Matiyo 23:5 - Maktub gə́ To gə Kəmee

⁵ Deḛ ra né gə mba kəm dəwje ba. Yee gə́ bèe ɓa deḛ ndaŋg ji kubuje lə dee d’aree tad bəgə-bəgə ləm, deḛ tɔs kula ta kubuje’g d’aree ŋgal yao-yao ləm tɔ.

Matiyo 23:5 ပူးပေါင်းရင်းမြစ်များ

2 Mbaije 10:16

yeḛ pana, Gə́ ree səm ndá i a koo mal Njesigənea̰ gə́ ram lé ɓəi. Togə́bè ɓa yeḛ aw ne səa na̰’d mee pusu’g ləa tɔ.

Teḛ-Raga 13:9

Naḭ neelé a to nétɔji gə́ a to ji sí’g ləm, a to nékolé-mee gə́ a to ŋgo no̰ sí’g ləm tɔ gə mba kar godndu Njesigənea̰ to ne tai’g.

Gosota-Kəmkàrje 3:3

Maji kar meemaji gə ŋgonkoji d’ubai d’ya̰’i el, Tɔ dee gwɔsi’g ləm, Ndaŋ dee dɔ ɓəŋgəri’g ləm tɔ.

Ləbije 13:32

Ndɔ gə́ njekɔm’g siri lé njekinjanéməs a tən doo lé. Ɓó lé oo to gə́ ŋgər neelé aw gə́ kédé-kédé el ləm, bḭ rəa gə́ ɔb wə gə́ tel wagəsa godo keneŋ ləma, uru dəs ndar rəa el ləm tɔ

Matiyo 9:20

D’isi d’aw ndá dené gə́ rɔko̰-məs rəa as ləb dɔg-giree-joo uru mbuna dee’g ɔrɔ ta kubu ləa.

Lugu 16:15

Jeju ula dee pana: Seḭ lé seḭ rabje rɔ sí kəm dəwje’g mba kar dee d’oo sí gə́ njémeekarabasurje nɛ Ala gər meḛ sí gao ya. Mbata né gə́ rab rəa kəm dəwje’g raga lé Ala lé oo gə́ ram né ya.

Lugu 20:47

deḛ to gə́ njerum né kəi lə njékəisiŋgaje rum-rum ləm, deḛ ra tamaji lé kur dee əw rab ne rɔ dee kəm dəwje’g ləm tɔ. Deḛje neelé ta gə́ d’a kɔr kila dɔ dee’g lé a kur dɔ ka̰ mar deeje’g sula.

Tagə́maji gə́ Ja̰ ndang 12:43

Rɔnduba gə́ ḭ rɔ dəwje’g ɓa deḛ ndigi unda rɔnduba gə́ ḭ rɔ Ala’g lé.

Tagə́maji gə́ Ja̰ ndang 5:44

Seḭ gə́ saŋgje rɔnduba gə́ ḭ rɔ na̰’g ɓó saŋgje rɔnduba gə́ ḭ rɔ Ala’g ɓa el lé see seḭ a kɔmje meḛ sí dɔm’g to gə́ banwa.

Tagə́maji gə́ Ja̰ ndang 7:18

Yeḛ gə́ pata gə mbaiyee-kea̰ ndá saŋg rɔnduba gə́ wɔji dəa-yeḛ nja gə dɔrea. Nɛ yeḛ gə́ saŋg rɔnduba gə́ wɔji dɔ dəw gə́ njekulá lé ndá yeḛ to kankəm dəw ya, néra gə́ gə goo rəbee el kára kara godo mée’g.

Tel tura Godndu 11:18

Taje gə́ ma m’ula sí neelé maji kar sí taaje meḛ sí’g gə ŋgaw meḛ sí bura. Seḭ a tɔ deeje ji sí’g kar dee to gə́ nétɔji sí ləm, d’a to ŋgo no̰ sí’g ləm tɔ.

Tel tura Godndu 22:12

Kubu gə́ ŋgal yududu gə́ seḭ a gə kəjee ne rɔ sí lé seḭ a kɔsje gə kúla kubuje gə́ d’ul ta dee na̰’d lé keneŋ loo sɔ gelee’g ba.

Tel tura Godndu 6:8

I a tɔ dee jii’g kar dee to gə́ nétɔji jii’g ləm, d’a to asəna gə nétɔji gə́ i a tɔ dee ŋgo nɔḭ’g ləm,

Njé gə́ Pilibə 1:15

Tɔgərɔ, njé gə́ na̰je lé kəmkəḭ gə maḭta ɓa ar dee d’ila ne mber ta lə Kristi ya nɛ njé gə́ raŋg lé d’orè mber kila lə dee gə meemaji tɔ.

Njé gə́ Pilibə 2:3

Raje né kára kara mbata ba̰ ta gə́ wa meḛ sí el ləm, əsé gə mba kunda ne rɔ sí kəm dəwje’g el ləm tɔ nɛ maji kar sí osoje kul tədje ne kag na̰.

2 Njé gə́ Tesalonikə 2:4

Diŋgam gə́ njeyèr lé yeḛ nja ɓa gə́ njeba̰ gə́ a kuba loo kḭ naji loo gə Ala ləm, gə né gə́ rara gə́ dəwje d’wa meḛ dee’g ləma, a ra saar kuru ne mee kəi-Ala’g ɓa a tar rəa pana: Neḛ nja gə́ Ala ləm tɔ.