Matiyo 24:4 - Maktub gə́ To gə Kəmee

⁴ Jeju ila dee keneŋ pana: Meḛ sí dɔ rɔ sí’g mba kar dəw kára kara su kəm sí el.

Matiyo 24:4 ပူးပေါင်းရင်းမြစ်များ

Jeremi 29:8

Mbata Njesigənea̰ gə́ njeboo-néje gə́ to Ala lə Israɛlje lé pa togə́bè pana: Maji kar sí ya̰je loo arje njéteggintaje lə sí, gə njénékooje lə sí gə́ d’isi mbuna sí’g lé su kəm sí el. Ɔmje meḛ sí dɔ njekɔr gel nije gə́ d’aw d’ɔr gel nije lə sí lé el ləm tɔ.

Jeremi 37:9

Njesigənea̰ pa togə́bè pana: Maji kar meḛ sí ər sí ar sí pajena: Kaldeje d’a sa rɔ dee rɔ sí’g kaw əw bèe lé a paje bèe el. Mbata deḛ d’a kaw el!

Mark 13:22

Mbata njéndaji kəm Kristije gə́ ŋgɔm ləm, gə njétakorije ləm tɔ lé d’a kḭ gə mba ra nékɔbje gə némɔrije mba su ne kəm loo, banelə d’a su ne kəm deḛ gə́ to gə kəmee ya tɔ.

Lugu 21:8

Jeju un ta ula dee pana: Meḛ sí dɔ rɔ sí’g mba kar dəw kára kara su kəm sí el. Njé gə́ na̰je d’a kun rim ree ne d’a pana: To ma nja ndá ndəa nai dəb ya. Nɛ ndolèje goo dee el.

Njé gə́ Galati 6:3

Ɓó lé dəw ə̰ji ta mée’g pana: Neḛ n’to gə́ dəw, nɛ yeḛ to gə́ dəw gə́ əḭ el ndá yeḛ nja kogo rəa ya.

Njé gə́ Epesə 4:14

Yee ɓa j’a to ne asəna gə ŋganje el ŋga, mbata ŋganje lé d’aw yo-yo nee-nee ləm, leltaje biri dee ləma, sutaje gə ta korije lə dəwje lé tel ne kəm dee ləm tɔ.

Njé gə́ Epesə 5:6

Arje dəwje su kəm sí gə sutaje el, mbata néje gə́ togə́bè ɓa to kaiya gə́ ɔs oŋg lə Ala ɔm dɔ njékaltaje’g.

Njé gə́ Kolosə 2:18

Maji kar dəwje gə́ d’wa ndòo rɔ dee pole ne kuraje gə́ kára lé su kəm sí nar sə sí néngwɔd lə sí d’wa d’ɔr ji sí’g el. Débeeje neelé d’ya̰ rɔ dee dan némḭdije’g lə dee ləm, deḛ ti ne rɔ dee hər-hər gə goo takə̰jije lə dee gə́ ka̰ darɔ lé ləm tɔ.

Njé gə́ Kolosə 2:8

Undaje kəmkàr dɔ rɔ sí’g mba kar dee busu sí gə sutaje el əsé gə kəsta gə́ gə mḭdé-mḭdé ba el. Taje neelé deḛ dum gin dee dɔ néjiɓee’g lə dəwje ləm, gə dɔ négər gə́ dɔtar gə́ ka̰ naŋg nee gə́ tar néje gə́ tar ɓəi ləm tɔ ɓó tum gin dee dɔ Kristi’g el.

2 Njé gə́ Tesalonikə 2:3

Maji kar dəw kára kara su kəm sí gə ta gə́ rara kara el, mbata lé riri kara loo rəm gogo a teḛ kédé ləm, diŋgam gə́ njeyèr gə́ to ŋgon lə njetuji lé a kunda loo teḛ kédé ləm tɔ.

1 Ja̰ 4:1

Seḭ gə́ m’unda sí dan kəm’g lé ɔmje meḛ sí dɔ ndilje’g lai el, nɛ aḭje meḛ ndilje gə mba koo see d’ḭ rɔ Ala’g ya wa. Mbata njéteggintaje gə́ ŋgɔm bula d’unda loo teḛ mbuna dəwje’g dɔ naŋg nee.