Matiyo 24:15 - Maktub gə́ To gə Kəmee

¹⁵ Gelee gə́ nee ɓa loo gə́ seḭ a kooje né gə́ mina̰ gə́ ka̰ tuji ne loo gə́ d’ula ne sul dɔ loo gə́ to gə kəmee to gə́ njetegginta Daniel pa taree mee maktub’g lé (maji kar yeḛ gə́ tura maktubee lé aa rəa dɔ’g kər-kər ya.)

Matiyo 24:15 ပူးပေါင်းရင်းမြစ်များ

Jeremi 44:29

Njesigənea̰ pana: Aa ooje, nétɔji gə́ a kar sí gərje to gə́ m’a gə kar bo̰ néra sí ɔs ta sí’g lée’g neelé gə mba kar sí gərje ne to gə́ taje ləm a kaw ne lée’g béréré dɔ sí’g kar sí síje ne dan némeeko̰’g lé ɓa nee:

Ejekel 40:4

Dəw neelé ulam pana: I ŋgon-dəw lé maji kari aa loo gə kəmi ləm, tuga mbii oo ne ta ləm tɔ! I orè kəmi sḭ dɔ néje lai gə́ m’a gə tɔjii’g mbata deḛ ree səi loo gə́ nee’g mba karm m’tɔjii néje neelé. Néje lai gə́ a gə koo lé maji kari tegginee ar gel-bɔje lə Israɛl lai d’oo.

Loo gə́ killa rea kəm Daniel’g 1:6

Deḛ gə́ to ginkoji Judaje mbuna deḛ gə́ d’ɔr dee lé ri dee ɓa nee: Daniel gə Hanania gə Mikaɛl gə Ajaria.

Loo gə́ killa rea kəm Daniel’g 11:31

Kudu-njérɔje gə́ yeḛ a kula dee lé d’a kula sul dɔ loo gə́ to gə kəmee’g ləm, gə dɔ kəi-kaar-kɔgərɔ’g ləm tɔ. D’a kɔg dee dɔ nékinjanéməsje gə́ ra ta-ta ləm, d’a kunda né gə́ mina̰ gə́ ka̰ tuji ne loo lé tar ləm tɔ.

Loo gə́ killa rea kəm Daniel’g 12:11

Un kudee mee ndəa gə́ d’a kɔg dee dɔ nékinjaməs gə́ d’aw ra ta-ta gə́ kédé-kédé lé saar mee ndəa gə́ né gə́ mina̰ lə njetujiloo lé d’a kundá tar ndá ndɔje lai d’a kaḭ tɔl-dɔg gə dəa tɔl-joo gir-dee rɔ-jinaikara (1.290).

Loo gə́ killa rea kəm Daniel’g 9:23

Loo gə́ i un kudu ra tamaji ta Ala’g lé ndá godndu ḭ rɔ Ala’g lé teḛ, yee ɓa ma m’ree ne gə mba riba səi dəa mbata i lé d’undai dan kəm dee’g dana ɗəŋgərə. Bèe ndá maji kari ur mbii oo ne ta ləm, oo ne gin némḭdi gə́ i oo lé ləm tɔ!

Loo gə́ killa rea kəm Daniel’g 9:25

Bèe ndá i lé maji kari oo ta nee maji ləm, oo ginee njai ləm tɔ! Un kudee mee ndəa gə́ d’ila mber ta gə́ wɔji dɔ Jerusalem to gə́ d’a gə gɔlee gogo saar teḛ ne ndəa’g lə yeḛ gə́ deḛ tər ubu dəa’g gə́ to Njékɔrno̰ dee lé, mee ndəaje gə́ siri-siri d’a kas siri. Mee ndəaje gə́ siri-siri gɔl rɔ-misa̰-giree-joo lé d’a gɔl ndaa-looje gə bwaje gogo nɛ loo a moŋg kaŋ.

