39 ar dəwje d’isi ne dɔ mbə’g jugum saar ar mán bélm ḭ unda dee ne naŋg rə̰dəŋ-rə̰dəŋ taa dee ne loo yal-yal lé tɔ. Pia gə́ ka̰ Ŋgon-dəw gə́ a gə ree lé nja to kən.
Nékundaje lai gə́ d’aw kəmba dɔ naŋg neelé d’udu guduru ya, un kudee dɔ dəwje’g aw njal teḛ dɔ nékulje’g ləm, gə daje gə́ d’ag naŋg ləma, gə yelje gə́ d’aw tar ləm tɔ, deḛ d’udu guduru dɔ naŋg nee ya. Noe gə deḛ gə́ d’isi səa na̰’d mee kəi-kag’d lé ba ya ɓa nai.
Gelee gə́ nee ɓa yeḛ ɓugu ne boo-oŋg ləa dɔ Israɛlje’g ləm, Ar rɔ gə́ to ɓəl kədəm-kədəm lé Ɔm ne dɔ dee’g ləm tɔ. Rɔ neelé aḭ dɔ dee sub-sub gə looje lai Nɛ dee d’oo ginee el ləm, Yee roo dee dula-dula Nɛ d’oo gə́ né el tɔ.
Loo gə́ yeḛ rəm si naŋg dɔ mbal gə́ ria lə Koiyoje lé ndá njékwakiláje ya gə kar dee ba rəm pər gə́ rəa’g dəjee pana: Maji kari ula sí, see ndɔ gə́ ra ɓa a to ndɔ teḛ ləa ɓəi wa. Esé see ɗi ɓa a tɔji sí ndɔ ree ləi gə ndɔ rudu naŋg nee lé ɓəi wa.
Yen ŋga, nékwɔji loo ree lə Ŋgon-dəw lé a teḛ dara ndá ginkoji dəwje gə raŋg gə́ dɔ naŋg nee d’a kunda kaar dee no̰ gə kii gèr-gèr ləm, d’a kaa loo koo Ŋgon-dəw gə́ a kḭ dara si ree dan loo-kil’g lə ndi gə siŋgamoŋ gə boo-ronduba ləm tɔ.
Seḭ njékimlooje, aaje loo ooje, Arje meḛ sí ndəb pəd-pəd ɓó gə uduje ne, Mbata né gə́ n’a gə ra ɓó lé d’ɔr soree d’ar sí kédé kara seḭ a taaje gə meḛ sí el, Nɛ n’a ra né mee ndəa gə́ seḭ a síje keneŋ gə kəmə sí ɓəi ya.
To gə́ deḛ d’un ne kəm dee rəw dɔ gər Ala’g lé ndá yeḛ nja sula dee ne sɔgɔ dan néraje’g lə dee gə́ kərm-kərm’g gə mba kar dee ra néra gə́ ram lé ya.
Dəwje tɔl-dɔg-loo-dɔg (10.000) gə́ mbər dee mbuna Israɛlje’g bura lé ree ta Gibea’g. Rɔ lé nuŋga kəd-kəd nɛ kəm Bḛjamije inja dɔ tuji-boo’d gə́ a gə teḛ dɔ dee’g lé el.