Matiyo 23:13 - Maktub gə́ To gə Kəmee

¹³ Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata seḭ uduje rəw ɓeeko̰ gə́ dara dɔ dəwje’g jigi. Seḭje nja seḭ a̰dje keneŋ el ləm, dəwje gə́ ndigi kandə keneŋ kara seḭ ɔg deeje loo kandə keneŋ ləm tɔ.

Matiyo 23:13 ပူးပေါင်းရင်းမြစ်များ

Esai 33:14

Njékaiyaje lé deḛ ɓəl mee ɓee gə́ Sio̰’g, Njéra né kori-korije lé d’unda bala tigi-tigi. See na̰ ɓa mbuna sí’g askəm si mbɔr pər gə́ roo loo’g wa. Esé na̰ ɓa mbuna sí’g askəm si mbɔr ndo̰ pərje gə́ to saar-saar gə no̰ lé wa.

Jakari 11:17

Meeko̰ a koso dɔ njekulbadje gə́ gə mḭdé ba Gə́ tusu badje ləa ya̰ dee. Maji kar kiambas tuji kag jia gə kəmee gə́ dɔkɔl! Maji kar kag jia tudu kurum ləm, Kar kəmee gə́ dɔkɔl tɔ kab ya ləm tɔ.

Matiyo 23:16

Seḭ njékəmtɔje gə́ ɔrje no̰ njékəmtɔ mar síje lé meeko̰ a koso dɔ sí’g mbata seḭ pajena ɓó lé dəw ubu rəa gə ri kəi-Ala ndá to gə́ né el ɓəi, nɛ ɓó lé yeḛ ubu rəa gə larlɔr gə́ to kəi-Ala’g ndá yee ɓa to gə́ kankəm né gə́ yeḛ tia̰ rəa dɔ’g ya.

Matiyo 23:23

Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata kamnaḭje lə sí gə́ ri dee lə mantə gə anet gə kumin lé seḭ kaije loo-dɔg ɓa seḭ unje təa kára arje Ala lé nɛ kankəm ta godndu gə́ wɔji dɔ meekarabasur gə meekɔrjol gə meenda londoŋ gə́ d’ur dɔ taje lai lé seḭ ubaje ya̰je. Néje neelé to néje gə́ kəm ra ya nɛ a kubaje néje gə́ raŋg neelé kya̰je el tɔ.

Matiyo 23:25

Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata seḭ togoje gir ŋgo-kai-mán gə ka nɛ meḛ dee gə́ kəi ɓa néje gə́ seḭ iŋgaje loo-ɓogo əsé loo-nərnéje wa keneŋ gɔgɔgɔ-gɔgɔgɔ.

Matiyo 23:27

Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata seḭ toje asəna gə dɔɓarje gə́ ra né keneŋ d’ar dee nda kələw-kələw d’ar dee to ne né gə́ maji bèlm’g raga, nɛ meḛ dee gə́ kəi ndá siŋgaje gə néje gə́ ram ɓa rusu njḭ-njḭ.

Matiyo 23:29

Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata seḭ raje dɔɓar njéteggintaje bur-bur ləm, dɔɓar njémeekarabasurje kara seḭ ndaŋgje né keneŋ mèr-mèr ləm tɔ.

Matiyo 3:7

Loo gə́ yeḛ oo Parisiḛje gə Saduseḛje bula ree rəa’g mba karee ra dee batɛm lé ndá yeḛ ula dee pana: Seḭ ŋgan li-meewaije, see na̰ ɓa ndoo sí mba kar sí aḭje oŋg gə́ a gə ree lé wa.

Lugu 11:52

Seḭ njéteggin godnduje lé meeko̰ a koso dɔ sí’g. Mbata seḭ unje nékɔr takəi gosonégər ji sí’g, seḭ nja seḭ a̰dje keneŋ el ləm, dəwje gə́ ndigi kandə keneŋ kara seḭ ɔg deeje loo kandə’g ləm tɔ.

Tagə́maji gə́ Ja̰ ndang 9:22

Njékojeje lé pa togə́bè mbata deḛ ɓəl Jibje. Mbata Jibje d’ɔm ta lə dee na̰’d gə mba kar ɓó lé dəw gə́ rara ɓa gə́ təa a teḛ ja̰ pana: Jeju to Kristi lé ndá d’a kɔr njea neelé mee kəi-kwa-dɔ-na̰’g ya.

Tagə́maji gə́ Ja̰ ndang 9:24

Parisiḛje tel ɓar yeḛ gə́ kédé to njekəmtɔ neelé gɔl joo d’ulá pana: Maji kari ula rɔnduba dɔ Ala’g, jeḛ n’gər gao dəw neelé to gə́ njekaiya ya.

Tagə́maji gə́ Ja̰ ndang 9:34

Deḛ tel d’ilá keneŋ pana: Deḛ d’ojii dan kaiya’g dana bab nɛ see i a ndoo sí ta tɔɓəi wa. Yen ŋga deḛ d’unee tubá tɔ.

Néra Njékaḭkulaje 13:8

Nɛ Elymas gə́ njembeḛ lé (mbata yee ɓa to gə́ gin ria ya), yeḛ unda dee ɓad mbata yeḛ saŋg rəw gə mba bəg njeguburuɓee dɔ meekun’g ləa.

Néra Njékaḭkulaje 5:28

See kédé lé j’ɔg sí dɔ ndoo dəwje ta gə ri dəw neelé rədədə el wa. Aa ooje, ta lə sí gə́ seḭ ndooje dəwje lé taa Jerusalem pəl-pəl. See seḭ raje togə́bè mba kar ta məs dəw neelé wa dɔ síjeḛ nja ŋga wa.

Néra Njékaḭkulaje 5:40

Yen ŋga deḛ lai taa ta ləa rəgm. Togə́bè deḛ ɓar njékaḭkulaje lé kunda dee gə ndəi, d’ɔg dee pata gə ri Jeju gə no̰ dee rədədə ɓa d’uba dee d’ya̰ dee ɓəi.

Néra Njékaḭkulaje 8:1

Sool ndigi sə dee rəgm gə mba kar dee tɔl Etien. Mee ndəa’g neelé nja d’ḭ d’ɔm na̰ dɔ Eglisə gə́ Jerusalem’g. Deḛ lai sanéna̰ dɔ ɓeeje gə́ Jude gə Samari ləm tɔ, nɛ njékaḭkulaje ɓa nai.

2 Timote 3:8

To gə́ Janes gə Jambres d’ɔs ta lə Moyis rəw lé deḛ kara d’ɔs kankəmta rəw d’aar ne ŋgəd-ŋgəd tɔ. Takə̰ji lə dee to ta gə́ yèr ləm, meekun lə dee ɓa lé naa kara a kwa loo wodolo ləm tɔ.

2 Timote 4:15

I nja kara unda kəmkàr dɔ rɔi’g mbata ləa, yeḛ to njekɔs kaar sí dɔ taje’g lə sí.