Loo gə́ killa rea kəm Daniel’g 9:27

Yeḛ a man rəa njaŋg mba kɔm na̰’d gə njé gə́ na̰je mee ndəaje gə́ siri as gɔl kára. Nɛ mee ges ndəaje gə́ siri lé yeḛ a kɔg dee loo kinja néməs ləm, gə kun né kar Ala ləm tɔ. Njetujiloo lé a ra néje gə́ mina̰ gə́ d’al dɔ loo sula saar gə mba kar tuji gə néje gə́ d’wɔji gə mba ra lé ɓugu dɔ njetujiloo’g lé.

Matiyo 24:16

Yen ŋga maji kar deḛ gə́ d’isi Jude lé d’aḭ d’aw dɔ mbalje’g ləm,

Mark 13:14

Loo gə́ seḭ a kooje né gə́ mina̰ gə́ ka̰ tuji ne loo gə́ kəm karee teḛ keneŋ el lé (maji kar yeḛ gə́ tura ta neelé ndá ra kəmee ra kaa keneŋ ya) yen ndá maji kar deḛ gə́ d’isi Jude lé d’aḭ d’aw dɔ mbalje’g ləm,

Lugu 19:43

Mbata ndɔje gə́ njéba̰je ləi d’a teḛ dɔi’g kuru bwa gugu ne dɔi sub ləm, d’a gugu giri sub ləma, d’a kudu dɔi jigi-jigi ləm tɔ lé kàree a teḛ ndá d’a tujii pugudu gə ŋganije gə́ d’isi səi lé na̰’d.

Lugu 21:20

Loo gə́ seḭ a kooje boo-njérɔje d’a taa Jerusalem pəl-pəl ndá seḭ a gərje gao to gə́ ta tuji lə Jerusalem nai dəb ba ŋga.

Tagə́maji gə́ Ja̰ ndang 11:48

Ɓó lé jeḛ j’yá̰ gə́ kyá̰ mba karee ra saar-saar ndá dəwje lai d’a kɔm meḛ dee dəa’g. Tɔɓəi njé gə́ Rɔm d’a ree tuji ɓee-boo lə sí ləm, d’a tuji gin ɓee lə síjeḛ bura ləm tɔ.

Néra Njékaḭkulaje 21:28

ra né wəl-wəl pana: Dəwje gə́ Israɛl, ree laje sə sí! Aa ooje dəw gə́ ɔr goo ta gə loo-loo ar dəwje lai ila ne ta dɔ dəwje gə́ Israɛl ləm, gə dɔ godndu’g ləma, gə dɔ loo’g neelé ləm tɔ. Ɓasinè yeḛ ar Grekje kara d’andə mee kəi-Ala’g ila ne ndɔl dɔ loo gə́ to gə kəmee neelé tɔ.

Néra Njékaḭkulaje 6:13

Deḛ d’ɔr njégaŋgtaje d’ar dee pana: Dəw neelé pata ila ne ndɔl dɔ loo gə́ to gə kəmee doi lé ləm gə dɔ godndu’g ləm tɔ ɓó ila təa naŋg el,

Ǝbrəje 2:1

Gelee gə́ nee ɓa ta néje gə́ jeḛ j’oo lé maji kar sí n’reḛ́ keneŋ rḛ́-rḛ́ nà j’a ndəm kigi loo gə́ əw’g.

Loo gə́ killa rea kəm Ja̰’g 1:3

Yeḛ gə́ tura maktub lé ləm, gə deḛ gə́ d’oo ta gə́ tegginee ləma, gə deḛ gə́ tɔs ne kəm dee dɔ néje lai gə́ ndaŋg mee maktub’g neelé ləm tɔ ndá deḛ nja ɓa rɔlel nai sə dee. Mbata néje neelé ndəa to dəb ya.

Loo gə́ killa rea kəm Ja̰’g 3:22

Nana ɓa gə́ mbia to gən ndá maji karee oo ne ta gə́ Ndil ula Eglisəje ya.