgəgə, raje tamaji lé ta-ta togə́bè ɓa loo gə́ néje neelé a teḛ ndá siŋga sí a kas gə mba kɔrje dɔ sí keneŋ ləm, seḭ a teḛ kaarje ne tar no̰ Ŋgon-dəw’g lé ləm tɔ.

Loo gə́ killa rea kəm Ja̰’g 16:15

Aa ooje, m’a gə teḛ dɔ sí’g asəna gə njeɓogo gə́ teḛ wai bèe. Yeḛ gə́ si kəmba gə si gə kubu rəa’g ɓó aw gə kudee dum ba ar dee d’oo rɔkul ləa el ndá rəa a lelee yaa̰.

Loo gə́ killa rea kəm Ja̰’g 3:3

Ar məəi olé dɔ ta gə́ i ndoo’g taa gə məəi ləm, reḛ́ keneŋ rḛ́-rḛ́ ləm tɔ ndá wa ndòo rɔi dɔ kaiya’g ləi tɔ. Ɓó lé i teḛ kəmi el ndá m’a teḛ dɔi’g asəna gə njeɓogo bèe nɛ i a gər kàree gə́ m’a gə teḛ ne dɔi’g el.