Matiyo 24:28 - Maktub gə́ To gə Kəmee

²⁸ Loo gə́ yoo-né to keneŋ ndá malje d’a tɔs dɔ na̰ keneŋ ya.

Matiyo 24:28 ပူးပေါင်းရင်းမြစ်များ

Jeremi 16:16

Njesigənea̰ pana: Aa ooje, m’ula gə njḛ́do̰-ka̰jije bula ndá d’a kwa dee. Gée’g gogo m’a kula gə njḛ́do̰-daje bula ndá d’a korə dee dɔ mbalje’g lai ləm, gə dɔdərlooje’g lai ləma, gə mbuna mbalje gə́ ta̰ ləm tɔ.

Ejekel 39:17

I ŋgon-dəw lé Mbaidɔmbaije gə́ Njesigənea̰ pa togə́bè pana: Maji kari ula yelje gə néje lai gə́ gə bag dee ləm, gə daje gə́ wala lai ləm tɔ m’pana: Mbo̰je dɔ na̰ reeje, ḭje gə looje ɓəd-ɓəd ree iŋgaje na̰ mbata nékinjaməs gə́ neḛ nja n’inja mbata lə sí to nékinjaməs gə́ boo gə́ n’inja dɔ mbalje gə́ Israɛl! Seḭ a sɔje da ləm, seḭ a kaije məs ləm tɔ.

Habakuk 1:8

Kundaje lə dee d’aiŋgwɔd kalaŋ d’unda daje gə́ tana gə da-kàgje bèe ləm, Deḛ d’ila riŋga d’unda jagmjərje gə́ kàrkemetag bèe ləma, Njérɔ gə kundaje lə dee ti rɔ dee D’aw ne kəm dee gə́ kédé-kédé ləm tɔ. Njérɔ gə kundaje lə dee lé d’ḭ əw ɓa ree ləm, Deḛ d’aw gə tɔg dee to gə́ niŋgatə̰də Gə́ nar gə bagee dəb dɔ nékwa’g ləa bèe ləm tɔ.

Lugu 17:37

Njékwakiláje dəjee pana: Mbai, see loo gə́ ra ɓa né neelé a teḛ keneŋ togə́bè ɓəi wa. Yeḛ tel ila dee keneŋ pana: Loo gə́ nin a to keneŋ ndá lée neelé malje d’a mbo̰ dɔ mbo̰ keneŋ ya.

Tel tura Godndu 28:49

Njesigənea̰ a kar ginkoji dəwje gə́ d’isi gwɔi naŋg’d əw ya d’ḭ ree rɔ sə sí, to ginkoji dəwje gə́ d’a ree kalaŋ to gə́ niŋgatə̰də gə́ nar bèe, to ginkoji dəwje gə́ seḭ a gərje ta lə dee el ləm,