Matiyo 23:4 - Maktub gə́ To gə Kəmee

⁴ Deḛ tɔ nékodo gə́ wɔi d’unda dɔ tam dəwje’g nɛ ŋgaw ji dee kara d’ula keneŋ d’ɔrɔ ne kereŋ el.

Matiyo 23:4 ပူးပေါင်းရင်းမြစ်များ

Esai 46:1

Magə-Bel gə magə-Nebo toso, D’odo néndajije gə́ wɔji dɔ dee d’ɔm dɔ da-kulje’g Ar dee tel to nékodo gə́ wɔi Dɔ da-kulje’g neelé ar dee dao ne!

Matiyo 23:23

Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata kamnaḭje lə sí gə́ ri dee lə mantə gə anet gə kumin lé seḭ kaije loo-dɔg ɓa seḭ unje təa kára arje Ala lé nɛ kankəm ta godndu gə́ wɔji dɔ meekarabasur gə meekɔrjol gə meenda londoŋ gə́ d’ur dɔ taje lai lé seḭ ubaje ya̰je. Néje neelé to néje gə́ kəm ra ya nɛ a kubaje néje gə́ raŋg neelé kya̰je el tɔ.

Matiyo 23:3

Néje lai gə́ d’ula sí lé aaje kər-kər ləm, gə raje areeje ɔr rɔd ləm tɔ nɛ ndajije néra dee el. Mbata deḛ pa taree ndá lal ra née.

Lugu 11:46

Jeju tel ilá keneŋ pana: Seḭ njéteggin godnduje lé meeko̰ a koso dɔ sí’g ya tɔ. Mbata seḭ odoje nékodoje gə́ wɔi gə́ dum dɔ loo ya undaje dɔ dəwje’g nɛ ŋgaw ji sí kára kara ɔrɔje ne kereŋ bèe el.

Néra Njékaḭkulaje 15:10

Bèe ndá see ban ɓa seḭ aḭje mee Ala ɓasinè ulaje ne nékodo gə́ wɔi gə́ dum dɔ ka síje gə dɔ síjeḛ’g lé gwɔb njékwakiláje’g bèe ɓəi wa.

Néra Njékaḭkulaje 15:28

Mbata jeḛ ləm, gə Ndilmeenda ləm tɔ lé j’ɔm na̰’d gə mba kula sí né gə́ kəm ra ɓó j’ila ta né gə́ raŋg dɔ’g gə mba karee wɔi sí el.

Njé gə́ Galati 6:13

Mbata njékḭja tamɔd deeje neelé deḛ d’aa dɔ godndu lé ra née el, nɛ deḛ ndigi kar sí injaje tamɔd sí ɓó gə kar dee ti ne rɔ dee dɔ né gə́ ka̰ darɔ sí-seḭ’g lé ya.

1 Ja̰ 5:3

Kaa dɔ godndia kər-kər lé yee ɓa gə́ meenoji gə́ ka̰ Ala ya. Godndiaje lé to né gə́ a ndɔji el

Loo gə́ killa rea kəm Ja̰’g 2:24

Seḭ dəwje gə́ raŋg gə́ sije Tiatirə lé seḭ gə́ taaje tandoo neelé el ləm, seḭ gə́ naaje meekuru lə Njekurai gə goo ta gə́ deḛ nja pa el ləm tɔ lé ma nja m’ula sí təsərə m’pana: M’a kunda nékodo gə́ wɔi gə́ raŋg dɔ sí’g el.