Matiyo 23:14 - Maktub gə́ To gə Kəmee

¹⁴ Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata seḭ rumje néje lə njékəisiŋgaje mbad-mbad ndá tel ləbje kəm dee gə ndukwɔi lé gə ta gə́ pa kɔm na̰ rib-rib, néra sí gə́ togə́bè lé taree a ndər dɔ sí’g di-di ya.

Matiyo 23:14 ပူးပေါင်းရင်းမြစ်များ

Maktub gə́ wɔji dɔ Jɔb 22:9

I tuba njékəisiŋgaje ji dee kari kari-kari ləm, I təd ji ŋganalje pal-pal ləm tɔ.

Maktub gə́ wɔji dɔ Jɔb 31:16

Ɓó lé m’ɔg njéndooje né gə́ deḛ dəji ləm Ɓó lé m’ar kəm njekəisiŋga to ndòo ləma,

Teḛ-Raga 22:22

Ɓó lé seḭ ulaje kəm dee ndòo ɓa deḛ ree ne rɔm’g ndá m’a koo ndu no̰ lə dee ya.

Matiyo 11:24

Ma nja m’ula sí, ndɔ gaŋg-rəwta lé ta gə́ a kwa dɔi a kur dɔ ka̰ Sɔdɔm’g.

Matiyo 23:13

Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata seḭ uduje rəw ɓeeko̰ gə́ dara dɔ dəwje’g jigi. Seḭje nja seḭ a̰dje keneŋ el ləm, dəwje gə́ ndigi kandə keneŋ kara seḭ ɔg deeje loo kandə keneŋ ləm tɔ.

Matiyo 23:33

Seḭ ŋgan li-meewaije lé gehene ɓa to gə́ loo gə́ bo̰ néra sí a kɔs ta sí’g keneŋ ya nɛ see ɗi ɓa seḭ a raje gə mba teḛje ne ta’g wa.

Mark 12:40

Deḛ to njérum né mee kəi’g lə njékəisiŋgaje rum-rum ləm, deḛ ra tamaji kuree əw rab ne rɔ dee kəm dəwje’g ləm tɔ. Deḛje neelé ta gə́ d’a gə kɔr kila dɔ dee’g lé a kal dɔ loo sula.

Lugu 12:48

Nɛ yeḛ gə́ gər torndu ɓéeje el, nɛ yeḛ ra né gə́ kəm kar bea̰ ɔs təa’g ndá kara d’a kundá ji dee bula el. Nana ɓa gə́ d’ɔm né jia’g yaa̰ ndá d’a dəjee gée yaa̰ ɓəi ləm, nana ɓa gə́ d’ɔm né jia’g ɔs dɔ maree yaa̰ ɓəi ndá d’a tel taa jia’g ɓad-ɓad ɓəi ləm tɔ.

Lugu 20:47

deḛ to gə́ njerum né kəi lə njékəisiŋgaje rum-rum ləm, deḛ ra tamaji lé kur dee əw rab ne rɔ dee kəm dəwje’g ləm tɔ. Deḛje neelé ta gə́ d’a kɔr kila dɔ dee’g lé a kur dɔ ka̰ mar deeje’g sula.

2 Timote 3:6

Njé gə́ na̰je mbuna dee’g lé ta̰d kudu na̰’g mee kəije’g lə dəwje ndá mbə-denéje gə́ takə̰jije lə dee àr el ləm, to gə́ njékaiyaje gə́ mal néje gə́ ɓəd-ɓəd wa meḛ dee ləm tɔ lé d’wa dee gə́ ɓər.

Titə 1:10

Tɔgərɔ ya, mbuna njékḭja tamɔd deeje lé njékaltaje bula ləm, gə njépa taje gə́ gə mḭdé-mḭdé ba ləma, gə njésukəmlooje ləm tɔ lé d’isi keneŋ.

Maktub gə́ Jak ula ne ar ngan-Allaje 3:1

Ŋgakɔmje, maji kar dəwje bula d’ḭ mbuna sí’g gə dɔrɔ dee tel to njendoo mar deeje né el mbata seḭ gərje gao, jeḛ gə́ n’to njendoo mar síje neelé ta gə́ d’a gaŋg dɔ sí’g a kal dɔ ka̰ dee-deḛ bəŋ-bəŋ.

2 Piɛrə 2:14

Mɔdkaiya ula pər meḛ dee’g biriri-biriri, ŋgur kaiya gə́ ra dee lé ɔr meḛ dee’g el, dəwje gə́ gɔl dee wa naŋg el lé deḛ su kəm dee ndɔr dee ne goo dee’g, deḛ to njékwəiyoolarje, deḛ to ŋgan njékilandɔl dɔ loo’gje tɔ.

2 Piɛrə 2:3

Meeyèr gə́ meḛ dee’g lé ndam godo, yee ɓa, d’a sɔ sí ne gə taŋgɔmje lə dee ya. Deḛ lé gaŋg rəwta dɔ dee’g ləw ba lé to dɔ dee’g keg ɓəi ar tuji ya̰ dee ne gə goo ŋgalee el nja saar.