Matiyo 23:16 - Maktub gə́ To gə Kəmee

¹⁶ Seḭ njékəmtɔje gə́ ɔrje no̰ njékəmtɔ mar síje lé meeko̰ a koso dɔ sí’g mbata seḭ pajena ɓó lé dəw ubu rəa gə ri kəi-Ala ndá to gə́ né el ɓəi, nɛ ɓó lé yeḛ ubu rəa gə larlɔr gə́ to kəi-Ala’g ndá yee ɓa to gə́ kankəm né gə́ yeḛ tia̰ rəa dɔ’g ya.

Matiyo 23:16 ပူးပေါင်းရင်းမြစ်များ

Esai 9:16

Gelee gə́ nee ɓa Mbaidɔmbaije a koo loo kal ne rəa rɔ basaje’g lə dee el ləm, Yeḛ a koo ne kəmtondoo lə ŋganalje gə njékəisiŋgaje lə dee el ləm tɔ, Mbata deḛ lai to njéhulaije ləm, Gə njémeeyèrje ləm tɔ, Ta dəwje lai pata nérɔkulje. Nɛ lé bèe kara oŋg ləa wəi ne bèm el ləm, Jia wɔi dɔ dee’g ndiŋ-ndiŋ ɓəi ləm tɔ.

Matiyo 15:14

Maji kar sí ya̰ deeje. Deḛ to njékəmtɔje gə́ d’ula kag ji na̰’d. Ɓó lé njekəmtɔ a ndɔr njekəmtɔ maree ndá deḛ joo bɔr d’a koso godə-bwa’g ya.

Matiyo 23:13

Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata seḭ uduje rəw ɓeeko̰ gə́ dara dɔ dəwje’g jigi. Seḭje nja seḭ a̰dje keneŋ el ləm, dəwje gə́ ndigi kandə keneŋ kara seḭ ɔg deeje loo kandə keneŋ ləm tɔ.

Matiyo 23:17

Seḭ mbəje gə́ njékəmtɔje, see ɗi ɓa boi ur dɔ maree’g wa. See to gə́ darɔ larlɔr əsé kəi-Ala gə́ tel larlɔr unda gə kəmee wa.

Matiyo 23:19

Njékəmtɔje, see ɗi ɓa to né gə́ boi ur dɔ maree’g wa. See to gə́ nékinjaməs əsé loo-nékinjaməs gə́ tel nékinjaməs unda gə kəmee wa.

Matiyo 23:24

Seḭ njékɔrno̰ dəwje gə́ toje njékəmtɔje lé seḭ ndəije manje lé nà banelə seḭ a kuruje girmisi, nɛ jambal ya ŋga seḭ uruje gə́ guburee ba magə meḛ sí’g.

Matiyo 23:26

I Parisiḛ gə́ to njekəmtɔ lé togo mee ŋgo-kai-mán gə ka lé ar dee d’àr raŋg-raŋg ɓa gir dee gə́ raga a kàr raŋg-raŋg ɓəi.

Njé gə́ Galati 5:3

Ma m’ula sí təsərə gɔl kára ya tɔɓəi, dəw gə́ rara ɓa gə́ ar dee d’inja tamɔdee ndá yeḛ ula rəa keneŋ mba kun dɔ gɔl godndu lad-lad ra née ya.

Maktub gə́ Jak ula ne ar ngan-Allaje 5:12

Ŋgakɔmje, ta gə́ m’pa neelé dum mareeje gə́ kédé: Ubuje rɔ sí gə ri dara el ləm, əsé gə dɔ naŋg nee el ləma, əsé gə né gə́ rara kara el ləm tɔ. Nɛ maji kar sí pajena: Tɔgərɔ ndá tɔgərɔ ya, əsé a paje: Wah! ndá wah tɔ. Togə́bè ɓa seḭ a kosoje ne dan ta’g el.